ಪೊಲೀಸರನ್ನು ಊರೆಲ್ಲಾ ಸುತ್ತಿಸಿದ ಕಾಂಗರೂ!

Team Udayavani, Jul 31, 2018, 4:06 AM IST

ಪೊಲೀಸರು ಕಳ್ಳರನ್ನು ಅಟ್ಟಾಡಿಸುವಂತೆ ಜರ್ಮನಿಯಲ್ಲಿ ಬಿಳಿ ಬಣ್ಣದ ಮುದ್ದಾದ ಕಾಂಗರೂ ಒಂದನ್ನು ಊರೆಲ್ಲಾ ಅಟ್ಟಾಡಿಸಿಕೊಂಡು ಹೋಗಿ, ಕಡೆಗೂ ಹಿಡಿದಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ವೈರಲ್‌ ಆಗಿದೆ.

ಮೇಕೆಯೊಂದು ತನ್ನ ತಲೆಯ ಮೂಲಕ ಬೇಲಿಯನ್ನು ಸಡಿಲ ಮಾಡಿದ್ದರಿಂದ ಒಳಗಿದ್ದ ಕಾಂಗರೂ ತಪ್ಪಿಸಿಕೊಂಡಿತ್ತು. ಮಾಲೀಕರು ಪೊಲೀಸರಿಗೆ ದೂರು ನೀಡಿದ್ದರು. ಅಲ್ಲಿಂದ ಕಾಂಗರೂ ಹಿಂದೆ ಪೊಲೀಸರ ಓಟ ಆರಂಭವಾಯಿತು. ಅದು ವಸತಿ ಪ್ರದೇಶದ ಬೀದಿಗಳಲ್ಲಿ ಮನೆ  ಪೌಂಡುಗಳೊಳಗೆಲ್ಲಾ ಓಡಿ ಕಡೆಗೆ ಒಂದು ಪುಟ್ಟ ಕೊಳದಲ್ಲಿ ಬಿದ್ದಿದೆ. ಪಾಪ ಅದಕ್ಕೆ ಅಲ್ಲಿಂದ ತಪ್ಪಿಸಿಕೊಳ್ಳಲು ಆಗದ ಕಾರಣ ಕಡೆಗೂ ಪೊಲೀಸರ ಕೈಗೆ ಸಿಕ್ಕಿಬಿದ್ದಿದೆ.