ಮೂಡುಬೆಳ್ಳೆ : ಮೊಬೈಲ್ ಅಂಗಡಿ ಕಳವು ತಂಡದ ಬಂಧನ
Team Udayavani, Jul 2, 2017, 3:45 AM IST
ಶಿರ್ವ: ಮೂಡುಬೆಳ್ಳೆಯ ಮೊಬೈಲ್ ಅಂಗಡಿಯಿಂದ ಜೂ.14 ರ ರಾತ್ರಿ ಮೊಬೈಲ್ಗಳನ್ನು ಕಳವುಗೈದ ಕಳ್ಳರ ತಂಡವನ್ನು ಬಂಧಿಸುವಲ್ಲಿ ಶಿರ್ವ ಪೋಲೀಸರು ಯಶಸ್ವಿಯಾಗಿದ್ದಾರೆ.
ಮೂಡುಬೆಳ್ಳೆಯ ಅನನ್ಯ ಸೇಲ್ಸ್ ಕೇರ್ ಶಾಪ್ನ ಕಿಟಿಕಿಯ ಬಾಗಿಲಿಗೆ ಅಳವಡಿಸಿದ ಗ್ಲಾಸ್ನ್ನು ಒಡೆದು ಕಿಟಿಕಿಯ ಒಳಗಿನಿಂದ ಕೈ ಹಾಕಿ ಅಂಗಡಿಯ ಸೆಲ್ಪ್ನಲ್ಲಿ ದ್ದ ವಿವಿಧ ಕಂಪೆನಿಯ 6 ಮೊಬೈಲ್ಗಳನ್ನು ಕಳವು ಮಾಡಿದ್ದರು. ಆರೋಪಿಗಳಲ್ಲಿ ಸ್ವರೂಪ್ ಮತ್ರು¤ ರಮೇಶ್ ಕುಲಾಲ್ ಎಂಬವರನ್ನು ಮೂಡುಬೆಳ್ಳೆಯ ನೆಲ್ಲಿಕಟ್ಟೆಯಿಂದ ಬಂಧಿಸಲಾಗಿದ್ದು ಅವರು ನೀಡಿದ ಮಾಹಿತಿಯಂತೆ ಐದು ಮಂದಿ ಅಪ್ರಾಪ್ತ ಆರೋಪಿಗಳನ್ನು ಕಪ್ಪಂದಕರಿಯದ ಕುಕ್ಕುದಕಟ್ಟೆಯಿಂದ ಬಂಧಿಸಲಾಗಿದೆ. ಬಂಧಿತರಿಂದ 3 ಬೈಕ್ ಮತ್ತು ಕಳವುಗೈದ ಮೊಬೈಲ್, ಚಾರ್ಜರ್ ಮತ್ತು ಪವರ್ ಬ್ಯಾಂಕ್ಗಳನ್ನು ವಶಪಡಿಸಿಕೊಳ್ಳಲಾಗಿದೆ.
ಇಬ್ಬರು ಆರೋಪಿಗಳನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿದ್ದು ಓರ್ವನಿಗೆ ಜಾಮೀನು ದೊರೆತಿದೆ,ಇನೋ°ರ್ವನಿಗೆ ನ್ಯಾಯಾಂಗ ಬಂಧನ ವಿಧಿಸಲಾಗಿದೆ. ಅಪ್ರಾಪ್ತರನ್ನು ಬಾಲನ್ಯಾಯ ಮಂಡಳಿಗೆ ಒಪ್ಪಿಸಿದ್ದು ಜಾಮೀನಿನಲ್ಲಿ ಬಿಡುಗಡೆ ಮಾಡಲಾಗಿದೆ.