ರಷ್ಯಾದ ಈ ಹಳ್ಳಿಗೆ ಕರಡಿ ಕಾಟ!

Team Udayavani, Oct 21, 2017, 5:00 AM IST

ಆಹಾರ ಹುಡುಕಿಕೊಂಡು ಬಂದಿರುವ ಹಿಮ ಕರಡಿಗಳ ಸಮೂಹವೊಂದು ರಿರ್ಕೇಪಿಯ್‌ ಎಂಬ ಭೂಶಿರ ಹಳ್ಳಿಯೊಂದನ್ನು ಸುತ್ತುವರಿದಿರುವ ಹಿನ್ನೆಲೆಯಲ್ಲಿ, ಆ ಹಳ್ಳಿಯ ಜನರು ಅಂಗೈಯಲ್ಲಿ ಜೀವ ಹಿಡಿದುಕೊಂಡು ಬದುಕುವಂಥ ಪರಿಸ್ಥಿತಿ ನಿರ್ಮಾಣವಾಗಿದೆಯಂತೆ. ಅಸಲಿಗೆ ಉತ್ತರ ಅಂಟಾರ್ಟಿಕಾಕ್ಕೆ ಹತ್ತಿರವಿರುವ  ಈ ಹಳ್ಳಿಯ ಪೂರ್ವಕ್ಕಿರುವ ಸಮುದ್ರ ತಟದಲ್ಲಿ ಸಹಸ್ರಾರು ಸೀಲ್‌ ಪ್ರಾಣಿಗಳು ವಾಸಿಸುತ್ತಿವೆ. ಅವು ಗಳ ಬೇಟೆಗೆಂದೇ ಈ ಹಿಮ ಕರಡಿಗಳು ಬಂದಿವೆ. ಸಾಗರದಡದಲ್ಲಿ ಅವುಗಳನ್ನು ಕೊಂದು ತಿಂದ ನಂತರ ಈಗ ಅವುಗಳ ದೃಷ್ಟಿ ಈ ಹಳ್ಳಿ ಕಡೆಗೆ ಬಿದ್ದಿದ್ದು ಹಳ್ಳಿಯನ್ನು ಸುತ್ತುವರಿದಿವೆ. ಹಾಗಾಗಿ, ಕಳೆದೆರಡು ದಿನಗಳಿಂದ  ಈ ಹಳ್ಳಿಯ ಸುಮಾರು 601 ಜನರು ತಮ್ಮ ಮನೆಗಳೊಳಗೇ ಅವಿತುಕೊಂಡಿದ್ದಾರೆ.