ನನ್ನನ್ನು ಪಾಸು ಮಾಡಿ, ಇಲ್ಲದಿದ್ರೆ ಮದುವೆ ಮಾಡಿಸ್ತಾರೆ: ಬಾಲಕಿಯ ಉತ್ತರ ಪತ್ರಿಕೆ ವೈರಲ್‌

Team Udayavani, Mar 13, 2024, 9:43 AM IST

ಪಾಟ್ನಾ: ಬಿಹಾರದಲ್ಲಿ ಕೆಲವು ದಿನಗಳ ಹಿಂದೆ ನಡೆದ 10ನೇ ತರಗತಿ ಪಬ್ಲಿಕ್‌ ಪರೀಕ್ಷೆಯ ಉತ್ತರ ಪತ್ರಿಕೆಯೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ. ಬಾಲಕಿಯೊಬ್ಬಳು ತನ್ನ ಉತ್ತರ ಪತ್ರಿಕೆಯಲ್ಲಿ “ನೀವು ನನ್ನನ್ನು ಪಾಸು ಮಾಡದಿದ್ದರೆ, ನನ್ನ ತಂದೆ ನನಗೆ ಮದುವೆ ಮಾಡಿಸುತ್ತಾರೆ’ ಎಂದು ಮೌಲ್ಯಮಾಪಕರಿಗೆ ಭಾವನಾತ್ಮಕವಾಗಿ ಬರೆದಿದ್ದಾಳೆ.

ಫೆ.15ರಿಂದ 23ರವರೆಗೆ ಬಿಹಾರದಲ್ಲಿ 10ನೇ ತರಗತಿ ಪರೀಕ್ಷೆ ನಡೆದಿತ್ತು. ಉತ್ತರ ಪತ್ರಿಕೆ ಮೌಲ್ಯಮಾಪನ ಮಾಡುವಾಗ ಇದೇ ರೀತಿ ಕೆಲವರು ಶಾಯರಿಗಳು, ಹಾಡುಗಳು, ಪ್ರಾರ್ಥನೆಗಳು, ಪದ್ಯಗಳು ಸೇರಿದಂತೆ ಸಂಬಂಧವೇ ಇಲ್ಲದ ಉತ್ತರಗಳು ಬರೆದಿರುವುದು ಕಂಡುಬಂದಿದೆ. ವೈರಲ್‌ ಆದ ಉತ್ತರ ಪತ್ರಿಕೆಯಲ್ಲಿ ಬಾಲಕಿಯು, “ನನ್ನ ತಂದೆ ರೈತ. ಶಿಕ್ಷಣ ವೆಚ್ಚ ಭರಿಸಲು ನಮ್ಮ ಕುಟುಂಬಕ್ಕೆ ಕಷ್ಟ. ಒಂದು ವೇಳೆ ನಾನು ಪರೀಕ್ಷೆಯಲ್ಲಿ ಉತ್ತಮ ಅಂಕಗಳನ್ನು ಗಳಿಸಿದಿದ್ದರೆ, ನನಗೆ ಮದುವೆ ಮಾಡಿಸುತ್ತಾರೆ. ಹಾಗಾಗಿ ದಯಮಾಡಿ ನನ್ನನ್ನು ಪಾಸು ಮಾಡಿ’ ಎಂದು ಬರೆದಿದ್ದಾಳೆ.

ಇದನ್ನೂ ಓದಿ: Huge Explosion: ಚೈನಾ ರೆಸ್ಟೊರೆಂಟ್ ನಲ್ಲಿ ಪ್ರಬಲ ಸ್ಫೋಟ: ಓರ್ವ ಮೃತ್ಯು, 22 ಮಂದಿಗೆ ಗಾಯ