ಹೋಂವರ್ಕ್‌ ಮುಗಿಸಲು ಅಪಾಯಕಾರಿ ಕ್ರಮ

Team Udayavani, May 22, 2018, 4:18 AM IST

ನಾವೆಲ್ಲರೂ ಕಡೇ ಕ್ಷಣಕ್ಕೆ ಹೋಂವರ್ಕ್‌ ಉಳಿಸಿಕೊಂಡು ತಿಂಡಿ ತಿನ್ನುತ್ತಲೋ, ಶಾಲೆಯಲ್ಲಿ ಪ್ರಾರ್ಥನೆ ನಡೆಯುವಾಗಲೋ ತರಾತುರಿಯಿಂದ ಹೋಂವರ್ಕ್‌ ಬರೆದಿದ್ದಿದೆ. ಆದರೆ ಚೀನಾದಲ್ಲೊಬ್ಬಳು ಹುಡುಗಿ ಮನೆಗೆಲಸ ಮುಗಿಸುವ ಆತುರದಲ್ಲಿ ತನ್ನ ಪ್ರಾಣಕ್ಕೇ ಅಪಾಯ ತಂದುಕೊಂಡಿದ್ದು ವಿಡಿಯೋ ಒಂದರಲ್ಲಿ ಸೆರೆಯಾಗಿದೆ. ಬಾಲಕಿ ಮತ್ತು ಆಕೆಯ ತಂದೆ ಟ್ಯಾಕ್ಸಿಯಲ್ಲಿ ಸಾಗುತ್ತಿದ್ದ ವೇಳೆ, ಆಕೆಗೆ ಕಾರಿನ ಒಳಗೆ ಕೂತು ಹೋಂವರ್ಕ್‌ ಬರೆಯಲು ಕಷ್ಟವಾಗಿದೆ. ಹೀಗಾಗಿ ಆಕೆ ಕಾರಿನ ಕಿಟಕಿಯ ಮೇಲೆ ಕುಳಿತು ದೇಹವನ್ನು ಕಿಟಕಿಯ ಆಚೆಗೆ ಹಾಕಿ ಕಾರಿನ ಟಾಪ್‌ ಮೇಲೆ ಪುಸ್ತಕ ಇರಿಸಿ ಬರೆಯಲು ಆರಂಭಿಸಿದ್ದಾಳೆ. ಆಕೆಯ ಅಪ್ಪ ಕೂಡ ಇದನ್ನು ಎಷ್ಟೋ ಹೊತ್ತು ಗಮನಿಸಿಲ್ಲ. ನಂತರ, ಆಕೆಯನ್ನು ನೋಡಿದ ಅವರು ತಕ್ಷಣ ಬಾಲಕಿಯನ್ನು ಒಳಗೆ ಎಳೆದುಕೊಂಡಿದ್ದಾರೆ.