ಸುರಂಗ ತೋಡುತ್ತಿರುವ ಅಜ್ಜನಿಗೆ ನಿಧಿಯ ಆಸೆ 

Team Udayavani, Jul 30, 2018, 6:29 AM IST

1980ರಲ್ಲಿ ತನ್ನ ಮನೆಯ ಲಿವಿಂಗ್‌ ರೂಂನಲ್ಲಿ ರಿಪೇರಿ ಕೆಲಸ ಮಾಡುತ್ತಿದ್ದಾಗ ಕೋಲಿನ್‌ ಮತ್ತು ವೆನೆಸ್ಸಾ ದಂಪತಿಗೆ ಅಲ್ಲಿ ಒಂದು ಪುಟ್ಟ ಸುರಂಗವಿರುವುದು ಕಂಡುಬಂತಂತೆ. ಏನಿರಬಹುದು ಎಂದು ಸ್ವಲ್ಪ ಕೆಳಕ್ಕೆ ಅಗೆದಾಗ ಒಂದು ಬಾವಿ ಕಾಣಿಸಿತು. ಮಕ್ಕಳ ಸುರಕ್ಷತೆಯ ದೃಷ್ಟಿಯಿಂದ ಆ ಬಾವಿಯನ್ನು ಮುಚ್ಚಿದ್ದರು ಕೋಲಿನ್‌. ನಿವೃತ್ತಿಯ ನಂತರ ಮನೆಯಲ್ಲಿದ್ದ ಕೋಲಿನ್‌ ಮತ್ತೆ ಆ ಬಾವಿಯನ್ನು
ಕೊರೆಯತೊಡಗಿದರು. 17 ಅಡಿ ಆಳಕ್ಕೆ ಅಗೆದ ಕೋಲಿನ್‌ ಗೆ ಸಿಕ್ಕಿದ್ದು ಒಂದು ಖಡ್ಗ ಮಾತ್ರ. ಆದರೆ, ಕೋಲಿನ್‌ ಅಗೆಯುವುದನ್ನು ಬಿಟ್ಟಿಲ್ಲ. 30 ವರ್ಷಗಳ ಬಳಿಕವೂ ತನ್ನ ಕೆಲಸ ಮುಂದುವರಿಸಿದ್ದಾರೆ. ಏಕೆಂದು ಕೇಳಿದರೆ, ಇನ್ನೂ ಸ್ವಲ್ಪ ಅಗೆದರೆ ನಿಧಿಯೋ, ಚಿನ್ನಾಭರಣ ಇರುವ
ಪೆಟ್ಟಿಗೆಯೋ ಸಿಗಬಹುದೆಂಬ ವಿಶ್ವಾಸವಿದೆ ಎನ್ನುತ್ತಿದ್ದಾರಂತೆ.