ಮಕ್ಕಳ ಬಳಕೆಗೆ ಕೊವೊವ್ಯಾಕ್ಸ್‌ ಲಸಿಕೆ ಲಭ್ಯ: ಪೂನಂವಾಲ

Team Udayavani, May 6, 2022, 11:15 AM IST

ಪುಣೆ: ಕೋವಿಡ್‌ ನಿರೋಧಕ ಲಸಿಕೆಯಾಗಿರುವ ಕೊವೊವ್ಯಾಕ್ಸ್‌ 12 -17 ವರ್ಷದ ಎಲ್ಲರಿಗೂ ಲಭ್ಯವಿದೆ ಎಂದು ಸೆರಂ ಇನ್‌ಸ್ಟಿಟ್ಯೂಟ್‌ ಆಫ್ ಇಂಡಿಯಾದ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಅದಾರ್‌ ಪೂನಂವಾಲ ಅವರು ಸ್ಪಷ್ಟಪಡಿಸಿದ್ದಾರೆ.

ಮಕ್ಕಳಿಗೆ ಇನ್ನೊಂದು ಲಸಿಕೆಯನ್ನು ಅಭಿವೃದ್ಧಿಪಡಿಸಬೇಕು ಎಂದು ಪ್ರಧಾನಿ ನರೇಂದ್ರ ಮೋದಿ ಅವರು ಬಯಸಿದ್ದು, ಅದರಂತೆ ಇದನ್ನು  ಉತ್ಪಾದಿಸಲಾಗಿದೆ. ಶೇ. 90ರಷ್ಟು ಸಾಮರ್ಥ್ಯದ ಈ ಲಸಿಕೆಯನ್ನು ಯೂರೋಪ್‌ನಲ್ಲೂ ಬಳಸಲಾಗುತ್ತಿದೆ ಎಂದು ಪೂನಂವಾಲ ಅವರು  ಟ್ವೀಟ್‌ ಮೂಲಕ ತಿಳಿಸಿದ್ದಾರೆ.

ಲಸಿಕೀಕರಣದ ರಾಷ್ಟ್ರೀಯ ತಾಂತ್ರಿಕ ಸಲಹಾ ಮಂಡಳಿಯು ಕಳೆದ ವಾರ ಈ ಲಸಿಕೆಯನ್ನು 12-17  ವರ್ಷದ ಮಕ್ಕಳಿಗೆ ನೀಡಲು ಅನುಮತಿ ನೀಡಿದೆ. ಇದೇ ಸಂದರ್ಭದಲ್ಲಿ, ಕೊವೊವ್ಯಾಕ್ಸ್‌ ಲಸಿಕೆಯನ್ನು  ಆಯ್ಕೆ ಮಾಡಿಕೊಳ್ಳಲು ಕೋವಿನ್‌ ಆ್ಯಪ್‌ನಲ್ಲಿ  ಅವಕಾಶ ನೀಡಲಾಗಿಲ್ಲ ಎಂದೂ  ಕೆಲವರು ಟ್ವೀಟ್‌ ಮೂಲಕ  ದೂರಿಕೊಂಡಿದ್ದಾರೆ.