ಹೋಮ್ಲಿ ಮಯೂರಿ ಈಗ ಸಖತ್ ಬೋಲ್ಡ್!
ನನ್ನ ಪ್ರಕಾರದಲ್ಲಿ ಮಾಡರ್ನ್ ಹುಡುಗಿ
Team Udayavani, Jul 14, 2019, 3:04 AM IST
ಹುಬ್ಬಳ್ಳಿಯಿಂದ ಬಂದು ಹೋಮ್ಲಿ ಹುಡುಗಿ ಎಂಬ ಪಟ್ಟ ಪಡೆದಿದ್ದ ಮಯೂರಿ ಈಗ ಸಖತ್ ಬೋಲ್ಡ್ ಆಗಿದ್ದಾರೆ. ಹೋಮ್ಲಿ ಹುಡುಗಿ ಈಗ ಮಾಡರ್ನ್ ಹುಡುಗಿಯಾಗಿದ್ದಾರೆ. ಅದು ಯಾವ ಮಟ್ಟಿಗೆಂದರೆ ಪಾರ್ಟಿಗಳಲ್ಲಿ ಕಾಣಿಸಿಕೊಳ್ಳುತ್ತಾ, ಸಿಗರೇಟ್, ಹುಕ್ಕಾ ಸೇದುವ ಜೊತೆಗೆ ಮದ್ಯದ ನಶೆಯಲ್ಲಿ ತೇಲುವ ಮಟ್ಟಕ್ಕೆ! ಹೀಗೆಂದರೆ ನೀವು ಆಶ್ಚರ್ಯಪಡಬಹುದು.
ನಾವು ಇಲ್ಲಿ ಹೇಳುತ್ತಿರುವುದು ಮಯೂರಿ ಸಿನಿಮಾ ಕುರಿತು. “ನನ್ನ ಪ್ರಕಾರ’ ಎಂಬ ಸಿನಿಮಾವೊಂದು ಬರುತ್ತಿರುವ ವಿಚಾರ ನಿಮಗೆ ಗೊತ್ತಿರಬಹುದು. ಈ ಚಿತ್ರದಲ್ಲಿ ಮಯೂರಿ ಕೂಡಾ ನಟಿಸಿದ್ದಾರೆ. ಚಿತ್ರದ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಮಯೂರಿಗೆ ಈ ಹಿಂದೆ ಮಾಡಿರದಂತಹ ಪಾತ್ರ ಸಿಕ್ಕಿದೆ. ಅದು ಸಖತ್ ಬೋಲ್ಡ್ ಆಗಿರುವ ಪಾತ್ರ.
ಮಯೂರಿ ಕೂಡಾ ಈ ಪಾತ್ರವನ್ನು ಖುಷಿಯಿಂದಲೇ ಮಾಡಿದ್ದಾರೆ. ಈ ಪಾತ್ರದ ಬಗ್ಗೆ ಮಾತನಾಡುವ ಮಯೂರಿ, “ನನ್ನ ಪ್ರಕಾರ ಒಂದು ವಿಶಿಷ್ಟವಾದ ಪಾತ್ರ. ಇದನ್ನು ಮಲ್ಟಿಲೆಯರ್ ಸಿನಿಮಾ ಎಂದು ಕರೆಯಬಹುದು. ನನ್ನ ಪಾತ್ರ ಕಥೆಯ ಕೇಂದ್ರಬಿಂದು ಎಂದರೆ ತಪ್ಪಲ್ಲ. ನಾನಿಲ್ಲಿ ಸಖತ್ ಬೋಲ್ಡ್ ಹುಡುಗಿಯಾಗಿ ಕಾಣಿಸಿಕೊಂಡಿದ್ದೇನೆ.
ನನ್ನ ರಿಯಲ್ ಲೈಫ್ಗೆ ಸಂಪೂರ್ಣ ವಿರುದ್ಧವಾಗಿರುವ ಪಾತ್ರ. ಇಂಡಿಪೆಂಡೆಂಟ್ ಹುಡುಗಿಯಾಗಿರುವ ಆಕೆಯದ್ದೇ ಒಂದು ಲೈಫ್ಸ್ಟೈಲ್. ಪಾರ್ಟಿ, ಪಬ್, ಕುಡಿತ … ಇವೆಲ್ಲದಕ್ಕೆ ಅಂಟಿಕೊಂಡಿರುವ ಆಕೆ, ಅದರಿಂದ ಯಾವ ರೀತಿ ತೊಂದರೆ ಅನುಭವಿಸುತ್ತಾಳೆಂಬುದು ಕೂಡಾ ಸಿನಿಮಾದ ಹೈಲೈಟ್. ಚಿತ್ರದಲ್ಲಿ ಒಳ್ಳೆಯ ಸಂದೇಶವಿದೆ.
ನನ್ನ ಪಾತ್ರದ ಮೂಲಕವೂ ಯುವಜನತೆಗೊಂದು ಸಂದೇಶ ನೀಡಲಾಗಿದೆ. ಇತ್ತೀಚೆಗೆ ಬರುತ್ತಿರುವ ಹೊಸ ಬಗೆಯ ಸಿನಿಮಾಗಳನ್ನು ಪ್ರೇಕ್ಷಕರು ಇಷ್ಟಪಡುತ್ತಿದ್ದಾರೆ. “ನನ್ನ ಪ್ರಕಾರ’ ಕೂಡಾ ಬೇರೆ ಜಾನರ್ನ ಸಿನಿಮಾವಾಗಿ ಪ್ರೇಕ್ಷಕರಿಗೆ ಇಷ್ಟವಾಗುತ್ತದೆ ಎಂಬ ವಿಶ್ವಾಸವಿದೆ’ ಎನ್ನುತ್ತಾರೆ ಮಯೂರಿ. ಅಂದಹಾಗೆ, ಇತ್ತೀಚೆಗಷ್ಟೇ ಚಿತ್ರದ ಮೋಶನ್ ಪೋಸ್ಟರ್ ಬಿಡುಗಡೆಯಾಗಿದೆ.
ವಿನಯ್ ಎನ್ನುವವರು “ನನ್ನ ಪ್ರಕಾರ’ ಸಿನಿಮಾದ ನಿರ್ದೇಶಕರು. ಜಿವಿಕೆ ಕಂಬೈನ್ಸ್ ಹಾಗೂ ಗುರುರಾಜ್ ಈ ಚಿತ್ರದ ನಿರ್ಮಾಪಕರು.ಚಿತ್ರದಲ್ಲಿ ಕಿಶೋರ್, ಪ್ರಿಯಾಮಣಿ, ವೈಷ್ಣವಿ, ನಿರಂಜನ್ ಸೇರಿದಂತೆ ಅನೇಕರು ನಟಿಸಿದ್ದಾರೆ. ಇದೊಂದು ಸಸ್ಪೆನ್ಸ್ ಥ್ರಿಲ್ಲರ್ ಚಿತ್ರವಾಗಿದ್ದು, ಶೀಘ್ರದಲ್ಲಿ ಬಿಡುಗಡೆಯಾಗಲಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
Kaljigaದಲ್ಲಿ ದೈವದ ಅಪಪ್ರಚಾರ ನಡೆದಿಲ್ಲ, ಸಿನಿಮಾ ನೋಡಿದ ಬಳಿಕ ಈ ಬಗ್ಗೆ ಪ್ರತಿಕ್ರಿಯಿಸಿ
ನವಜಾತ ಶಿಶುಗಳಲ್ಲಿ ಶ್ರವಣ ಶಕ್ತಿ ಸಮಸ್ಯೆ ಕುರಿತು ಸಂಪೂರ್ಣ ಮಾಹಿತಿ
ಅಂತರಾಷ್ಟ್ರೀಯ ಪ್ರಜಾಪ್ರಭುತ್ವ ದಿನಾಚರಣೆ ಅಂಗವಾಗಿ ತಾಲೂಕು ಮಟ್ಟದ ಮಾನವ ಸರಪಳಿ ಕಾರ್ಯಕ್ರಮ
ಈಟ್ ರಾಜಾ ಶಾಪ್ ನಲ್ಲಿ ಜ್ಯೂಸ್ ಕುಡಿಯೋದಷ್ಟೇ ಅಲ್ಲ ತಿನ್ನಲೂ ಬಹುದು
ಅಯ್ಯೋ…ಸಂತೆಕಟ್ಟೆ ಅಂಡರ್ ಪಾಸ್ ಪ್ರಯಾಣ ನಿತ್ಯ ನರಕ!
ಹೊಸ ಸೇರ್ಪಡೆ
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.