“ನೋ’ ಪದ ತೆಗೆದು ಹಾಕಲು ಅಭಿಯಾನ

Team Udayavani, May 21, 2018, 5:49 AM IST

ಪಾಶ್ಚಿಮಾತ್ಯ ದೇಶಗಳ ಆಂಗ್ಲ ಪಂಡಿತರ ಗುಂಪೊಂದು, ಇಂಗ್ಲೀಷ್‌ ನಲ್ಲಿ ಅತಿ ಹೆಚ್ಚು ಬಳಕೆಯಲ್ಲಿರುವ “ನೋ’ ಪದದ ಬದಲು “ಯೆಸ್‌ ನಾಟ್‌’ ಎಂಬ ಪದ  ಬಳಸಬೇಕೆಂದು ಆಗ್ರಹಿಸಿ, ಅಂತರ್ಜಾಲದಲ್ಲಿ ಸಹಿ ಸಂಗ್ರಹಣೆ ಅಭಿಯಾನ ಶುರು ಮಾಡಿದೆ.
ಈಗಾಗಲೇ ಇದಕ್ಕೆ ಸುಮಾರು 26,000 ಮಂದಿ ಇದಕ್ಕೆ ಸಹಿ ಹಾಕಿದ್ದಾರಂತೆ! ದಿನೇ ದಿನೇ ಇದಕ್ಕೆ ಸಹಿ ಹಾಕುತ್ತಿರುವವರ ಸಂಖ್ಯೆಯೂ ಹೆಚ್ಚಾಗುತ್ತಿದೆ ಎಂದು ಆ ಪಂಡಿತರ ಗುಂಪು ಹೇಳಿಕೊಂಡಿದೆ. ಇದರ ಜತೆಗೆ, “ನೋ’ ಪದ ಕೈಬಿಡುವಂತೆ ಈ ಗುಂಪು, ಅಂತಾರಾಷ್ಟ್ರೀಯ ಸಮುದಾಯಕ್ಕೆ ಮನವಿ ಮಾಡಿದೆ. ಮೂಲಗಳ ಪ್ರಕಾರ, 2008ರ ಏಪ್ರಿಲ್‌ನಲ್ಲಿ “ನೋ’ ಬದಲಿಗೆ ಯೆಸ್‌ ನಾಟ್‌ ಪದವನ್ನು ಅರ್ಬನ್‌ ಇಂಗ್ಲೀಷ್‌ ನಿಘಂಟಿಗೆ ಸೇರ್ಪಡೆಗೊಳಿಸಲಾಗಿದೆ. ಇದನ್ನೇ ನೆಪವಾಗಿಟ್ಟು, “ನೋ’ ಪದವನ್ನು ಜಗತ್ತಿನಿಂದ ಅಳಿಸಲು ಈ “ಪಂಡಿತರ’ ಗುಂಪು ಮುಂದಾಗಿದೆ. ಇವರ ಈ ಪ್ರಯತ್ನಕ್ಕೆ ಜನ “ಯೆಸ್‌’ ಅಂತಾರಾ, “ಯೆಸ್‌ ನಾಟ್‌’ ಅಂತಾರಾ ಎಂಬುದನ್ನು ಕಾದು ನೋಡಬೇಕಿದೆ.