Injection: ಪುರುಷ ಗರ್ಭನಿಯಂತ್ರಣ ಇಂಜೆಕ್ಷನ್ ಪ್ರಯೋಗ ಯಶಸ್ವಿ
Team Udayavani, Oct 20, 2023, 12:38 AM IST
ಹೊಸದಿಲ್ಲಿ: ಗರ್ಭನಿಯಂತ್ರಣ ವಿಚಾರ ದಲ್ಲಿ ಮಹಿಳೆಯರಿಗೆ ದೊರೆಯುತ್ತಿದ್ದ ವಿವಿಧ ವೈದ್ಯಕೀಯ ಮಾರ್ಗಗಳು ಇನ್ನು ಮುಂದೆ ಪುರುಷರಿಗೂ ಲಭ್ಯವಾಗಲಿವೆ. ಈ ನಿಟ್ಟಿನಲ್ಲಿ ಪುರುಷರಿಗಾಗಿಯೇ ವಿಶ್ವದ ಮೊಟ್ಟ ಮೊದಲ ಗರ್ಭನಿಯಂತ್ರಣ ಚುಚ್ಚುಮದ್ದನ್ನು ಅಭಿವೃದ್ಧಿ ಪಡಿಸಲಾಗಿದ್ದು, ಭಾರತೀಯ ವೈದ್ಯಕೀಯ ಸಂಶೋಧನ ಮಂಡಳಿ (ಐಸಿಎಂಆರ್) ನಡೆಸಿ ರುವ ಪ್ರಯೋಗ ಯಶಸ್ವಿಯಾಗಿದೆ.
ಹೊಸದಿಲ್ಲಿ, ಉಧಂಪುರ, ಲುಧಿಯಾನಾ, ಜೈಪುರ, ಖರಗ್ಪುರದಲ್ಲಿರುವ ಸಂಶೋಧನ ಕೇಂದ್ರಗಳಲ್ಲಿ ಮೂರನೇ ಹಂತದ ಪ್ರಯೋಗವನ್ನು ನಡೆಸಲಾಗಿದೆ. ಪ್ರಯೋ ಗದಲ್ಲಿ 25 ರಿಂದ 40 ವಯಸ್ಸಿನ 303 ವಿವಾಹಿತ ಹಾಗೂ ಆರೋಗ್ಯವಂತ ಪುರುಷ ಅಭ್ಯರ್ಥಿಗಳು ಭಾಗಿಯಾಗಿದ್ದರು. ಅವರೆ ಲ್ಲರಿಗೂ 60 ಎಂಜಿ ರಿವರ್ಸೆಬಲ್ ಇನ್ಹಿಬಿಶನ್ ಆಫ್ ಸ್ಪರ್ಮ್ ಅಂಡರ್ ಗೈಡೆನ್ಸ್ ಇಂಜೆಕ್ಷನ್ ನೀಡಲಾಗಿತ್ತು. ಪ್ರಯೋಗದಲ್ಲಿ ಯಾವುದೇ ಅಡ್ಡ ಪರಿಣಾಮವಿಲ್ಲದೆಯೂ ಚುಚ್ಚುಮದ್ದು ಬಳಸುವ ಮೂಲಕ ಶೇ.99ರಷ್ಟು ಗರ್ಭಧಾರಣೆಯನ್ನು ನಿಯಂತ್ರಿ ಸಬಹುದೆಂಬುದು ತಿಳಿದುಬಂದಿದೆ. ಇದರ ಜತೆಗೆ ಪ್ರಯೋಗಕ್ಕೆ ಒಳಪಟ್ಟ ಪುರುಷರ ಪತ್ನಿಯರ ಆರೋಗ್ಯದ ಮೇಲೂ ನಿಗಾ ಇಟ್ಟು ಅವರ ಮೇಲೂ ಯಾವುದೇ ಅಡ್ಡ ಪರಿಣಾಮ ಬೀರಿಲ್ಲವೆಂದು ಖಚಿತ ಪಡಿಸಿಕೊಳ್ಳಲಾಗಿದೆ. ಸದ್ಯ ಪುರುಷರಲ್ಲಿನ ಸಂತಾನ ಸಾಮರ್ಥ್ಯದ ನಿಯಂತ್ರಣಕ್ಕಾಗಿ ವ್ಯಾಸಿಕ್ಟಮಿ ಶಸ್ತ್ರಚಿಕಿತ್ಸೆ ನಡೆಸಲಾಗುತ್ತಿದೆ. ಅದುವೇ ಸದ್ಯಕ್ಕೆ ಪರಿಣಾಮಕಾರಿಯಾಗಿದೆ.