ನಿಮ್ಮ ಗ್ರಹಬಲ: ಈ ರಾಶಿಯವರಿಗಿಂದು ಕಾರ್ಯಕ್ಷೇತ್ರದಲ್ಲಿ ಉನ್ನತಿ ತೋರಿಬಂದು ಸಂತಸವಾಗಲಿದೆ

Team Udayavani, Jan 8, 2021, 8:11 AM IST

08-01-2021

ಮೇಷ: ಆರಾಮದಾಯಕವಾದ ದಿನವಿದು. ಮನಸ್ಸಿಗೆ ಸಮಾಧಾನವನ್ನು ನೀಡುವ ಕಾಲವಿದು. ಮಕ್ಕಳಿಂದ ಪ್ರಯಾಣದ ಬೇಡಿಕೆ ಬಂದೀತು. ನೆರವೇರಿಸಿದರೆ ಉತ್ತಮವಾದೀತು. ಇಲ್ಲದಿದ್ದರೆ ಸ್ವಲ್ಪ ಕೋಪತಾಪ ಕಂಡುಬಂದೀತು.

ವೃಷಭ: ವೈಭವಗಳಿಂದ ದೂರವಿದ್ದಷ್ಟೂ ಉತ್ತಮ ಅನಾವಶ್ಯಕವಾಗಿ ಖರ್ಚು ಮಾಡದಿರಿ. ಆರೋಗ್ಯದ ಬಗ್ಗೆ ಸ್ವಲ್ಪ ಖರ್ಚು ತಂದೀತು. ಮನೆಯಲ್ಲಿ ಹಿರಿಯರಿಂದ ಉತ್ತಮ ಸಲಹೆಗಳು ಬಂದಾವು. ಸ್ವೀಕರಿಸಿದರೆ ಒಳ್ಳೆಯದು.

ಮಿಥುನ: ಮಂಗಳ ಕಾರ್ಯ ನಿಮಿತ್ತ ಪ್ರಯಾಣವು ಕೂಡಿ ಬಂದೀತು. ಸಂತೋಷ ಸಮಾರಂಭವು ಜರಗಲಿದೆ. ರಕ್ಷಣಾ ಕಾರ್ಯದವರಿಗೆ ಜವಾಬ್ದಾರಿಯು ಹೆಚ್ಚಲಿದೆ. ಮಾಡಿದ ಕೆಲಸಕ್ಕೆ ತಕ್ಕ ಪ್ರತಿಫ‌ಲ ದೊರೆತು ಸಮಾಧಾನ.

ಕರ್ಕ: ಕಾರ್ಮಿಕರಿಗೆ ಮುಂಭಡ್ತಿ ಸಿಗಲಿದೆ. ಮದುವೆಯ ಮಾತುಕತೆಗಳು ಫ‌ಲಪ್ರದವಾಗಲಿದೆ. ಕಾರ್ಯಕ್ಷೇತ್ರದಲ್ಲಿ ಉನ್ನತಿ ತೋರಿಬಂದು ಸಂತಸವಾಗಲಿದೆ. ಪಾಲು ಬಂಡವಾಳದಲ್ಲಿ ಲಾಭವು ಅಧಿಕವಾಗಲಿದೆ.

ಸಿಂಹ: ಮನೆಯ ಜಂಜಾಟಗಳು ತಲೆ ಕೆಡಿಸಲಿದೆ. ವ್ಯಾಪಾರ, ವ್ಯವಹಾರಗಳು ತುಸು ಲಾಭವಾಗಲಿದೆ. ಶುಭಮಂಗಲ ಕಾರ್ಯಗಳಿಗೆ ಅಡಚಣೆ ತೋರಿಬಂದೀತು. ಮನಸ್ಸನ್ನು ಪ್ರಸನ್ನವಾಗಿಟ್ಟುಕೊಳ್ಳಿರಿ. ಆರೋಗ್ಯ ಕಾಪಾಡಿಕೊಳ್ಳಿ.

ಕನ್ಯಾ: ಆಗಾಗ ಬಂಧು ವಿರೋಧ, ಕಾರ್ಯ ವೈಫ‌ಲ್ಯ ಧನ ಹಾನಿ, ಸಂಚಾರದಲ್ಲಿ ಅಡಚಣೆಗಳು ಕಂಡುಬಂದಾವು. ಗೃಹ, ಭೂ, ಧನಾದಿಗಳಿಗೆ ತುಸು ಚೇತರಿಕೆಯು ಇರುತ್ತದೆ. ಬಂಧುಗಳ ಸಹಕಾರದಿಂದ ಕಾರ್ಯ ಸಿದ್ಧಿಯಾಗಲಿದೆ.

ತುಲಾ: ಸಹೋದ್ಯೋಗಿಗಳಿಂದ ಉದ್ಯೋಗ ಕ್ಷೇತ್ರದಲ್ಲಿ ಉಪಟಳ ಸಂಭವವಿದೆ. ಹೊಸದಾದ ಕಾರ್ಯಾರಂಭಕ್ಕೆ ಬಂಡವಾಳ ಹೂಡುವಿಕೆಗೆ ಈ ಸಮಯವು ಉತ್ತಮವಲ್ಲಾ. ಸಾಮಾನ್ಯವಾಗಿ ಶಾರೀರಿಕ ತೊಂದರೆಗಳು ಅನುಭವಿಸುವಿರಿ.

ವೃಶ್ಚಿಕ: ವಾಸಸ್ಥಳ ಬದಲಾವಣೆ ಕಂಡುಬರುವುದು. ಕೆಲಸಕಾರ್ಯಗಳಿಗೆ ಅಡಚಣೆಗಳು ಕಂಡುಬಂದೀತು. ಮನೆಯವರೊಂದಿಗೆ ಹೊಂದಾಣಿಕೆ ಕಡಿಮೆಯಾಗಲಿದೆ. ಲೋಹದ ಉಪಕರಣಗಳಿಂದ ದೂರವಿದ್ದರೆ ಉತ್ತಮ.

ಧನು: ದುರ್ಜನರ ಸಹವಾಸದಿಂದ ಅಶುಭಕರವಾದೀತು. ಆರೋಗ್ಯವು ಉತ್ತಮ ರೀತಿಯಲ್ಲಿ ವರ್ಧಿಸುವುದು. ದಾಂಪತ್ಯದಲ್ಲಿ ಸಾಮರಸ್ಯದ ಕೊರತೆ ಕಾಣಿಸಲಿದೆ. ಮಕ್ಕಳ ವಿಚಾರದಲ್ಲಿ ಅಸಮಾಧಾನ ಕಂಡುಬರುವುದು.

ಮಕರ: ಆರೋಗ್ಯದ ಬಗ್ಗೆ ಹೆಚ್ಚಿನ ಜಾಗ್ರತೆ ಮಾಡಿರಿ. ರಾಹುವಿನ ಪ್ರಭಾವದಿಂದ ಮಾನಸಿಕವಾಗಿ ಕಿರಿಕಿರಿ ಇದ್ದೀತು. ಹಣದ ವಿಚಾರದಲ್ಲಿ ಜಾಗ್ರತೆ ಮಾಡಿರಿ. ಅತೀ ಹೆಚ್ಚಿನ ಖರ್ಚಿನ ಬಗ್ಗೆ ನಿಗಾ ಇರಲಿ. ಶುಭವಿದೆ.

ಕುಂಭ: ಆಗಾಗ ಮನೆಯಲ್ಲಿ ಅಡಚಣೆಗಳು ಕಳವಳಕ್ಕೆ ಕಾರಣವಾಗಲಿದೆ. ಆರ್ಥಿಕವಾಗಿ ತುಸು ಚೇತರಿಕೆ ಕಂಡುಬರುವುದು. ಮಕ್ಕಳ ಅಭ್ಯಾಸದ ಬಗ್ಗೆ ಜಾಗ್ರತೆ ಮಾಡಿರಿ. ಸಹೋದ್ಯೋಗಿಗಳೊಂದಿಗೆ ಸಹನೆ ಇರಲಿ.

ಮೀನ: ಅಧಿಕ ಒತ್ತಡದೊಂದಿಗೆ ಕಾರ್ಯಕ್ಷೇತ್ರದಲ್ಲಿ ದುಡಿಯುವ ಸ್ಥಿತಿಯು ನಿಮ್ಮದಾಗಲಿದೆ. ಆದರೂ ಪರಿಸ್ಥಿತಿಯನ್ನು ಚೆನ್ನಾಗಿ ಅರಿತುಕೊಂಡು ಮುನ್ನಡೆದರೆ ಉತ್ತಮ. ಆರೋಗ್ಯದ ಬಗ್ಗೆ ಜಾಗ್ರತೆ ಮಾಡುವುದು.