ಸುಪ್ರೀಂಕೋರ್ಟ್‌ಗೆ ಇಂದು ಮಿಶ್ರಾ ನೇಮಕ

Team Udayavani, Jan 12, 2018, 6:30 AM IST

ಹೊಸದಿಲ್ಲಿ: ಸುಪ್ರೀಂಕೋರ್ಟ್‌ಗೆ ಇದೇ ಮೊದಲ ಬಾರಿಗೆ ಮಹಿಳಾ ನ್ಯಾಯವಾದಿಯೊಬ್ಬರನ್ನು ಸುಪ್ರೀಂಕೋರ್ಟ್‌ನ ನ್ಯಾಯ ಮೂರ್ತಿಯನ್ನಾಗಿ ನೇಮಿಸಲು ಶಿಫಾರಸು ಮಾಡಲಾಗಿದೆ. ಉತ್ತರಾಖಂಡ ಹೈಕೋರ್ಟಲ್ಲಿ ನ್ಯಾಯವಾದಿಯಾಗಿರುವ ಇಂದು ಮಲ್ಹೋತ್ರಾ ಈ ಗೌರವಕ್ಕೆ ಪಾತ್ರರಾದವರು. 2016ರಲ್ಲಿ ಉತ್ತರಾಖಂಡದಲ್ಲಿ ರಾಷ್ಟ್ರಪತಿ ಆಳ್ವಿಕೆ ಹೇರಿದ್ದನ್ನು ವಜಾ ಮಾಡಿದ ಅಲ್ಲಿನ ಹೈಕೋರ್ಟ್‌ನ ಮುಖ್ಯ ನ್ಯಾಯಮೂರ್ತಿ ಕೆ.ಎಂ.ಜೋಸೆಫ್ ಅವರನ್ನು ಕೂಡ ನ್ಯಾಯಮೂರ್ತಿ ಸ್ಥಾನಕ್ಕೆ ಪರಿಗಣಿಸಲಾಗಿದೆ. 

2007ರಲ್ಲಿ ಇಂದು ಮಲ್ಹೋತ್ರಾ ಹಿರಿಯ ನ್ಯಾಯವಾದಿಯಾಗಿ ನೇಮಕಗೊಂಡಿದ್ದರು. ದೇಶಕ್ಕೆ ಸ್ವಾತಂತ್ರ್ಯ ಬಂದ ಬಳಿಕ ಏಳನೇ ಮಹಿಳಾ ನ್ಯಾಯಮೂರ್ತಿ ಎಂಬ ಹೆಗ್ಗಳಿಕೆ ಇಂದು ಅವರದ್ದಾಗಲಿದೆ. ಸದ್ಯ ನ್ಯಾಯಮೂರ್ತಿ ಎ.ಆರ್‌.ಭಾನುಮತಿ ಸುಪ್ರೀಂಕೋರ್ಟಲ್ಲಿ ಏಕೈಕ ಮಹಿಳಾ ನ್ಯಾಯಮೂರ್ತಿಯಾಗಿದ್ದಾರೆ. 1989ರಲ್ಲಿ ನ್ಯಾ.ಎಂ.ಫಾತಿಮಾ ಬೀವಿ ಮೊದಲ ಮಹಿಳಾ ನ್ಯಾಯಮೂರ್ತಿಯಾಗಿದ್ದರು. ನಂತರ ಅವರು ರಾಜ್ಯಪಾಲರಾಗಿದ್ದರು.