ಸೂರಿ ಪಾಪ್ಕಾರ್ನ್ ವಿಲನ್ ಯಾರು?
Team Udayavani, Sep 25, 2018, 11:13 AM IST
ಸೂರಿ ಹಾಗೂ ಶಿವರಾಜಕುಮಾರ್ ಕಾಂಬಿನೇಶನ್ನಲ್ಲಿ ಬಂದ “ಟಗರು’ ಚಿತ್ರ ದೊಡ್ಡ ಮಟ್ಟದಲ್ಲಿ ಹಿಟ್ ಆಗಿದ್ದು ನಿಮಗೆ ಗೊತ್ತೇ ಇದೆ. ಹಾಡು, ಚಿತ್ರದ ಸಂಭಾಷಣೆ ಎಲ್ಲವನ್ನು ಅಭಿಮಾನಿಗಳು ಇಷ್ಟಪಟ್ಟಿದ್ದರು. ಡಾಲಿ ಪಾತ್ರದ ಮೂಲಕ ಧನಂಜಯ್ಗೆ ಹೊಸ ಇಮೇಜ್ ಹಾಗೂ ಅವಕಾಶಗಳು ಕೂಡಾ ಸಿಕ್ಕವು. “ಟಗರು’ ಚಿತ್ರವನ್ನು ನಿರ್ಮಿಸಿದವರು ಕೆ.ಪಿ.ಶ್ರೀಕಾಂತ್. ಈಗ ಈ ಜೋಡಿ ಮತ್ತೆ ಒಂದಾಗಿದೆ.
ಶ್ರೀಕಾಂತ್, ಸೂರಿ ಹಾಗೂ ಧನಂಜಯ್ “ಪಾಪ್ಕಾರ್ನ್ ಮಂಕಿಟೈಗರ್’ ಚಿತ್ರದ ಮೂಲಕ ಒಂದಾಗಿರುವ ವಿಚಾರ ನಿಮಗೆ ಗೊತ್ತೇ. ಈಗಾಗಲೇ ಸದ್ದಿಲ್ಲದೇ ಚಿತ್ರೀಕರಣ ಕೂಡಾ ಆರಂಭವಾಗಿದೆ. ಧನಂಜಯ್, ನಿವೇದಿತಾ, ಅಮೃತಾ, ಸಪ್ತಮಿ ಸೇರಿದಂತೆ ಅನೇಕ ರಂಗಭೂಮಿ ಕಲಾವಿದರು ನಟಿಸುತ್ತಿದ್ದಾರೆ. ಕಳೆದ ಬಾರಿ “ಟಗರು’ ಚಿತ್ರದಲ್ಲಿ ಧನಂಜಯ್ ತಮ್ಮ ಡಾಲಿ ಪಾತ್ರದ ಮೂಲಕ ಶಿವರಾಜಕುಮಾರ್ ಎದುರು ಖಡಕ್ ವಿಲನ್ ಆಗಿ ಮಿಂಚಿದ್ದರು.
ಹಾಗಾದರೆ ಈ ಬಾರಿ ಧನಂಜಯ್ ಎದುರು ಯಾರು ವಿಲನ್ ಆಗಿ ಅಬ್ಬರಿಸುತ್ತಾರೆಂಬ ಕುತೂಹಲ ಅನೇಕರಲ್ಲಿದೆ. ಸೂರಿ ಈ ಬಾರಿಯೂ ಖಡಕ್ ವಿಲನ್ನನ್ನೆ ತಂದು ನಿಲ್ಲಿಸಲು ರೆಡಿಯಾಗಿದ್ದಾರೆ. ಈಗಾಗಲೇ ಅದಕ್ಕಾಗಿ ಹುಡುಕಾಟ ನಡೆದಿದೆ. ಜೊತೆಗೆ ಹೊಸ ಮ್ಯಾನರೀಸಂನೊಂದಿಗೆ ವಿಲನ್ನ ತೋರಿಸಲಿದ್ದಾರೆ. ಹಾಗಾದರೆ ವಿಲನ್ ಯಾರಾಗಬಹುದು ಎಂದು ಕೇಳಿದರೆ ಸದ್ಯಕ್ಕೆ ಉತ್ತರವಿಲ್ಲ. ಆದರೆ, ಈ ಬಾರಿಯೂ ವಿಲನ್ ಪಾತ್ರ ಮಜ ಕೊಡುವುದರಲ್ಲಿ ಎರಡು ಮಾತಿಲ್ಲ.
ಸೂರಿ ಈ ಬಾರಿಯೂ ತಮ್ಮ ಎಂದಿನ ಶೈಲಿಯಲ್ಲಿಯೇ ಚಿತ್ರೀಕರಣ ಮಾಡುತ್ತಿದ್ದಾರೆ. ನೈಜವಾಗಿ ಮೂಡಿಬರಬೇಕೆಂಬ ಉದ್ದೇಶದಿಂದ ಸೆಟ್ ಬದಲು ಸಣ್ಣ ಕೋಣೆ ಸೇರಿದಂತೆ ಇತರ ಜಾಗದಲ್ಲಿ ಚಿತ್ರೀಕರಣ ಮಾಡುತ್ತಿದ್ದಾರೆ. ಈಗಾಗಲೇ ಚಿತ್ರೀಕರಣ ನಡೆಯುತ್ತಿದ್ದು, ಬೆಂಗಳೂರು, ಗೋಕಾಕ್, ಮುಂಬೈ, ಶಿವಮೊಗ್ಗ ಸುತ್ತಮುತ್ತ ನಡೆಯಲಿದೆ. ಎರಡನೇ ಬಾರಿಗೆ ಹಿಟ್ ಕಾಂಬಿನೇಶನ್ ಒಂದಾಗಿರುವುದರಿಂದ ಈ ಸಿನಿಮಾ ಒಂದಷ್ಟು ನಿರೀಕ್ಷೆ ಇರುವುದು ಸುಳ್ಳಲ್ಲ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Bantwal: ಮತದಾನ ಮಾಡಿ ಮದುವೆ ಮುಹೂರ್ತಕ್ಕೆ ಅಣಿಯಾದ ನವವಧು
Election: ಮತದಾನ ಆರಂಭವಾದ 2 ಗಂಟೆಯಲ್ಲೇ ಉಡುಪಿ ಚಿಕ್ಕಮಗಳೂರು ಕ್ಷೇತ್ರದಲ್ಲಿ 12.82% ಮತದಾನ
Singapore ಏರ್ ಲೈನ್ಸ್ ಪೈಲಟ್ ನಂತೆ ಪೋಸ್ ಕೊಟ್ಟ ಉತ್ತರಪ್ರದೇಶ ಯುವಕನ ಬಂಧನ!
Lok Sabha 2ನೇ ಹಂತ; ದಾಖಲೆ ಸಂಖ್ಯೆಯಲ್ಲಿ ಭಾಗವಹಿಸಲು ಪ್ರಧಾನಿ ಮೋದಿ ಕನ್ನಡದಲ್ಲಿ ಮನವಿ
Mangaluru: ಕಪಿತಾನಿಯೋ ಮತದಾನ ಕೇಂದ್ರದ ಬಳಿ ಪೊಲೀಸರೊಂದಿಗೆ ಕಾರ್ಯಕರ್ತರ ಘರ್ಷಣೆ…