ಮೀಸೆ ಮರೆಯಲ್ಲಿ…
Team Udayavani, Jun 10, 2020, 4:51 AM IST
ನಟ ಉಪೇಂದ್ರ, ಒಂದು ಹಾಡಿನಲ್ಲಿ, “ಹುಲಿ ಹುಲ್ಲು ತಿನ್ನೋಕಿಲ್ಲ, ಹೆಣ್ಣಿಗೆ ಮೀಸೆ ಬರೋಕಿಲ್ಲ’ ಎಂದೇನೋ ಹೇಳಿದ್ದರು. ಆದರೆ, ಇದು ಸುಳ್ಳು. ಹಾರ್ಮೋನಿನಲ್ಲಿ ಆಗುವ ವ್ಯತ್ಯಾಸ, ಅನುವಂಶೀಯ ಕಾರಣ ಅಥವಾ ಔಷಧ ಸೇವನೆ, ಇತ್ಯಾದಿ ಕಾರಣದಿಂದ ಮುಖದ ಮೇಲೆ ಕೂದಲು ಬೆಳೆಯುತ್ತದೆ.
ತುಟಿಯ ಮೇಲ್ಭಾಗ, ಗಲ್ಲ, ಕೆನ್ನೆ ಮೇಲೆ ಕೂದಲು ಹೆಚ್ಚಾದಾಗ, ಹುಡುಗಿಯರು ಅನಿವಾರ್ಯವಾಗಿ ಪಾರ್ಲರ್ಗೆ ಹೋಗಲೇ ಬೇಕು. ಆದರೆ, ಈ ಸಮಯದಲ್ಲಿ ಪಾರ್ಲರ್, ಸಲೂನ್ ಗಳಿಗೆ ಹೋಗು ವುದು ಅಷ್ಟೊಂದು ಸುರಕ್ಷಿತ ವಿಲ್ಲ. ಮುಖದ ಮೇಲಿನ ರೋಮಕ್ಕೆ ಏನು ಮಾಡೋದಪ್ಪಾ ಈಗ? ಅಂತ ಚಿಂತಿಸುವ ಅಗತ್ಯವಿಲ್ಲ, ಮನೆಮದ್ದಿನಲ್ಲಿ ಅದಕ್ಕೆ ಪರಿಹಾರವಿದೆ:
* ಪ್ರತಿನಿತ್ಯ ಮುಖಕ್ಕೆ ಅರಿಶಿನ ಲೇಪಿಸಿದರೆ ಕೂದಲು ಬೆಳೆಯುವುದು ಕಡಿಮೆಯಾಗುವ ಸಾಧ್ಯತೆಯಿದೆ.
* ಅಕ್ಕಿ ಹಿಟ್ಟು, ಅರಿಶಿಣ, ಹಾಲಿನ ಕೆನೆ ಅಥವಾ ಮೊಸರು, ಜೇನುತುಪ್ಪ- ಇವುಗಳನ್ನು ಬೆರೆಸಿ, ಮುಖಕ್ಕೆ ಹಚ್ಚಿ, ಮೇಲ್ಮುಖವಾಗಿ ಮಸಾಜ್ ಮಾಡಿ.
* ಸ್ಫಟಿಕ ಕಲ್ಲಿನಿಂದ ಮುಖಕ್ಕೆ ಮಸಾಜ್ ಮಾಡಿಕೊಳ್ಳಿ.
* ಪಪ್ಪಾಯ ಹಣ್ಣಿನ ತಿರುಳಿಗೆ, ಅರಿಶಿನ ಬೆರೆಸಿ ಮುಖಕ್ಕೆ ಹಚ್ಚಿ 15-20 ನಿಮಿಷ ಬಿಟ್ಟು ಮುಖ ತೊಳೆದುಕೊಳ್ಳಿ.
* ಮೊಟ್ಟೆ ಮತ್ತು ಕಾರ್ನ್ ಪೌಡರ್ ಅನ್ನು ಮಿಶ್ರಣ ಮಾಡಿ ಹಚ್ಚಿ.
* ಒಂದು ಚಮಚ ಜೆಲಟಿನ್ ಪುಡಿಗೆ, 3 ಚಮಚ ಹಾಲು, ಸ್ವಲ್ಪ ಲಿಂಬೆ ಹನಿ ಹಾಕಿ ಮಿಶ್ರಣ ಮಾಡಿ ಮುಖಕ್ಕೆ ತೆಳುವಾಗಿ ಹಚ್ಚಿ. 15-20 ನಿಮಿಷದ ನಂತರ ಆ ಮಾಸ್ಕನ್ನು ನಿಧಾನವಾಗಿ ಎಳೆದು ತೆಗೆಯಿರಿ.
* ಎರಡು ಚಮಚ ಹೆಸರುಕಾಳಿನ ಹಿಟ್ಟು, ಒಂದು ಚಮಚ ರೋಸ್ ವಾಟರ್, ಸ್ವಲ್ಪ ಲಿಂಬೆ ಹನಿ ಬೆರೆಸಿ ಮುಖಕ್ಕೆ ಮಸಾಜ್ ಮಾಡಿ.
ಈ ಮನೆಮದ್ದುಗಳನ್ನು ಬಳಸಿದ ತಕ್ಷಣವೇ ಪ್ರಯೋಜನ ಸಿಗದಿದ್ದರೂ, ದೀರ್ಘ ಕಾಲದ ಬಳಕೆಯಿಂದ ಪ್ರಯೋಜನ ಸಿಗಲಿದೆ.
* ಸಾವಿತ್ರಿ ಶ್ಯಾನುಭಾಗ
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Harassment: ಪಶ್ಚಿಮ ಬಂಗಾಳದ ರಾಜ್ಯಪಾಲರಿಂದ ಮಹಿಳೆಗೆ ಲೈಂಗಿಕ ಕಿರುಕುಳ ಆರೋಪ
Aranthodu: ಚಾಲಕನ ನಿಯಂತ್ರಣ ತಪ್ಪಿ ಹೋಟೆಲ್ ಗೆ ಢಿಕ್ಕಿ ಹೊಡೆದ ಕಾರು
Vijayapura: ಸೀಟಿಗಾಗಿ ಮಹಿಳೆಯರ ಕಿತ್ತಾಟ: ರಸ್ತೆಯಲ್ಲೇ ನಿಂತ ಬಸ್
Lok Sabha Election: ರಾಯ್ಬರೇಲಿಯಿಂದ ರಾಹುಲ್, ಅಮೇಥಿಯಿಂದ ಕೆ.ಎಲ್. ಶರ್ಮ ಕಣಕ್ಕೆ
Bengaluru: ರಸ್ತೆಯಲ್ಲೇ 10 ಬಾರಿ ಇರಿದು ಪತ್ನಿಯ ಕೊಂದ ಪತಿ!