ಜನವರಿಯಿಂದ ಹೆಚ್ಚಳವಾಗಲಿದೆ ಹೀರೋ ಬೈಕ್ – ಸ್ಕೂಟರ್ ಬೆಲೆ

Team Udayavani, Dec 9, 2019, 8:29 PM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used

ಹೊಸದಿಲ್ಲಿ: ದೇಶದ ಅತೀದೊಡ್ಡ ಮೋಟಾರು ಸೈಕಲ್ ಮತ್ತು ಸ್ಕೂಟರ್ ವಾಹನ ತಯಾರಕ ಕಂಪನಿಯಾದ ಹೀರೋ ಮೋಟೊಕಾರ್ಪ್‌ ಲಿಮಿಟೆಡ್‌ ತನ್ನ 2020ರ ಜನವರಿಯಿಂದ ತನ್ನ ಉತ್ಪನ್ನಗಳ ಬೆಲೆಗಳನ್ನು ಹೆಚ್ಚಿಸುವುದಾಗಿ ಇಂದು ಘೋಷಣೆ ಮಾಡಿದೆ.

ತನ್ನ ಎಲ್ಲಾ ಮೋಟಾರು ಬೈಕುಗಳು ಮತ್ತು ಸ್ಕೂಟರ್ ಗಳ ಬೆಲೆಯನ್ನು ಸುಮಾರು 2000 ರೂಪಾಯಿಗಳವರೆಗೆ ಹೆಚ್ಚಿಸುವುದಾಗಿ ಸಂಸ್ಥೆಯು ತನ್ನ ಪತ್ರಿಕಾ ಪ್ರಕಟನೆಯಲ್ಲಿ ಹೇಳಿಕೊಂಡಿದೆ. ದೇಶದಲ್ಲಿನ ಹಲವಾರು ಕಾರು ಮತ್ತು ಬೈಕ್ ತಯಾರಿ ಕಂಪೆನಿಗಳು ಡಿಸೆಂಬರ್ ತಿಂಗಳಿನಲ್ಲಿ ವರ್ಷಾಂತ್ಯದ ಮಾರಾಟವನ್ನು ಉತ್ತೇಜಿಸುವ ಉದ್ದೇಶದಿಂದ ಗ್ರಾಹಕರನ್ನು ಸೆಳೆಯಲು ಜನವರಿಯಿಂದ ವಾಹನಗಳ ಮಾರಾಟ ಬೆಲೆ ಹೆಚ್ಚಳವಾಗಲಿದೆ ಎಂಬ ಪ್ರಕಟನೆಯನ್ನು ಕಳೆದ ಕೆಲವು ದಿನಗಳಿಂದ ಮಾಡುತ್ತಾ ಬಂದಿವೆ. ಇದೀಗ ಈ ಸಾಲಿಗೆ ಹೀರೋ ಮೋಟೋ ಕಾರ್ಪ್ ಸಹ ಸೇರ್ಪಡೆಯಾದಂತಾಗಿದೆ.

ಕಳೆದ ವಾರವಷ್ಟೇ ದೇಶದ ಅತೀದೊಡ್ಡ ಕಾರು ಉತ್ಪಾದಕ ಕಂಪೆನಿ ಮಾರುತಿ ಸುಝುಕಿ ತನ್ನ ಉತ್ಪನ್ನಗಳ ಬೆಲೆಯನ್ನು ಜನವರಿ ತಿಂಗಳಿನಿಂದ ಹೆಚ್ಚಿಸುವುದಾಗಿ ಪ್ರಕಟನೆ ಹೊರಡಿಸಿತ್ತು. ಆದರೆ ತನ್ನ ಕಾರುಗಳ ಬೆಲೆ ಏರಿಕೆಯ ನಿರ್ಧಿಷ್ಟ ದಿನಾಂಕವನ್ನು ಅದು ಪ್ರಕಟಿಸಿರಲಿಲ್ಲ.