ಮುಖದ ಕಾಂತಿಗೆ ಚಾರ್ಕೋಲ್ ಮಾಸ್ಕ್
Team Udayavani, Dec 10, 2019, 4:52 AM IST
ಸೌಂದರ್ಯದ ಬಗ್ಗೆ ಆಸಕ್ತಿ ಯಾರಿಗಿಲ್ಲ ಹೇಳಿ? ಹುಡುಗಿರೇ ಇರಲಿ, ಹುಡುಗರೇ ಇರಲಿ ಎಲ್ಲರಲ್ಲಿಯೂ ಸೌಂದರ್ಯ ಪ್ರಜ್ಞೆ ಇದ್ದೇ ಇರುತ್ತದೆ. ದಿನದಿಂದ ದಿನಕ್ಕೆ ಸೌಂದರ್ಯ ಸಲಹೆಗಳು ಹುಟ್ಟುತ್ತಲೇ ಇರುತ್ತದೆ. ಈಗಿನ ಟ್ರೆಂಡ್ ಚಾರ್ ಕೋಲ್ ಮಾಸ್ಕ್ ಅಥವಾ ಇದ್ದಿಲು ಮಾಸ್ಕ್. ಇತ್ತೀಚಿನ ಸೌಂದರ್ಯ ಸಾಧನಗಳಲ್ಲಿ ಇದೂ ಒಂದಾಗಿದೆ. ಚರ್ಮವನ್ನು ಶುಚಿಗೊಳಿಸುವ ಮತ್ತು ಮೃದುವಾಗಿಸಿ, ಪ್ರಕಾಶಮಾನವಾಗಲು ಇದು ಸಹಕಾರಿ.
ಚಾರ್ಕೋಲ್ ಮಾಸ್ಕ್ ಚರ್ಮದ ಕಾಳಜಿ ಮಾಡುತ್ತದೆ. ಚರ್ಮದಲ್ಲಿರುವ ಕಲ್ಮಶಗಳನ್ನು, ರಂಧ್ರಗಳನ್ನು ಮುಚ್ಚಿ ಹಾಕುತ್ತದೆ. ಈ ಮಾಸ್ಕ್ ನಮ್ಮ ಚರ್ಮದಲ್ಲಿನ ಎಣ್ಣೆ ಅಂಶವನ್ನೂ ನಿಯಂತ್ರಿಸುತ್ತದೆ. ಮುಖದಲ್ಲಿನ ಬ್ಲ್ಯಾಕ್ ಹೆಡ್ಸ್ ಮತ್ತು ಮೊಡವೆಗಳನ್ನು ನಿವಾರಿಸಲು ಸಹಾಯ ಮಾಡುತ್ತದೆ. ಚರ್ಮದಿಂದ ಬ್ಯಾಕ್ಟೀರಿಯಾ, ಜೀವಾಣು, ಕೊಳಕು ಮತ್ತು ಎಣ್ಣೆಯನ್ನು ಈ ಮಾಸ್ಕ್ ನಿವಾರಿಸುತ್ತ¤ದೆ. ಚರ್ಮದಲ್ಲಿನ ಸತ್ತ ಜೀವಕೋಶಗಳನ್ನು ತೆಗೆದು ಹಾಕಿ ಹೊಳೆಯುವಂತೆ ಮಾಡುತ್ತದೆ.
1 ಚರ್ಮವನ್ನು ಕಾಂತಿ ಯುತವನ್ನಾಗಿಸುತ್ತದೆ. ಕಲ್ಮಶ ಗಳನ್ನು, ಧೂಳು ಸ್ವತ್ಛಗೊಳಿಸುತ್ತದೆ. ಒಮ್ಮೆ ನಿಮ್ಮ ಈ ಮಾಸ್ಕ್ನ್ನು ಹಾಕಿಕೊಂಡು ನಂತರ ಮುಖವನ್ನು ತೊಳೆದುಕೊಳ್ಳಿ. ನಿಮ್ಮ ಚರ್ಮವು ಎಷ್ಟು ಪ್ರಕಾಶಮಾನವಾಗುತ್ತದೆ ಎಂಬುವುದನ್ನು ಗಮನಿಸಿ.
2 ನಿಮ್ಮ ಚರ್ಮವನ್ನು ಎಫೊಲಿಯೇಟ್ ಮಾಡಲು ಸಹಾಯ ಮಾಡುತ್ತದೆ. ಚರ್ಮವನ್ನು ಬೆಳಗಿಸುವುದರ ಜತೆಗೆ ಎಣ್ಣೆಯುಕ್ತ ಚರ್ಮವನ್ನು, ತೈಲ ಸ್ರವಿಸು ವಿಕೆಯನ್ನು ಸಮತೋಲನಗೊಳಿಸುತ್ತದೆ.
ತಯಾರಿ ಹೇಗೆ?
ಚಾರ್ಕೋಲ್ ಮಾಸ್ಕ್ನ್ನು ನೀವೇ ಮನೆಯಲ್ಲಿ ತಯಾರಿಸಿ ಕೊಳ್ಳಬಹುದು. ನಿಮಗೆ ಬೇಕಾಗು ವುದು ಒಂದು ಟೀ ಸ್ಪೂನ್ ಇದ್ದಿಲು ಪುಡಿ, ಒಂದು ಟೀ ಸ್ಪೂನ್ ಬೆಂಟೋನೈಟ್ ಜೇಡಿಮಣ್ಣು, ಒಂದು ಚಿಟಿಕೆ ಅಡುಗೆ ಸೋಡಾ ಮತ್ತು ಒಂದು ಟೀ ಸ್ಪೂನ್ ತೆಂಗಿನ ಎಣ್ಣೆ. ಇವುಗಳನ್ನು ಒಂದು ಬಟ್ಟಲಿನಲ್ಲಿ ಸೇರಿಸಿ, ಪೇಸ್ಟ್ ತಯಾರಿಸಿ. ನಂತರ ಈ ಪೇಸ್ಟ್ ಅನ್ನು ಬ್ರಷ್ನಿಂದ ಮುಖಕ್ಕೆ ಹಚ್ಚಿ 10 ನಿಮಿಷಗಳ ಕಾಲ ಬಿಡಿ. ನಂತರ ನಿಮ್ಮ ಮುಖವನ್ನು ತೊಳೆಯಿರಿ.