ಬದುಕ ಬಾಡಿಸದಿರಲಿ ಆಧುನಿಕತೆಯ ಒಲವು

Team Udayavani, Sep 16, 2019, 5:30 AM IST

ಹೌದು ಎಲ್ಲರೂ ಆಧುನಿಕತೆಯೆಂದು ತಮ್ಮ ಜೀವನವನ್ನು ಬರಿದಾಗಿಸುವಂತಹ ಕ್ಲಿಷ್ಟಕರ ಪರಿಸ್ಥಿತಿ ಒದಗಿ ಬಂದಿರುವುದು ವಿಪರ್ಯಾಸವೇ ಸರಿ. ಸಾಧನೆಯ ಮಾತು ಮರೀಚಿಕೆಯಾಗಿ ಆತ್ಮಹತ್ಯೆಯೊಂದೇ ಪರಿಹಾರ ಎಲ್ಲ ಕಷ್ಟಗಳಿಗೂ ಎನ್ನುವ ಭಾವನೆ ಮೂಡುವಲ್ಲಿಗೆ ತಲುಪಿದೆ ಯುವಜನತೆಯ ಮನಸ್ಸು.

ಇದೆಲ್ಲಾ ಯಾಂತ್ರೀಕರಣದ ಪ್ರಭಾವವೇ ಹೌದು. ಯಾವುದೇ ಕೆಲಸ ಮಾಡಲು ಹೊರಟವರೂ ಸತತ ಪರಿಶ್ರಮ ನೀಡುವ ಬದಲು ಯಾಂತ್ರೀಕೃತ ಪರಿಹಾರವೇ ಸೂಕ್ತ ಎಂದು ತಾಂತ್ರಿಕತೆಗಳ ಮೊರೆ ಹೋಗುವುದು ಅಧಿಕ ವಾಗಿರುವುದರಿಂದಲೆ ಇಂತಹ ದುರಂತ ಸ್ಥಿತಿ ನಮ್ಮದಾಗಿರುವುದು. ಇದಕ್ಕೆ ಸ್ಪಷ್ಟ ನಿದರ್ಶನ ಮೊಬೈಲ್‌. ಸಾಕಷ್ಟು ಮನಸ್ಸನ್ನು ಸಂಕುಚಿಸಿ ಯೋಚಿಸಲಾಗದಷ್ಟು ಸಂಕಷ್ಟಕ್ಕೆ ಸಿಲುಕಿಸಿ ಜೀವನವನ್ನು ಬರಡಾಗಿಸುತ್ತಿದೆ. ಇದರ ಪರಿವೆ ಇಲ್ಲದೆ ಈ ಮಾಯೆಗೆ ಮಾರುಹೋಗಿರುವ ಜನತೆ ಈ ವ್ಯಸನದಿಂದ ಮುಕ್ತರಾಗಿ ಸಹಜ ಮತ್ತು ವಾಸ್ತವಿಕ ಚಿಂತನೆ ನಡೆಸುವುದು ಅಗತ್ಯ.

ಹಿಂದಿನ ಕಾಲಘಟ್ಟದತ್ತ ಒಮ್ಮೆ ನೆನಪು ಹಾಯಿಸಿ. ಒಂದು ಹಬ್ಬ ಬಂತೆಂದರೆ ಸಾಕು ಎಲ್ಲ ಕುಟುಂಬಸ್ಥರು ಒಂದೆಡೆ ಸೇರಿ ಹಂಚಿಕೊಳ್ಳುತ್ತಿದ್ದ ಸಡಗರ ಸಂಭ್ರಮ ಇಂದು ಮಾಯವಾಗಿದೆ. ಮನಸ್ಸು ಕದಡುವ ಜಾಲತಾಣಗಳಿಗೆ ಮೊರೆಹೋಗಿ ತಮ್ಮ ಇರುವಿಕೆ ಮರೆಯುತ್ತಿದ್ದಾರೆ. ಇದರಿಂದ ಹೊರ ಬಂದಲ್ಲಿ ಮಾತ್ರವೇ ನಾವು ನಾವಾಗಿ ಜೀವನ ಸಾಗಿಸುವುದು ಸಾಧ್ಯ. ನಮ್ಮವರ ಬಗ್ಗೆ ಕಾಳಜಿ ವಹಿಸಿ ಒಂದೆಡೆ ಕೂತು ಎಲ್ಲರ ಜತೆಗೂಡಿ ಸ್ನೇಹ ಸಂಬಂಧವನ್ನು ಸದೃಢಗೊಳಿಸಲು ಚಿತ್ತ ಹರಿಸುವುದು ಸಾಧ್ಯ.

ಅತಿಯಾದ ಆಧುನಿಕ ಒಲವು ಬಹಳ ಸಂಕಷ್ಟ ವನ್ನು ಒಡ್ಡುತ್ತದೆ. ನಮ್ಮ ಸಂತೋಷದ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರುತ್ತದೆ. ಅತಿಯಾದರೆ ಅಮೃತವೂ ವಿಷವೆನ್ನುವಂತೆ ಅತಿಯಾದ ಒಲವು ಕೂಡ ವಿಷ. ಮುಖದಲ್ಲಿ ನಗು ಮನದಲ್ಲಿ ನೂರಾರು ಕನಸುಹೊತ್ತ ಯುವಮನಗಳು ಸಾಧನೆಯೆಂಬ ಹಸಿವ ಹೊತ್ತು ಬದುಕ ರೂಪಿಸುವಲ್ಲಿ ಯಶಸನ್ನು ಕಾಣುವ ಪಥವನ್ನು ಆರಿಸಿ. ಆಧುನಿಕತೆಯ ಒಲವು ಮದ್ಯ ವ್ಯಸನಿಯಂತಾಗಲು ಅವಕಾಶ ಕಲ್ಪಿಸದೇ ಉತ್ತಮ ಜೀವನ ರೂಪಿಸಲು ಕಾರಣವಾಗಲಿ.
– ವಿಜಿತಾ ಬಂಟ್ವಾಳ

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಎಷ್ಟೋ ಬಾರಿ ಬದುಕಿನಲ್ಲಿ ನಡೆಯುವ ಘಟನೆಗಳಿಗೆ ಮಾತನಾಡಿ ಪ್ರಯೋಜನವಿರುವುದಿಲ್ಲ. ಅದು ಗೊತ್ತಿದ್ದರೂ ನಾವು ಸೋಲ ಬಾರದು ಎಂಬ ಕಾರಣಕ್ಕೆ ಮಾತನ್ನು ಮುಂದುವರಿಸುತ್ತಾ...

  • ಬದುಕಿನಲ್ಲಿ ಪ್ರತಿಯೊಂದು ಘಟ್ಟಕ್ಕೂ ಒಂದೊಂದು ವಯಸ್ಸಿದೆ. ಆಯಾ ವಯಸ್ಸಿನಲ್ಲಿ ಆಯಾ ಘಟ್ಟಗಳನ್ನು ಪೂರೈಸಿದರೆ ಬದುಕು ಸುಂದರ. ಬಾಲ್ಯ, ಕಲಿಕೆ, ವಿವಾಹ, ಮಕ್ಕಳು,...

  • ಮನಸ್ಸೊಂದು ಹುಚ್ಚು ಕುದುರೆಯಂತೆ. ಲಗಾಮು ಇಲ್ಲದಿದ್ದರೆ ಎತ್ತಲತ್ತ ಓಡುತ್ತದೆ. ಅದನ್ನು ಹತೋಟಿಯಲ್ಲಿಡುವುದು ಅಗತ್ಯ. ಇಲ್ಲವಾದಲ್ಲಿ ಪರಿಣಾಮ ಬರೀ ವ್ಯಕ್ತಿಯ...

  • ಜೀವನದಲ್ಲಿ ಎಲ್ಲವನ್ನೂ ಎಷ್ಟು ಬೇಕು ಅಷ್ಟನ್ನೇ ಅನುಭವಿಸಬೇಕು. ಅದು ಅತಿಯಾದ ಖುಷಿಯೇ ಇರಲಿ ಅಥವಾ ದುಃಖವೇ ಇರಲಿ. ಖುಷಿಯನ್ನು ಅನುಭವಿಸಿ ಥಟ್ಟನೆ ಮರೆತು ಬಿಡುವ...

  • ಸಾಧನೆ ಮಾಡಹೊರಟವರಿಗೆ ಗುರಿ ಮತ್ತು ಗುರು ಇವೆರಡೂ ಅತ್ಯವಶ್ಯ. ಆಯ್ದುಕೊಂಡ ಗುರಿ ಸ್ಪಷ್ಟವಾಗಿಲ್ಲದಿದ್ದರೂ ಮಾರ್ಗದರ್ಶನ ನೀಡುವ ಗುರು ಸರಿ ಇಲ್ಲದಿದ್ದರೂ ಸಾಧನೆ...

ಹೊಸ ಸೇರ್ಪಡೆ