ಚೀನಾದಲ್ಲೊಂದು “ಟಾಯ್ಲೆಟ್ ಬಿಲ್ಡಿಂಗ್’
Team Udayavani, Sep 29, 2017, 7:04 AM IST
ಇತ್ತೀಚಿನ ದಿನಗಳಲ್ಲಿ ಚೀನಾದಲ್ಲಿ ನಿರ್ಮಾಣವಾಗುತ್ತಿರುವ ಹೊಸ ಮಾದರಿಯ ಕಟ್ಟಡಗಳನ್ನು ವಿಶ್ವವೇ ಬೆರಗಿನಿಂದ ನೋಡುತ್ತಿದೆ. ಈಗ ಚೀನಾದ ಕಟ್ಟಡವೊಂದನ್ನು ನೋಡಿ ಬೇರೆ ದೇಶಗಳಷ್ಟೇ ಅಲ್ಲ, ಸ್ವತಃ ಚೀನಾವೇ ನಗುತ್ತಿದೆ. ಕಾರಣ ಈ ಕಟ್ಟಡ ದೊಡ್ಡದೊಂದು ಟಾಯ್ಲೆಟ್ ಕಮೋಡ್ ಅನ್ನು ಹೋಲುತ್ತಿದೆ. ಇದು “ನಾರ್ಥ್ ಚೀನಾ ಯುನಿವರ್ಸಿಟಿ ಆಫ್ ವಾಟರ್ ರಿಸೋರ್ಸಸ್’ ವಿವಿಯದ್ದು. ಈಗ ಈ ಕಟ್ಟಡವನ್ನು ಚೀನಾದಲ್ಲಿ “ಟಾಯ್ಲೆಟ್ ಬಿಲ್ಡಿಂಗ್’ ಎಂದೇ ಕರೆಯಲಾಗುತ್ತಿದೆ. ಈ ಕಟ್ಟಡ ನಿರ್ಮಾಣವಾಗುತ್ತಿದ್ದಾಗ ನಾವು ತಮಾಷೆಗಾಗಿ ಇದನ್ನು “ದೊಡ್ಡ ಟಾಯ್ಲೆಟ್’ ಎಂದು ಕರೆದಿದ್ದೆವು. ನಿರ್ಮಾಣ ಸಂಪೂರ್ಣವಾದ ಮೇಲೆ ಇದು ನಿಜಕ್ಕೂ ಟಾಯ್ಲೆಟ್ ಆಕಾರವನ್ನೇ ಪಡೆದಿದೆ ಎಂದು ಅಲ್ಲಿಯವರು ಕುಹಕವಾಡಿದ್ದಾರೆ.