ಮಹಿಳೆಯ ಕಾರ್‌ ಇಂಜಿನ್‌ನಲ್ಲಿತ್ತು  ಹೆಬ್ಬಾವು

Team Udayavani, Aug 28, 2018, 5:58 AM IST

ಅಮೆರಿಕದ ವಿಸ್ಕನ್ಸಿನ್‌ನ ಮಹಿಳೆಯೊಬ್ಬರ ಕಾರು ಎಷ್ಟು ಪ್ರಯತ್ನಿಸಿದರೂ ಮುಂದೆ ಚಲಿಸುತ್ತಲೇ ಇರಲಿಲ್ಲ. ಕಾರು ಇಷ್ಟೇಕೆ ಸತಾಯಿಸುತ್ತಿದೆ ಎಂದು ಯೋಚಿಸಿದ ಅವರು ಇಂಜಿನ್‌ ಒಳಗೆ ಭಾರಿ ಗಾತ್ರದ ಹೆಬ್ಟಾವು ಇರುತ್ತದೆ ಎಂದು ಊಹಿಸಿಯೂ ಇರಲಿಲ್ಲ. ಮಹಿಳೆ ಇಂಜಿನ್‌ನಲ್ಲಿ ಏನಾದರೂ ವ್ಯತ್ಯಯವಾಗಿರಬಹುದೇ ಎಂದು ಇಂಜಿನ್‌ ಬಾನೆಟ್‌ ತೆರೆದು ನೋಡಿದ ಕೂಡಲೇ ಅವರು ಬೆಚ್ಚಿ ಬಿದ್ದರಂತೆ. ಕೂಡಲೇ ಬಾನೆಟನ್ನು ಮುಚ್ಚಿದ ಅವರು ಪೊಲೀಸರಿಗೆ ಕರೆ ಮಾಡಿ ಸಹಾಯ ಕೇಳಿದ್ದಾರೆ.

ಸ್ಥಳಕ್ಕೆ ಆಗಮಿಸಿದ ಪೊಲೀಸರಿಗೆ ಇದು ಅಪಾಕಾರಿ ಬಾಲ್‌ ಪೈಥಾನ್‌ ಎಂದು ತಿಳಿದಿದೆ. ಅವರು ಹಾವು ಹಿಡಿಯುವವರನ್ನು ಕರೆಸಿ ಇದನ್ನು ಹಿಡಿಸಿದ್ದಾರೆ, ಆದರೆ ಇದು ಇಂಜಿನ್‌ ಕಂಪಾರ್ಟ್‌ಮೆಂಟ್‌ಗೆ ಹೇಗೆ
ಹೋಯಿತೆನ್ನುವುದೇ ಎಲ್ಲರಿಗೂ ಸೋಜಿಗ.