ತನ್ನನ್ನು ತಾನೇ ಮದುವೆ ಆಗುತ್ತಿರುವ 40ರ ನಾರಿ!

Team Udayavani, Feb 23, 2017, 10:04 AM IST

ಜನರ ಜೀವನವನ್ನೇ ಬದಲಿಸುವ ಶಕ್ತಿ ಟಿವಿ ಧಾರಾವಾಹಿಗಳಿಗಿದೆ ಎಂದರೆ ತಪ್ಪಾಗಲಿಕ್ಕಿಲ್ಲ. ಸೌತ್‌ ಯಾಕ್‌ìಶೈರ್‌ನ ಲಿನ್ನೆ ಗೊಲ್ಲೋಗ್ಲಿ (40) ಎಂಬ ಮಹಿಳೆ ಟಿವಿ ಧಾರಾವಾಹಿಯಿಂದ ಪ್ರಭಾವಿತಳಾಗಿ ತನ್ನ ಅವಿವಾಹಿತ ಜೀವನಕ್ಕೆ ಕೊನೆ ಹಾಡಲು ಸಿದ್ಧಳಾಗಿದ್ದಾಳೆ. ಅದರಲ್ಲೇನು ವಿಶೇಷ ಅಂದುಕೊಂಡಿರಾ? ವಿಶೇಷ ಇದೆ, ಆಕೆ ಮದುವೆಯಾಗುತ್ತಿರುವುದು ಬೇರಾರನ್ನೂ ಅಲ್ಲ, ಅವಳನ್ನೇ. ಹೌದು, ಮಿ| ರೈಟ್‌ಗಾಗಿ ಹುಡುಕಿ ಹುಡುಕಿ ಸೋತ ಈಕೆಗೆ ಈ ಯೋಚನೆ ಹೊಳೆದದ್ದು ಒಂದು ದಿನ “ಫ್ರೆಂಡ್‌’ ಟಿವಿ ಶೋ ನೋಡುತ್ತಿದ್ದಾಗಂತೆ. ಅದರಲ್ಲಿ ಯುವತಿಯೊಬ್ಬಳು ಆಕೆಯನ್ನೇ ಮದುವೆಯಾದ ದೃಶ್ಯವಿತ್ತಂತೆ. ಇದರಿಂದ ಉತ್ತೇಜಿತಳಾದ ಲಿನ್ನೆ ಈಗ ತನ್ನ ಮದುವೆಯ ದಿನಾಂಕವನ್ನೂ ನಿಗದಿಪಡಿಸಿಕೊಂಡಿದ್ದಾಳೆ.

ಆಕೆಯ 40ನೇ ಹುಟ್ಟುಹಬ್ಬದ ದಿನವೇ ಈಕೆ ವೈವಾಹಿಕ ಜೀವನಕ್ಕೆ ಕಾಲಿಡಲಿದ್ದಾಳೆ. ಕರೆಯೋಲೆಯನ್ನೂ ಅಚ್ಚು ಮಾಡಿಸಿ ನೆಂಟರಿಷ್ಟರಿಗೆ ನೀಡಿದ್ದಾಳೆ. ಮದುವೆಯಲ್ಲಿ ಪಾರ್ಟಿ, ರಿಸೆಪ್ಶನ್‌, ಡಿಸ್ಕೊ ಮತ್ತು ಒಳ್ಳೆಯ ಊಟ ಇರಲಿದೆ.