ಧನಂಜಯ್‌ ಈಗ “ಬಡವ ರಾಸ್ಕಲ್‌’

ಅಣ್ಣಾವ್ರ ಡೈಲಾಗ್‌ ಸಿನ್ಮಾ ಟೈಟಲ್‌ ಆಗೋಯ್ತು

Team Udayavani, Aug 20, 2019, 3:04 AM IST

“ಬಡವ ರಾಸ್ಕಲ್‌…’ ಈ ಡೈಲಾಗ್‌ ಕೇಳಿದವರಿಗೆ ಹಾಗೊಮ್ಮೆ ಡಾ.ರಾಜಕುಮಾರ್‌ ಅವರ ನೆನಪಾಗದೇ ಇರದು. ಯಾಕೆಂದರೆ, ಅವರು ತಮ್ಮ ಚಿತ್ರವೊಂದರಲ್ಲಿ ಬಳಸಿರುವ ಈ ಡೈಲಾಗ್‌ ಇಂದಿಗೂ ಗುನುಗುತ್ತಲೇ ಇದೆ. ಈಗಲೂ ಅಪಾರ ಅಭಿಮಾನಿಗಳಿಗಂತೂ ಈ ಡೈಲಾಗ್‌ ಅಂದರೆ ಎಲ್ಲಿಲ್ಲದ ಪ್ರೀತಿ. ಇಷ್ಟಕ್ಕೂ ಇಲ್ಲೇಕೆ “ಬಡವ ರಾಸ್ಕಲ್‌’ ಪದದ ಪ್ರಸ್ತಾಪ ಎಂಬ ಪ್ರಶ್ನೆ ಸಹಜವಾಗಿಯೇ ಎದುರಾಗುತ್ತೆ.

ಹೌದು, ಈಗ “ಬಡವ ರಾಸ್ಕಲ್‌’ ಹೆಸರಿನ ಚಿತ್ರವೊಂದು ಸೆಟ್ಟೇರಲು ಸಜ್ಜಾಗುತ್ತಿದೆ. ಇನ್ನು, ಈ ಚಿತ್ರದ ಹೀರೋ “ಡಾಲಿ’ ಧನಂಜಯ್‌. “ಟಗರು’ ನಂತರ “ಡಾಲಿ’ ಎಂದೇ ಹೆಸರಾದ ಧನಂಜಯ್‌, ಮೆಲ್ಲನೆ ಬಿಝಿಯಾಗುತ್ತಿದ್ದಾರೆ. ಅವರ ಸಿನಿಮಾ ಅಕೌಂಟ್‌ಗೆ “ಬಡವ ರಾಸ್ಕಲ್‌’ ಕೂಡ ಹೊಸ ಸೇರ್ಪಡೆ. ಇನ್ನು, ಈ ಚಿತ್ರಕ್ಕೆ ಶಂಕರ್‌ ನಿರ್ದೇಶಕರು. ಹಲವು ಚಿತ್ರಗಳಲ್ಲಿ ಸಹಾಯಕ ನಿರ್ದೇಶಕರಾಗಿ ಕೆಲಸ ಮಾಡಿದ ಅನುಭವ ಇರುವ ಶಂಕರ್‌ಗೆ ಇದು ಚೊಚ್ಚಲ ನಿರ್ದೇಶನದ ಚಿತ್ರ.

“ಬಡವ ರಾಸ್ಕಲ್‌’ ಇದೊಂದು ಹಾಸ್ಯ ಪ್ರಧಾನ ಚಿತ್ರ. ಇಲ್ಲಿ ಶೀರ್ಷಿಕೆ ನೋಡಿದವರಿಗೆ ಮಾಸ್‌ ಫೀಲ್‌ ಎನಿಸಬಹುದು. ಅದರೊಂದಿಗೆ ಇಲ್ಲಿ ಮನರಂಜನೆಗೆ ಹೆಚ್ಚು ಒತ್ತು ಕೊಟ್ಟಿದ್ದಾರೆ ನಿರ್ದೇಶಕರು. ಧನಂಜಯ್‌ ಚಿತ್ರದ ನಾಯಕರಾಗಿ ಕಾಣಿಸಿಕೊಂಡರೆ, ಅವರಿಗೆ ಅಮೃತಾ ಅಯ್ಯಂಗಾರ್‌ ಅವರು ನಾಯಕಿಯಾಗುತ್ತಿದ್ದಾರೆ. ಆಗಸ್ಟ್‌. 23 ರಂದು ಚಿತ್ರಕ್ಕೆ ಪೂಜೆ ನೆರವೇರಲಿದೆ. ಎಲ್ಲವೂ ಅಂದುಕೊಂಡಂತೆ ನಡೆದರೆ, ಸೆಪ್ಟೆಂಬರ್‌ನಲ್ಲಿ ಚಿತ್ರೀಕರಣಕ್ಕೆ ಚಿತ್ರತಂಡ ಹೊರಡಲಿದೆ.

ಸದ್ಯ “ಬಡವ ರಾಸ್ಕಲ್‌’ ಚಿತ್ರದ ಹೀರೋ ಆಗಿರುವ ಧನಂಜಯ್‌ ಅವರ ಅಭಿನಯದ “ಯುವರತ್ನ’,”ಪೊಗರು’,”ಸಲಗ’,”ಪಾಪ್‌ ಕಾನ್‌ ಮಂಕಿ ಟೈಗರ್‌’ ಹಾಗು “ಡಾಲಿ’ ಚಿತ್ರಗಳಲ್ಲಿ ಬಿಝಿಯಾಗಿದ್ದಾರೆ. ಈ ಚಿತ್ರಗಳ ಮೂಲಕ ಮತ್ತೊಮ್ಮೆ ಅಬ್ಬರಿಸಲು ಸಜ್ಜಾಗಿರುವ ಧನಂಜಯ್‌, ವಿಲನ್‌ ಆಗಿಯೂ, ಪೊಲೀಸ್‌ ಅಧಿಕಾರಿಯಾಗಿಯೂ ಕಾಣಿಸಿಕೊಳ್ಳುತ್ತಿದ್ದಾರೆ ಎಂಬುದು ವಿಶೇಷ. ಹಾಗಾದರೆ, ‘ಬಡವ ರಾಸ್ಕಲ್‌’ ಚಿತ್ರದ ಕಥೆ ಏನು, ಅವರು ಅದರಲ್ಲಿ ಯಾವ ಪಾತ್ರ ನಿರ್ವಹಿಸುತ್ತಿದ್ದಾರೆ ಎಂಬುದಕ್ಕೆ ಚಿತ್ರ ಬರುವವರೆಗೂ ಕಾಯಬೇಕು.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ

  • ಬೆಂಗಳೂರು: ರಾಜ್ಯ ಕಾಂಗ್ರೆಸ್‌ ಉಸ್ತುವಾರಿ ಕೆ.ಸಿ. ವೇಣುಗೋಪಾಲ್‌ ಕರೆದಿದ್ದ ಸಭೆಗೆ ಗೈರು ಹಾಜರಾಗುವ ಮೂಲಕ ಕಾಂಗ್ರೆಸ್‌ ಹಿರಿಯ ನಾಯಕರು ತಮ್ಮ ಅಸಮಾಧಾನವನ್ನು...

  • ಬೆಂಗಳೂರು: ಶಿರಾಡಿ ಘಾಟಿ ರಸ್ತೆ ಅಭಿವೃದ್ಧಿಗೆ 4 ಸಾವಿರ ಕೋಟಿ ರೂ. ಯೋಜನೆಯ ಪ್ರಸ್ತಾವನೆಯನ್ನು ಕೇಂದ್ರ ಸರಕಾರಕ್ಕೆ ಸಲ್ಲಿಸಲಾಗಿದ್ದು, ಕೇಂದ್ರದಿಂದ ಅನುಮೋದನೆ...

  • ಪುರಾಣದಲ್ಲಿ ಕಡುಕಷ್ಟ ಅನುಭವಿಸಿದ ಕೆಲವರ ಹೆಸರು ಚೆನ್ನಾಗಿದೆ ಎನಿಸಿದರೂ, ಅದನ್ನು ಮಗನಿಗೆ ಇಡುವುದು ಶೋಭೆಯಲ್ಲ ಅಂತ ಅನ್ನಿಸಿತು. ಕ್ಷ, ಶಿ, ಋ, ಕ್ರೂ, ಹ್ರಂ, ಹ್ರಿಂ...

  • ಪ್ರಜಾಪ್ರಭುತ್ವದಲ್ಲಿ ಪ್ರತಿಯೊಬ್ಬ ನಾಗರಿಕನು ಕಾನೂನಿನ ಅರಿವು ಹೊಂದಿರುವುದು ಅಗತ್ಯ. ಮಾನವ ಸಂಘಜೀವಿ ಆಗಿರುವವರೆಗೂ ಕಾನೂನು ಅಸ್ತಿತ್ವ ದಲ್ಲಿರುತ್ತದೆ....

  • ಅಡುಗೆಗೆ ಬಳಸುವ ಕಾಳು, ಹಿಟ್ಟು, ತಾಜಾ ತರಕಾರಿ, ಸೊಪ್ಪು, ಉಪ್ಪು, ಹಣ್ಣು... ಇವನ್ನೆಲ್ಲ ಇಡುವುದೇ ಪ್ಲಾಸ್ಟಿಕ್‌ಡಬ್ಬಿಗಳಲ್ಲಿ/ ಕವರ್‌ಗಳಲ್ಲಿ. ಹೀಗೆ ಮಾಡುವ ಮೂಲಕ,...