ಮದುವೆಯಾಗುವ ಖುಷಿಯಲ್ಲಿ ವಿನಾಯಕ ಜೋಷಿ
ಬಾಲ್ಯದ ಗೆಳತಿ ಕೈ ಹಿಡಿಯಲಿರುವ ಮಾತಿನ ಮಲ್ಲ
Team Udayavani, Jun 19, 2020, 8:00 AM IST
ವಿನಾಯಕ ಜೋಷಿ. ಕನ್ನಡ ಸಿನಿಮಾರಂಗದಲ್ಲಿ ಬಾಲನಟನಾಗಿ ತಮ್ಮ ಬಣ್ಣದ ಬದುಕಿಗೆ ಎಂಟ್ರಿಯಾದವರು. ನಟನೆ, ನಿರೂಪಣೆ, ಆರ್ಜೆಯಾಗಿ ಗುರುತಿಸಿಕೊಂಡ ವಿನಾಯಕ ಜೋಷಿ ಇದೀಗ ಮದುವೆ ಆಗುವ ಖುಷಿಯಲ್ಲಿದ್ದಾರೆ. ಹೌದು, ವಿನಾಯಕ ಜೋಷಿ ತಮ್ಮ ಬಾಲ್ಯದ ಗೆಳತಿಯೊಂದಿಗೆ ದಾಂಪತ್ಯ ಬದುಕಿಗೆ ಕಾಲಿಡಲು ಸಜ್ಜಾಗುತ್ತಿದ್ದಾರೆ. ವಿನಾಯಕ ಜೋಷಿ ಈವರೆಗೆ ಸುಮಾರು 70ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಕಿರುತೆರೆಯಲ್ಲೂ ತಮ್ಮ ಛಾಪು ಮೂಡಿಸಿದ್ದಾರೆ.
ವಿನಾಯಕ್ ತಮ್ಮ ಬಾಲ್ಯದ ಗೆಳತಿ ವರ್ಷಾ ಬೆಳವಾಡಿ ಅವರನ್ನು ಕೈ ಹಿಡಿಯಲಿದ್ದಾರೆ. ವರ್ಷಾ ಬೆಳವಾಡಿ ಅವರು ರಾಷ್ಟ್ರಮಟ್ಟದ ಬ್ಯಾಡ್ಮಿಂಟನ್ ಆಟಗಾರ್ತಿ. ವಿನಾಯಕ ಜೋಷಿ ಅವರು ಶಾಲಾ ದಿನಗಳಲ್ಲೇ ವರ್ಷಾ ಅವರ ಜೊತೆ ಓದುತ್ತಲೇ ಸ್ಕೂಲ್ನಲ್ಲಿ ವೇದಿಕೆ ಮೇಲೆ ಒಟ್ಟಿಗೆ ಡ್ಯಾನ್ಸ್ ಮಾಡಿದವರು. ಅದಾದ ಬಳಿಕ ಹಲವು ವರ್ಷಗಳ ಬಳಿಕ ಇಬ್ಬರಿಗೂ ಸಂಪರ್ಕವಿರಲಿಲ್ಲ. ಆದರೆ, ಪುನಃ ಇಬ್ಬರಿಗೂ ಸಂಪರ್ಕ ಸಿಕ್ಕು, ಸ್ನೇಹ ಬೆಳೆಸಿಕೊಂಡು ಆ ಸ್ನೇಹ ಇದೀಗ ಪ್ರೀತಿಗೂ ತಿರುಗಿದೆ.
ವರ್ಷಾ ಬೆಳವಾಡಿ ಅಂತಾರಾಷ್ಟ್ರೀಯ ಪಂದ್ಯಾವಳಿ ಆಡಿರುವುದಲ್ಲದೆ ಈಗ ಬೆಂಗಳೂರಿನ ಸ್ಫೋರ್ಟ್ಸ್ ಅಕಾಡೆಮಿಯಲ್ಲಿ ಕೋಚ್ ಆಗಿಯೂ ಕಾರ್ಯನಿರ್ವಹಿಸುತ್ತಿದ್ದಾರೆ. ವರ್ಷಾ ಕ್ರೀಡೆಯ ಜೊತೆಗೆ ನಟನೆಯಲ್ಲೂ ಆಸಕ್ತಿ ಇಟ್ಟುಕೊಂಡಿದ್ದಾರೆ. ತಮಿಳು ಸಿನಿಮಾದಲ್ಲಿ ವರ್ಷಾ ಅಭಿನಯಿಸಿದ್ದಾರೆ ಕೂಡ. ಆ ಚಿತ್ರ ಇಷ್ಟರಲ್ಲೆ ಬಿಡುಗಡೆಯಾಗಬೇಕಿದೆಯಷ್ಟೇ. ಸದ್ಯಕ್ಕೆ ವಿನಾಯಕ್ ಜೋಷಿ ಅವರು, ಸಿನಿಮಾಗಳ ಬಗ್ಗೆ ಹೆಚ್ಚು ತಲೆಕೆಡಿಸಿಕೊಳ್ಳದೆ, ವೆಬ್ಸೀರೀಸ್ ಹಾಗು ಈವೆಂಟ್ ಮ್ಯಾನೇಜ್ಮೆಂಟ್ ಕಡೆ ಗಮನಹರಿಸಿದ್ದಾರೆ.
ಅಂದಹಾಗೆ, ಇವರ ಮದುವೆ ಯಾವಾಗ ಎಂಬ ಪ್ರಶ್ನೆಗೆ, ವಿನಾಯಕ್ ಜೋಷಿ, ಆಗಸ್ಟ್ 25 ರಂದು ತಮ್ಮ ಹುಟ್ಟುಹಬ್ಬದ ದಿನ ರಿಜಿಸ್ಟರ್ ಕಚೇರಿಯಲ್ಲಿ ಸರಳವಾಗಿಯೇ ಮದುವೆ ಮಾಡಿಕೊಳ್ಳುವ ಯೋಚನೆ ಮಾಡಿದ್ದರಂತೆ. ಆದರೆ, ಕುಟುಂಬದವರಿಗೆ ಶಾಸ್ತ್ರೋಕ್ತವಾಗಿ ಮದುವೆ ಮಾಡಬೇಕು ಎಂಬ ಉದ್ದೇಶದ ಹಿನ್ನೆಲೆಯಲ್ಲಿ ದೇವಸ್ಥಾನವೊಂದರಲ್ಲಿ ಸರಳವಾಗಿ ಮದುವೆ ಆಗಲು ನಿರ್ಧರಿಸಿದ್ದಾರೆ. ಶೀಘ್ರವೇ ಅವರು ದಿನಾಂಕ ಘೋಷಣೆ ಮಾಡಲಿದ್ದಾರಂತೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Sandalwood; ಟ್ರೆಂಡ್ ಬದಲಾಗಿದೆ ಹೊಸದೇನೋ ಬೇಕಾಗಿದೆ… ಮಲಯಾಳಂನತ್ತ ಸಿನಿಮಂದಿ ಬೆರಗು ನೋಟ
Sandalwood; ‘ಫಾರೆಸ್ಟ್’ನಲ್ಲಿ ಚಿಕ್ಕಣ್ಣ & ಟೀಂ
Hamsalekha ಸಂಗೀತದಿಂದ ದೂರವಾಗುತ್ತಿರುವುದು ಯಾಕೆ?ಯಾರಿಗೆ ಬರೆಯಲಿ ಸಾಹಿತ್ಯ ಎಂದ ನಾದಬ್ರಹ್ಮ
Bhairathi Ranagal ಲಾಯರ್ ಶಿವಣ್ಣ; ಕುತೂಹಲ ಹೆಚ್ಚಿಸಿದ ಲುಕ್
Koti; ಡಾಲಿ ಕಣ್ಣಲ್ಲಿ ಕೋಟಿ ಕನಸು; ಪರಮ್ ನಿರ್ದೇಶನದ ಸಿನಿಮಾ