ಚೀನದಲ್ಲಿದೆ ಬಟ್ಟೆ ತೊಳೆಯುವ ಚಿಂಪಾಂಜಿ
Team Udayavani, Dec 11, 2019, 7:36 AM IST
ಚೀನದ ಮೃಗಾಲಯವೊಂದರ ಚಿಂಪಾಂಜಿಯೊಂದು ಬಟ್ಟೆ ತೊಳೆಯುತ್ತಿರುವ ವಿಡಿಯೋ ಈಗ ಭಾರೀ ವೈರಲ್ ಆಗಿದೆ. 18 ವರ್ಷ ವಯಸ್ಸಿನ ಯುಹುಯಿ ಎಂಬ ಈ ಗಂಡು ಚಿಂಪಾಂಜಿ ಬಿಳಿ ಬಣ್ಣದ ಟೀ ಶರ್ಟ್ವೊಂದನ್ನು ಕ್ರಮಬದ್ಧವಾಗಿ ನೀರಲ್ಲಿ ನೆನೆಸಿ. ಸೋಪು ಹಚ್ಚಿ ಚೆನ್ನಾಗಿ ಉಜ್ಜಿ ಮತ್ತು ನೀರಿನಲ್ಲಿ ನೆನೆಸಿ ಹಿಂಡುತ್ತದೆ.
ಯಾರೋ ಅದಕ್ಕೆ ಎಲ್ಲವನ್ನೂ ಹೇಳಿಕೊಟ್ಟಿದ್ದಾರೆ ಎಂದು ನೀವು ಭಾವಿಸಬೇಕಿಲ್ಲ. ತನ್ನ ನಿರ್ವಾಹಕ ಬಟ್ಟೆ ತೊಳೆಯುವುದನ್ನು ಅದು ಪ್ರತಿ ದಿನ ತದೇಕಚಿತ್ತದಿಂದ ನೋಡಿ, ತಾನೂ ಅದನ್ನು ಪ್ರಯೋಗಿಸಿದೆ. ಯುಹುಯಿ ಬಟ್ಟೆ ತೊಳೆಯುವುದನ್ನು ನೋಡುವಾಗ ಅದು ಒಂದಿನ ತಾನೇ ತೊಳೆಯುತ್ತದೆ ಎಂದು ನಾನು ಊಹಿಸಿರಲಿಲ್ಲ ಎಂದು ನಿರ್ವಾಹಕ ಹೇಳಿದ್ದಾರೆ.