ನೂತನ ಎಸ್‌.ಬಿ.ಐ. – ವಿಸ್ತಾರಾ ಕ್ರೆಡಿಟ್‌ ಕಾರ್ಡ್‌ ಜಾರಿ

Team Udayavani, Nov 27, 2019, 11:36 PM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used

ಹೊಸದಿಲ್ಲಿ: ಸ್ಟೇಟ್‌ ಬ್ಯಾಂಕ್‌ ಆಫ್ ಇಂಡಿಯಾ (ಎಸ್‌ಬಿಐ) ಮತ್ತು ಪ್ರಯಾಣಿಕ ಸೇವಾ ಸಂಸ್ಥೆಯಾದ ವಿಸ್ತಾರಾ, ಜಂಟಿಯಾಗಿ ಪ್ರೀಮಿಯಂ ಕೋ-ಬ್ರಾಂಡೆಡ್‌ ಕ್ರೆಡಿಟ್‌ ಕಾರ್ಡ್‌ ಬಿಡುಗಡೆ ಮಾಡಿದ್ದು, ‘ಕ್ಲಬ್‌ ವಿಸ್ತಾರಾ’ ಹೆಸರಿನ ಎಸ್‌ಬಿಐ ಕ್ರೆಡಿಟ್‌ ಕಾರ್ಡ್‌ ಅನ್ನು ಪರಿಚಯಿಸುತ್ತಿದೆ.

ಈ ಕುರಿತು ಎರಡು ಕಂಪನಿಗಳು ಪತ್ರಿಕಾ ಪ್ರಕಟಣೆ ನಡೆಸಿದ್ದು, ಈ ಕಾರ್ಡ್‌ ಮಾಡುವ ಬಳಕೆದಾರರು ಉಚಿತ ಟಿಕೆಟ್‌ ರದ್ದತಿ, ವಿಶ್ರಾಂತಿ ಪ್ರವೇಶ ಮತ್ತು ಫ್ಲೈಯರ್‌ ಪಾಯಿಂಟ್‌ಗಳಂತಹ ಪ್ರಯೋಜನಗಳನ್ನು ಪಡೆಯಬಹುದಾಗಿದೆ ಎಂದು ತಿಳಿಸಿದೆ.

ಇದರ ಜತೆಗೆ ಪ್ರಯಾಣಿಕರಿಗೆ ವಿಮಾ ರಕ್ಷಣೆ, ವಿಶ್ರಾಂತಿ ಪ್ರವೇಶ, ಆದ್ಯತಾ ಪಾಸ್‌ ಕಾರ್ಯಕ್ರಮಗಳಿಗೆ ಪೂರಕ ಸದಸ್ಯತ್ವ ಸೇರಿದಂತೆ ಇತರೆ ಸೇವೆಗಳು ಈ ಕಾರ್ಡ್‌ ಅಡಿಯಲ್ಲಿ ಲಭ್ಯವಿದ್ದು, ಕ್ಲಬ್‌ ವಿಸ್ತಾರಾ ಎಸ್‌ಬಿಐ ಕಾರ್ಡ್‌ ಕ್ಲಬ್‌ ವಿಸ್ತಾರಾ ಸಿಲ್ವರ್‌/ ಬೇಸ್‌ ಟಯರ್‌ ಸದಸ್ಯತ್ವ ಎಂಬ ಎರಡು ಮಾದರಿಗಳಲ್ಲಿ ಸಿಗಲಿದೆ.

ಎಸ್‌ಬಿಐ ವಿಸ್ತಾರಾ ಕಾರ್ಡ್‌ ಬಳಸಿಕೊಂಡು ವಿಮಾನ ಟಿಕೆಟ್‌ ಕಾಯ್ದಿರಿಸುವವರಿಗೆ ಆಕರ್ಷಕ ರಿಯಾಯಿತಿ ಇದ್ದು, ಸ್ವಾಗತ ಟಿಕೆಟ್‌ಗಳು, ಒನ್‌ ಕ್ಲಾಸ್‌ ಅಪ್‌ಗ್ರೇಡ್‌ ವೋಚರ್‌ ಮತ್ತು ಬುಕಿಂಗ್‌ ಉಚಿತ ರದ್ದತಿಯಂತಹ ಸವಲತ್ತುಗಳನ್ನು ಹೊಂದಿದೆ.