ಇದು ವರ್ಣರಂಜಿತ ಬಣ್ಣದ ದಪ್ಪ ನೀರಿನ ಉಪ್ಪಿನ  ಸರೋವರ!


Team Udayavani, Nov 9, 2018, 5:01 PM IST

salt-river.jpg

ಉಪ್ಪು ಬೆರೆತ  ಸರೋವರದ ಈ ನೀರಿನ ಸ್ನಾನದಿಂದ ಹಲವು ರೋಗಗಳು ಗುಣವಾಗುತ್ತವೆಯಾದರೂ ಸರಿಯಾದ ಸಾರಿಗೆ ಸಂಪರ್ಕವಿಲ್ಲದ ಕಾರಣ ಪೆನಿನ್ಸುಲಾದ ಕಪ್ಪು ಕಡಲಿನ ಸಮೀಪವಿರುವ ಸರೋವರಕ್ಕೆ ಭೇಟಿ ನೀಡುವ ಪ್ರವಾಸಿಗರ ಸಂಖ್ಯೆ ಬೆರಳೆಣಿಕೆಯಷ್ಟು ಮಾತ್ರ.

ಅದೊಂದು ಬೃಹದಾಕಾರದ ಸರೋವರ. ಹಾಗೆಂದು ನೀರು ಕುಡಿದು ದಣಿವಾರಿಸಿಕೊಳ್ಳಲು ಹೋದರೆ ದಪ್ಪವಾದ ಉಪ್ಪು ನೀರು ಬಾಯಿಗೆ ಹೋಗಿ ನಾಲಗೆ ದಪ್ಪವಾಗುತ್ತದೆ. ಇದರ ನೀರು ಕಡು ಬೇಸಿಗೆಯಲ್ಲಿ ರಕ್ತದಂತೆ ಕೆಂಪಗಾದರೆ, ವಸಂತಕಾಲದಲ್ಲಿ ಗುಲಾಬಿ ಬಣ್ಣದಿಂದ ಆಕರ್ಷಿಸುತ್ತದೆ. ನಿಸರ್ಗ ಕುಂಚ ಹಿಡಿದು ಬಣ್ಣ ಬಳಿದಂತೆ ಕಾಣಿಸುವ ವಿಲಕ್ಷಣ ಸರೋವರ ಕ್ರೈಮಿಯಾದ ಕರ್ಚ್ ಪೆನಿನ್ಸುಲಾದ ಕಪ್ಪು ಕಡಲಿನ ಕರಾವಳಿಯಲ್ಲಿ ಕಂಡು ಬರುತ್ತವೆ. ನಾಲ್ಕು ಕಿಲೋಮೀಟರ್ ಉದ್ದವಾಗಿ ಐನೂರು ಹೆಕ್ಟೇರ್ ಪ್ರದೇಶವನ್ನು ಆವರಿಸಿರುವ ಈ ಕೊಯಾಶ್ಸ್ಕೊಯ್ ಸರೋವರದ ಅಗಲ ಎರಡು ಕಿಲೋಮೀಟರ್. ಆದರೆ ಗರಿಷ್ಟ ಆಳವಿರುವುದು ಕೇವಲ ಒಂದು ಮೀಟರ್ ಮಾತ್ರ!

ವರ್ಣರಂಜಿತ ಸರೋವರ

ಸರೋವರ ತಲುಪುವ ದಾರಿ ಅಷ್ಟೊಂದು ಸಲೀಸಲ್ಲ. ಕರ್ಚ್ ನಿಂದ 35 ಕಿಲೋಮೀಟರ್ ದೂರದಲ್ಲಿರುವ ಮಾರೆವ್ಹಾ ಎಂಬಲ್ಲಿಗೆ ಹೋಗಿ ಕಾಲ್ನಡಿಗೆಯಲ್ಲಿ ಯಕೊವೆನ್ಕೋವೊ  ಗ್ರಾಮವನ್ನು ಸೇರಬೇಕು. ಮತ್ತೆ ಕರಾವಳಿಯುದ್ದಕ್ಕೂ ಐದು ಕಿಲೋಮೀಟರ್ ನಡಿಗೆಯಲ್ಲಿ ಕ್ರಮಿಸಿದಾಗ ಬಹು ದೂರದಿಂದಲೇ ವರ್ಣರಂಜಿತವಾಗಿ ಗಮನ ಸೆಳೆಯುವ ಕೊಯಾಶ್ಸ್ಕೊಯ್ ಸರೋವರವನ್ನು ತಲುಪಬಹುದು.

ಒಂದು ಕಾಲದಲ್ಲಿ ಸರೋವರವಿರುವ ಭಾಗ ಕಪ್ಪು ಸಮುದ್ರದ ಭಾಗವಾಗಿತ್ತು. ಲಕ್ಷಾಂತರ ವರ್ಷಗಳ ಪೂರ್ವದಲ್ಲಿ ಸಮುದ್ರವು ಹಿಂದೆ ಸರಿಯುವ ಪ್ರಕ್ರಿಯೆ ಆರಂಭವಾಗಿ ಅದು ಮೂರು ಕಿಲೋಮೀಟರ್ ದೂರ ಹೋಯಿತು. ಹೀಗಾಗಿ ಇಲ್ಲಿ ನಿಂತ ನೀರಿನಲ್ಲಿ ಉಪ್ಪಿನ ಅಗಣಿತ ಕಣಜವೇ ಉಳಿದುಕೊಂಡಿತು. ಒಂದು ಲೀಟರ್ ನೀರಿನಲ್ಲಿ ಉಪ್ಪಿನ ರುಚಿಯಿರುವ ಸೋಡಿಯಮ್ ಕ್ಲೋರೈಡ್ ಅರ್ಧ ಕಿಲೋ ಪ್ರಮಾಣದಲ್ಲಿದೆ ಎಂದು ಪ್ರಯೋಗಗಳು ಹೇಳುತ್ತವೆ. ನೀರಿನಲ್ಲಿ ಬೀಟಾ ಕೊರೊಟಿನ್ ಅಂಶವಿರುವ ಕಾರಣ ಅದು ಅಚ್ಚ ಗುಲಾಬಿ ಮತ್ತು ರಕ್ತ ವರ್ಣದಿಂದ ಹೊಳೆಯುತ್ತದೆ ಎಂಬುದು ತಜ್ಞರ ಅಭಿಮತ.

 ಈ ಸರೋವರದ ದಡದಲ್ಲಿ ಸ್ವಲ್ಪ ಹೊತ್ತು ನಿಂತರೆ ಸಾಕು, ಕಡಲಿನೆಡೆಯಿಂದ ಬೀಸುವ ಗಾಳಿಯ ಮೂಲಕ ಉಪ್ಪಿನ ದಪ್ಪ ಕಣಗಳು ನಮ್ಮ ಮೈಯನ್ನು ಆವರಿಸುತ್ತವೆ. ಧರಿಸಿದ ಉಡುಪು ಉಪ್ಪಿನ ಪೊರೆಯಿಂದ ಮುಚ್ಚಿಕೊಳ್ಳುತ್ತದೆ. ಮೈಯ ತೆರೆದ ಭಾಗದ ತ್ವಚೆಯಲ್ಲಿ ಹೆಪ್ಪುಗಟ್ಟಿದ ಉಪ್ಪನ್ನು ಕಾಣಬಹುದು. ಬೀಸಿ ಬರುವ ಗಾಳಿ ಉಪ್ಪಿನ  ತೇವಾಂಶದಿಂದ ಕೂಡಿರುತ್ತದೆ. ನೀರು ಎಷ್ಟೇ ಉಪ್ಪಾಗಿದ್ದರೂ ಅದರಲ್ಲಿ ಹೇರಳವಾಗಿ ಸಿಗಡಿ ಮತ್ತು ಹಲವು ಜಾತಿಯ ಜಲಚರಗಳು ಬದುಕಿಗೊಂಡಿವೆ.ಇಂಥ   ನೀರಿನಲ್ಲಿ ಬೆಳೆಯಬಲ್ಲ ಪಾಚಿಯೂ ನೀರನ್ನು ಆವರಿಸಿಕೊಂಡು ಸೃಷ್ಟಿಗೆ ಪೂರಕವಾಗಿ ಬೆಳೆಯುತ್ತಿದೆ.

 ಬಿಸಿಲಿಗೆ ಪ್ರತಿ ಕ್ಷಣವೂ ಸರೋವರದ ನೀರು ಆವಿಯಾಗುತ್ತಲೇ ಇರುತ್ತದೆ. ಅಲ್ಲಲ್ಲಿ ಉಪ್ಪು ಗಟ್ಟಿಯಾಗಿ ಸ್ಫಟಿಕ ಶಿಲೆಯ ಬಂಡೆಗಳಂತೆ ಕಾಣಿಸಿಕೊಳ್ಳುತ್ತದೆ. ಉಪ್ಪಿಗೆ ನಾಸಿಕಾಗ್ರ ಕೆರಳಿಸುವ ಪರಿಮಳವೂ ಇದೆ. ಕನ್ನಡಿಯ ಹಾಗೆ ಪರಿಶದ್ಧವಾದ ಈ ಉಪ್ಪನ್ನು ಯಾವುದೇ ಬಳಕೆಗೂ ತೆಗೆದುಕೊಂಡು ಹೋಗಲು ಸಾಧ್ಯವಿಲ್ಲ. ಕಾರಣ ಇಲ್ಲಿಗೆ ವಾಹನಗಳು ಬರಲು ಸುಗಮವಾದ ರಸ್ತೆಯಿಲ್ಲ. ಹೀಗಾಗಿ ಸರೋವರದ ನೀರಿನಲ್ಲಷ್ಟೇ ಅಲ್ಲ, ದಡದಲ್ಲಿಯೂ ಬಲು ದೂರದ ತನಕ ಉಪ್ಪಿನ ಎತ್ತೆತ್ತರವಾದ ಬಂಡೆಗಳನ್ನು ನೋಡಬಹುದು. ವಾಹನ ಸೌಲಭ್ಯ ಇಲ್ಲದ ಕಾರಣ ಸರೋವರ ವೀಕ್ಷಣೆಗೆ ಬರುವ ಪ್ರವಾಸಿಗಳ ಸಂಖ್ಯೆಯೂ ಬೆರಳೆಣಿಕೆಯಷ್ಟಿದೆ.

ಬೆರಗುಗೊಳಿಸುವ ವರ್ಣ ಚಿತ್ತಾರದ ಸರೋವರವನ್ನು 1988 ರಲ್ಲಿ ಸರಕಾರ ಸಂರಕ್ಷಿಸಬೇಕಾದ ನೈಸರ್ಗಿಕ ಚೋದ್ಯಗಳ ಪಟ್ಟಿಗೆ ಸೇರಿಸಿ ಅದರ ರಕ್ಷಣೆಯ ಬಗೆಗೆ ಕಾಳಜಿ ವಹಿಸಿದೆ. ಉಪ್ಪು ಬೆರೆತ ಇದರ ನೀರಿನ ಸ್ನಾನ ಹಲವು ವಿಧದ ರೋಗಗಳನ್ನು ಗುಣಪಡಿಸುತ್ತದೆಯೆಂಬ ನಂಬಿಕೆಯಿದೆ.

• ಶ್ಯಾಮ್ (ತರಂಗ ಸೆಪ್ಟಂಬರ್13ರ ಸಂಚಿಕೆಯಲ್ಲಿ ಪ್ರಕಟಿತವಾದದ್ದು)

ಟಾಪ್ ನ್ಯೂಸ್

ಬೌದ್ಧಿಕ ಶಕ್ತಿಯ ಮುಂದೆ ಭೌತಿಕ ವೈಕಲ್ಯ ನಗಣ್ಯ

ಬೌದ್ಧಿಕ ಶಕ್ತಿಯ ಮುಂದೆ ಭೌತಿಕ ವೈಕಲ್ಯ ನಗಣ್ಯ

ಮಮತಾ ಬ್ಯಾನರ್ಜಿ ಪ್ರಶ್ನೆ ಮಾಡಿದ್ದ ಯುಪಿಎ ಎಲ್ಲಿದೆ ಹೇಳಿಕೆಗೆ ಕಾಂಗ್ರೆಸ್‌ ಆಕ್ಷೇಪ

ಮಮತಾ ಬ್ಯಾನರ್ಜಿ ಪ್ರಶ್ನೆ ಮಾಡಿದ್ದ ಯುಪಿಎ ಎಲ್ಲಿದೆ ಹೇಳಿಕೆಗೆ ಕಾಂಗ್ರೆಸ್‌ ಆಕ್ಷೇಪ

ಜನತಂತ್ರದ ಉಳಿವಿಗೆ ಗಂಭೀರ ಚಿಂತನೆ ಅಗತ್ಯ

ಜನತಂತ್ರದ ಉಳಿವಿಗೆ ಗಂಭೀರ ಚಿಂತನೆ ಅಗತ್ಯ

ರಾಜ್ಯದಲ್ಲಿ ಕಾಂಗ್ರೆಸ್‌ ಜಾತ್ರೆ ಆರಂಭ: ಡಿ.ಕೆ.ಶಿವಕುಮಾರ್‌

ರಾಜ್ಯದಲ್ಲಿ ಕಾಂಗ್ರೆಸ್‌ ಜಾತ್ರೆ ಆರಂಭ: ಡಿ.ಕೆ.ಶಿವಕುಮಾರ್‌

maruti-suzuki

ಮುಂದಿನ ತಿಂಗಳಿಂದ ಮಾರುತಿ ದುಬಾರಿ

ಸವಾಲು ಸ್ವೀಕರಿಸಿ ಬೆಳಗಾವಿ ಅಧಿವೇಶನ: ಸ್ಪೀಕರ್‌ ಕಾಗೇರಿ

ಸವಾಲು ಸ್ವೀಕರಿಸಿ ಬೆಳಗಾವಿ ಅಧಿವೇಶನ: ಸ್ಪೀಕರ್‌ ಕಾಗೇರಿ

ಸರ್ವಧರ್ಮೀಯರ ಕಲ್ಯಾಣ ಕ್ಷೇತ್ರ ಧರ್ಮಸ್ಥಳ ;ರಾಜ್ಯಪಾಲ ಗೆಹ್ಲೋಟ್ ಬಣ್ಣನೆ

ಸರ್ವಧರ್ಮೀಯರ ಕಲ್ಯಾಣ ಕ್ಷೇತ್ರ ಧರ್ಮಸ್ಥಳ ;ರಾಜ್ಯಪಾಲ ಗೆಹ್ಲೋಟ್ ಬಣ್ಣನೆ



ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

8dharmasthala

ಡಾ. ವೀರೇಂದ್ರ ಹೆಗ್ಗಡೆಯವರ 54ನೇ ಪಟ್ಟಾಭಿಷೇಕ ವರ್ಧಂತ್ಯುತ್ಸವ

10

ದಿನದಲ್ಲಿ ಎರಡು ಬಾರಿ ಮಾಯವಾಗುವ ಶಿವಾಲಯ! ಏನಿದರ ವಿಶೇಷತೆ?

1-t

ವಿದೇಶ ಪ್ರವಾಸ,ಅಲ್ಲೇ ಸೆಟ್ಲ್ ಆಗ್ತೀರಾ? : 24 ಲಕ್ಷದವರೆಗೆ ಆರ್ಥಿಕ ಪ್ರೋತ್ಸಾಹವೂ ಇದೆ!

Athletics star Simi story

ಬರಿಗಾಲಿನಲ್ಲಿ ಓಡಲಾರಂಭಿಸಿ ರಾಷ್ಟ್ರಮಟ್ಟದಲ್ಲಿ ಮಿಂಚಿದ ಅಥ್ಲೆಟಿಕ್ಸ್‌ ತಾರೆ ʼಸಿಮಿʼ ಪಯಣ

ಯಶಸ್ವಿ ನಾಯಕತ್ವವೆಂದರೆ ಟ್ರೋಫಿ ಗೆಲ್ಲುವುದು ಮಾತ್ರವೇ..?

ಯಶಸ್ವಿ ನಾಯಕತ್ವವೆಂದರೆ ಟ್ರೋಫಿ ಗೆಲ್ಲುವುದು ಮಾತ್ರವೇ..?

MUST WATCH

udayavani youtube

‘Car’bar with Merwyn Shirva | Episode 2|

udayavani youtube

ಕರ್ನಾಟಕಕ್ಕೂ ಎಂಟ್ರಿ ಕೊಟ್ಟ ಒಮಿಕ್ರಾನ್ ವೈರಸ್ : ಇಬ್ಬರಲ್ಲಿ ಪತ್ತೆಯಾದ ಸೋಂಕು

udayavani youtube

ಕ್ಲಾಸ್​ ರೂಂನೊಳಗೆ ನುಗ್ಗಿ ವಿದ್ಯಾರ್ಥಿ ಮೇಲೆ ದಾಳಿ ಮಾಡಿದ ಚಿರತೆ

udayavani youtube

ನಾಡಗೀತೆ ಮೇಲೆ ಈ ಹಸುವಿಗೆ ಅದೆಷ್ಟು ಗೌರವ ನೋಡಿ : ವಿಡಿಯೋ ವೈರಲ್

udayavani youtube

ಈ ಪ್ರಮುಖ ಕಾರಣಗಳಿಂದ ಜೀವನಶೈಲಿ ರೋಗಗಳಿಗೆ ನಾವು ತುತ್ತಾಗುತ್ತೇವೆ

ಹೊಸ ಸೇರ್ಪಡೆ

ಬೌದ್ಧಿಕ ಶಕ್ತಿಯ ಮುಂದೆ ಭೌತಿಕ ವೈಕಲ್ಯ ನಗಣ್ಯ

ಬೌದ್ಧಿಕ ಶಕ್ತಿಯ ಮುಂದೆ ಭೌತಿಕ ವೈಕಲ್ಯ ನಗಣ್ಯ

ಮಮತಾ ಬ್ಯಾನರ್ಜಿ ಪ್ರಶ್ನೆ ಮಾಡಿದ್ದ ಯುಪಿಎ ಎಲ್ಲಿದೆ ಹೇಳಿಕೆಗೆ ಕಾಂಗ್ರೆಸ್‌ ಆಕ್ಷೇಪ

ಮಮತಾ ಬ್ಯಾನರ್ಜಿ ಪ್ರಶ್ನೆ ಮಾಡಿದ್ದ ಯುಪಿಎ ಎಲ್ಲಿದೆ ಹೇಳಿಕೆಗೆ ಕಾಂಗ್ರೆಸ್‌ ಆಕ್ಷೇಪ

ದಾಂಪತ್ಯಕ್ಕೆ ಕಾಲಿಟ್ಟ ಹಿರಿಯ ಪ್ರೇಮಿಗಳು

ದಾಂಪತ್ಯಕ್ಕೆ ಕಾಲಿಟ್ಟ ಹಿರಿಯ ಪ್ರೇಮಿಗಳು

ಜನತಂತ್ರದ ಉಳಿವಿಗೆ ಗಂಭೀರ ಚಿಂತನೆ ಅಗತ್ಯ

ಜನತಂತ್ರದ ಉಳಿವಿಗೆ ಗಂಭೀರ ಚಿಂತನೆ ಅಗತ್ಯ

ರಾಜ್ಯದಲ್ಲಿ ಕಾಂಗ್ರೆಸ್‌ ಜಾತ್ರೆ ಆರಂಭ: ಡಿ.ಕೆ.ಶಿವಕುಮಾರ್‌

ರಾಜ್ಯದಲ್ಲಿ ಕಾಂಗ್ರೆಸ್‌ ಜಾತ್ರೆ ಆರಂಭ: ಡಿ.ಕೆ.ಶಿವಕುಮಾರ್‌

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.