Udayavni Special

ತೈಲ ಬೆಲೆ, ಹಣದುಬ್ಬರ ಮತ್ತು ಆರ್ಥಿಕತೆ


Team Udayavani, Mar 3, 2021, 6:35 AM IST

ತೈಲ ಬೆಲೆ, ಹಣದುಬ್ಬರ ಮತ್ತು ಆರ್ಥಿಕತೆ

2021 ರ ಜನವರಿಯಲ್ಲಿ ಉತ್ಪಾದಿತ ವಸ್ತುಗಳ ಹಣದುಬ್ಬರ ಶೇ. 5.13 ಕ್ಕೆ ತಲುಪಿದೆ. ಎಲ್ಲ ಅಗತ್ಯ ವಸ್ತುಗಳ ಬೆಲೆಯೂ ತೈಲ ಬೆಲೆಯನ್ನು ಅವಲಂಬಿಸಿರುತ್ತದೆ. ತೈಲಬೆಲೆ ದುಬಾರಿಯಾಗುತ್ತಲೇ ಸಾಗಿರುವುದರಿಂದ ಮುಂದಿನ ದಿನಗಳಲ್ಲಿ ಮತ್ತೆ ಹಣದುಬ್ಬರ ಜಾಸ್ತಿಯಾಗುವ ಸಾಧ್ಯತೆ ಇದೆ. ಗ್ರಾಹಕರಿಗೆ ಪೆಟ್ರೋಲ್‌, ಡೀಸೆಲ್‌ ಮತ್ತು ಅಡುಗೆ ಅನಿಲವನ್ನು ಯೋಗ್ಯ ಬೆಲೆಯಲ್ಲಿ ಒದಗಿಸುವ ನಿಟ್ಟಿನಲ್ಲಿ ಕೇಂದ್ರ ಮತ್ತು ರಾಜ್ಯ ಸರಕಾರಗಳು ಪರಸ್ಪರ ಚರ್ಚಿಸಿ ಒಮ್ಮತದ ಅಭಿಪ್ರಾಯಕ್ಕೆ ಬರಬೇಕಾದ ತುರ್ತು ಅನಿವಾರ್ಯತೆ ಇದೆ.

ಹಣದುಬ್ಬರ ಆಧುನಿಕ ಅರ್ಥಶಾಸ್ತ್ರದ ಕೇಂದ್ರಬಿಂದುವಾ ಗಿದ್ದು ಇದೀಗ ವಿಶ್ವವ್ಯಾಪಿ ವಿದ್ಯಮಾನವಾಗಿದೆ. ಸಾಮಾನ್ಯ ಭಾಷೆಯಲ್ಲಿ ಹಣದುಬ್ಬರ ಎಂದರೆ ಸರಕು ಸಾಮಗ್ರಿಗಳ ಬೆಲೆಗಳು ನಿರಂತರವಾಗಿ ಏರುವ ಪ್ರಕ್ರಿಯೆ. ಹಣ ತನ್ನ ಮೌಲ್ಯವನ್ನು ಕಳೆದುಕೊಳ್ಳುವ ಸನ್ನಿವೇಶವೇ ಹಣದುಬ್ಬರ. ಆರ್ಥಿಕತೆಯಲ್ಲಿ ವೆಚ್ಚ ಹೆಚ್ಚಳವಾದಾಗ ಬೆಲೆ ಏರಿಕೆಯಾಗುತ್ತದೆ. ಬೇಡಿಕೆಗೆ ತಕ್ಕಂತೆ ಉತ್ಪಾದನೆ ಮತ್ತು ಪೂರೈಕೆ ಇದ್ದರೂ ಬೆಲೆ ಏರುತ್ತದೆ. ಸರಕುಗಳ ಬೇಡಿಕೆ ಪೂರೈಕೆಗಿಂತ ಅಧಿಕವಿದ್ದಾಗ ಹಣದುಬ್ಬರ ಸಂಭವಿಸುತ್ತದೆ. ಪ್ರಚಲಿತ ವಿದ್ಯಮಾನವನ್ನು ಅವಲೋಕಿಸುವಾಗ ಸಗಟು ಮತ್ತು ರಿಟೇಲ್‌ ಹಣದುಬ್ಬರ ಮುಂಬರುವ ದಿನಗಳಲ್ಲಿ ಮತ್ತಷ್ಟು ಏರಿಕೆಯಾಗಬಹುದು.

ಪ್ರಸಕ್ತ ಹಣದುಬ್ಬರಕ್ಕೆ ಪ್ರಮುಖ ಕಾರಣ ಅಂತಾ ರಾಷ್ಟ್ರೀಯ ಮಟ್ಟದಲ್ಲಿ ಕಚ್ಚಾ ತೈಲ ಬೆಲೆ ಕಳೆದ ಆರೇಳು ವಾರಗಳಿಂದ ಏರುತ್ತಿರುವುದು. ಸರಕಾರಿ ಸ್ವಾಮ್ಯದ ತೈಲ ಮಾರಾಟ ಕಂಪೆನಿಗಳು ನಿರಂತರವಾಗಿ ತೈಲ ಬೆಲೆಯನ್ನು ಹೆಚ್ಚಿಸಿವೆ. ತೈಲ ಬೆಲೆ ಏರಿಕೆ ಕೇವಲ ಆರ್ಥಿಕತೆಗೆ ಮಾತ್ರವಲ್ಲದೆ ಜನಸಾಮಾನ್ಯರ ಜೀವನಕ್ಕೂ ಕೊಡಲಿಯೇಟೇ ಸರಿ. ಸರಕಾರ ಇದನ್ನು ಸುಂಕಗಳ ಸಮತೋಲನದಿಂದ ಸರಿದೂಗಿಸಬೇಕು. ಕಚ್ಚಾತೈಲ ಮತ್ತು ನೈಸರ್ಗಿಕ ಅನಿಲ ಬೆಲೆ ಜನವರಿಯಿಂದ ಶೇ. 9.48 ರಷ್ಟು ಏರಿಕೆಯಾಗಿದೆ. ಸದ್ಯ ಜನಸಾಮಾನ್ಯರ ದೈನಂದಿನ ವಹಿವಾಟು ಚುರುಕುಗೊಳ್ಳಬೇಕಾದರೆ ತೈಲ ಬೆಲೆ ಇಳಿಕೆ ಕಾಣಬೇಕು ಇಲ್ಲವಾದಲ್ಲಿ ಜನಜೀವನ ದುಸ್ತರವಾಗಲಿದೆ. ಕಚ್ಚಾತೈಲ ಬೆಲೆಯಲ್ಲಿನ ಹೆಚ್ಚಳ ಮತ್ತು ಅವುಗಳ ಮೇಲಿನ ಕೇಂದ್ರ ಮತ್ತು ರಾಜ್ಯ ಸರಕಾರಗಳ ಪರೋಕ್ಷ ತೆರಿಗೆಯ ಹೊರೆಯಿಂದಾಗಿ ಪೆಟ್ರೋಲಿಯಂ ಉತ್ಪನ್ನಗಳ ಬೆಲೆ ಗಗನಕ್ಕೇರಿದೆ ಮತ್ತು ಚಾರಿತ್ರಿಕ ಉನ್ನತ ಮಟ್ಟದಲ್ಲಿದೆ. ತೈಲಬೆಲೆಯನ್ನು ನ್ಯಾಯ ಸಮ್ಮತ ದರಕ್ಕೆ ಇಳಿಸುವ ಬಗ್ಗೆ ಕೇಂದ್ರ ಮತ್ತು ರಾಜ್ಯ ಸರಕಾರಗಳು ಮಾರ್ಗೋಪಾಯ ಹುಡುಕಬೇಕು. ಇಂಧನ ಬೆಲೆಯೇರಿಕೆ ಅಂತಾರಾಷ್ಟ್ರೀಯ ವಿದ್ಯಮಾನಗಳಿಗೆ ಸಂಬಂಧಪಟ್ಟರೂ ಸರಕಾರಗಳು ತಮ್ಮ ಸೀಮಿತ ಅಧಿಕಾರ ವ್ಯಾಪ್ತಿಯಲ್ಲಿ ಅಗತ್ಯ ಕ್ರಮ ಕೈಗೊಳ್ಳಬೇಕು.

ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್‌ ಅವರು ಏರುತ್ತಿರುವ ತೈಲ ಬೆಲೆ ತನ್ನ ಪಾಲಿಗೆ ಧರ್ಮ ಸಂಕಟ ತಂದೊಡ್ಡಿದೆ ಎಂದು ಹೇಳಿರುವುದು, ತೈಲೋತ್ಪಾದಕ ದೇಶಗಳು ಉತ್ಪಾದನೆ ಕುಸಿಯುತ್ತಿರುವ ಸೂಚನೆಯಿತ್ತಿರುವುದು ಸರಕಾರ, ಸಾಮಾನ್ಯ ಜನಜೀವನ ಮತ್ತು ಹಣದುಬ್ಬರದ ಮೇಲೆ ಮತ್ತಷ್ಟು ಪರಿಣಾಮ ಬೀರಲಿದೆ ಎಂಬ ಸಂಕೇತವನ್ನು ನೀಡಿವೆ. ಪೆಟ್ರೋಲ್‌, ಡೀಸೆಲ್‌ ಬೆಲೆ ಹೆಚ್ಚಳವನ್ನು ಹಿನ್ನಲೆಯಾಗಿಟ್ಟುಕೊಂಡು ನೋಡಿದಾಗ ಮುಂದಿನ ದಿನಗಳಲ್ಲಿಯೂ ಇದೇ ಸ್ಥಿತಿ ಮುಂದುವರಿದಲ್ಲಿ ಅಗತ್ಯ ವಸ್ತುಗಳ ಬೆಲೆಗಳಲ್ಲಿಯೂ ಹೆಚ್ಚಳವಾಗುವುದು ನಿಶ್ಚಿತ. ಕಚ್ಚಾ ಸಾಮಗ್ರಿಗಳು ತುಟ್ಟಿಯಾಗಿರುವುದರಿಂದ ಉತ್ಪಾದಿತ ವಸ್ತುಗಳ ಬೆಲೆಯೂ ಏರಲು ಕಾರಣವಾಗಿದೆ. ಮುಂದಿನ ದಿನಗಳಲ್ಲಿ ಆಹಾರ ವಸ್ತುಗಳ ಬೆಲೆಯೂ ತುಟ್ಟಿಯಾಗುವ ಸಂಭವವಿದೆ.
ಹಣದುಬ್ಬರವನ್ನು ನಿಯಂತ್ರಿಸುವಲ್ಲಿ ಆರ್‌ಬಿಐ ಮಹತ್ತರ ಪಾತ್ರ ವಹಿಸುತ್ತದೆ. ಬಡ್ಡಿದರ ಏರಿಕೆಯಿಂದ ಸಾಧ್ಯವಾದರೂ ಅದು ಸಂಪೂರ್ಣವಾಗಿ ಅಲ್ಲ. ಬಡ್ಡಿದರ ಏರಿಕೆಯಾದಾಗ ಬೇಡಿಕೆಯೂ ಕಡಿಮೆಯಾಗಿ ಬೆಲೆಗಳು ಇಳಿಯುತ್ತವೆ. ಆದರೆ ಆರ್ಥಿಕಾಭಿವೃದ್ಧಿಗೆ ಬೇಡಿಕೆಯೇ ಮಹತ್ವಪೂರ್ಣವಾಗಿದೆ. ಹಣದುಬ್ಬರ ಕಡಿಮೆಯಾಗುತ್ತದೆ ಎಂದು ಬಡ್ಡಿದರಗಳನ್ನು ಏರಿಸುವುದು ಕಷ್ಟ. ಬಡ್ಡಿದರ ಹೆಚ್ಚಳವಾದರೆ ಹೂಡಿಕೆ, ಖರ್ಚು ವೆಚ್ಚಗಳು ಬಲವಂತವಾಗಿ ಇಳಿಯುತ್ತವೆಯೇ ಹೊರತು ಜನರ ಅಪೇಕ್ಷೆಗಳು ಅದೊಂದರಿಂದಲೇ ಕಡಿಮೆಯಾಗುವುದಿಲ್ಲ. ಅದಲ್ಲದೆ ಹಣದುಬ್ಬರ ದೀರ್ಘ‌ಕಾಲ ಋಣಾತ್ಮಕವಾಗಿ ಮುಂದುವರಿದರೂ ಆರ್ಥಿಕ ಬೆಳವಣಿಗೆ ಕುಗ್ಗುತ್ತದೆ. ದೇಶಕ್ಕೆ ಆರ್ಥಿಕ ಬೆಳವಣಿಗೆಯೂ ಪ್ರಮುಖ. ಜತೆಯಲ್ಲಿ ದೇಶದ ಆರ್ಥಿಕ ಪ್ರಗತಿಯನ್ನು ಪೋಷಿಸಲು ಹಣದುಬ್ಬರದ ನಿಯಂತ್ರಣವೂ ಮುಖ್ಯ. ವೇತನ ಕಡಿತ, ವೆಚ್ಚ ಇಳಿಕೆಯ ತಂತ್ರಗಾರಿಕೆಗಳಿಂದ ಹಣದುಬ್ಬರವನ್ನು ನಿಯಂತ್ರಿಸಬಹುದಾದರೂ ಇದರಿಂದ ಉದ್ಯೋಗ ನಷ್ಟ, ಆರ್ಥಿಕ ಹಿಂಜರಿತದ ತೀವ್ರ ಪರಿಣಾಮಗಳು ಎದುರಾ ಗುತ್ತವೆ. ಈಗಿನ ಟ್ರೆಂಡ್‌ನ್ನು ಗಮನಿಸಿದರೆ 2021-22ರಲ್ಲಿ ಹಣದುಬ್ಬರ ಶೇ. 4.75 ರಿಂದ ಶೇ. 5.75ಕ್ಕೆ ಏರಿಕೆಯಾಗುವ ಸಂಭವವಿದೆ. ಕೊರೊನೋತ್ತರದಲ್ಲಿ ದೇಶದ ಆರ್ಥಿಕ ಬೆಳವಣಿಗೆಯ ವೇಗವನ್ನು ಹೆಚ್ಚಿಸಲು ಹಣದುಬ್ಬರದಲ್ಲಿ ಸ್ಥಿರತೆ ಕಾಯ್ದುಕೊಳ್ಳುವುದರಿಂದ ಹೂಡಿಕೆದಾರರ ವಿಶ್ವಾಸ ವೃದ್ಧಿಯಾಗುತ್ತದೆ. ಇದು ಇಂದಿನ ಆದ್ಯತೆ.

ಚೇತರಿಕೆಯತ್ತ ಆರ್ಥಿಕತೆ
2020-21ರ ಆರ್ಥಿಕ ವರ್ಷದಲ್ಲಿ ಕೃಷಿ ಶೇ. 3.4 ಬೆಳವಣಿಗೆ ಕಂಡರೆ ಕೈಗಾರಿಕೆ ಶೇ. 9.6 ರಷ್ಟು ಮತ್ತು ಸೇವಾವಲಯ ಶೇ. 8.8ರಷ್ಟು ಕುಸಿತ ಕಂಡಿವೆ. 2020-21 ರ ಜಿಡಿಪಿಯು ಶೇ. 7.7 ರಷ್ಟು ಕುಸಿಯಲಿದೆ. ಕೊರೊನಾದಿಂದಾಗಿ ತತ್ತರಿಸಿದ ಆರ್ಥಿಕತೆ “ವಿ’ ಆಕಾರದ ಸ್ವರೂಪದಲ್ಲಿ ಚೇತರಿಸಿಕೊಳ್ಳುತ್ತಿದೆ. ಮೊದಲ ತ್ರೆçಮಾಸಿಕದ ದೇಶದ ಜಿಡಿಪಿ ಶೇ. (23.9) ಕುಸಿತ ಕಂಡರೂ ತದನಂತರದ ತ್ರೆçಮಾಸಿಕದಲ್ಲಿ ಶೇ. (-) 7.5 ಕ್ಕೆ ಕುಸಿಯಿತು. ಬೇಡಿಕೆ ಮತ್ತು ಪೂರೈಕೆಗಳೆರಡರಲ್ಲೂ ನಕಾರಾತ್ಮಕ ಬೆಳವಣಿಗೆ ಸೃಷ್ಟಿಯಾಗಿರುವುದೇ ಇದಕ್ಕೆ ಕಾರಣ. ಐಎಂಎಫ್ ವರದಿಯನ್ವಯ 2021-2022 ರಲ್ಲಿ ಜಗತ್ತಿನ ಅತ್ಯಂತ ತ್ವರಿತವಾಗಿ ಶೇ. 11.5 ರಷ್ಟು ಬೆಳವಣಿಗೆ ಸಾಧಿಸಲಿರುವ ರಾಷ್ಟ್ರವಾಗಿ ಹೊರಹೊಮ್ಮಲಿದೆ ಹಾಗೂ ಸ್ವಾತಂತ್ರಾéನಂತರದ ಗರಿಷ್ಠ ಜಿಡಿಪಿ ಬೆಳವಣಿಗೆಯಾಗಿ ದಾಖಲೆಯಾಗಲಿದೆ ಎಂದು ಅಂದಾಜಿಸಲಾಗಿದೆ.

ಭಾರತದಲ್ಲಿ ಆರ್ಥಿಕ ಬೆಳವಣಿಗೆ ಅಸಮಾನತೆಗಿಂತ ಬಡತನ ನಿವಾರಣೆ ಮೇಲೆ ಹೆಚ್ಚು ಪರಿಣಾಮ ಬೀರಬೇಕು. ಆರ್ಥಿಕ ಸುಧಾರಣೆ ಎಂಬುದು ಹಣಕಾಸು ವಿಸ್ತರಣೆ, ಅಭಿವೃದ್ಧಿ ಹೊಂದುತ್ತಿರುವ ಆರ್ಥಿಕತೆಯಲ್ಲಿ ಮರು
ಹಂಚಿಕೆ ಸಾಧ್ಯವಾದಾಗ ಮಾತ್ರ ಸಾಧ್ಯ.

– ಚೇರ್ಕಾಡಿ ಸಚ್ಚಿದಾನಂದ ಶೆಟ್ಟಿ

ಟಾಪ್ ನ್ಯೂಸ್

ಲಾಕ್‌ಡೌನ್‌ನಲ್ಲಿ ಲಂಡನ್‌ ಲೈಫ್

ಲಾಕ್‌ಡೌನ್‌ನಲ್ಲಿ ಲಂಡನ್‌ ಲೈಫ್

ರಾಹುಲ್ ಗಾಂಧಿ ಸಿಂಹವೋ, ನರಿಯೋ, ಇಲಿಯೋ ಎಂದು ಉಪಚುನಾವಣೆ ಬಳಿಕ ತಿಳಿಯಲಿದೆ: ಈಶ್ವರಪ್ಪ

ರಾಹುಲ್ ಗಾಂಧಿ ಸಿಂಹವೋ, ನರಿಯೋ, ಇಲಿಯೋ ಎಂದು ಉಪಚುನಾವಣೆ ಬಳಿಕ ತಿಳಿಯಲಿದೆ: ಈಶ್ವರಪ್ಪ

A great relief for students, parents: Kejriwal on board exams being cancelled/postponed

ಸಿ ಬಿ ಎಸ್ ಇ ಪರೀಕ್ಷೆಗಳನ್ನು ರದ್ದುಗೊಳಿಸಿದ್ದು/ಮುಂದೂಡಿದ್ದು ಸ್ವಾಗತಾರ್ಹ : ಕೇಜ್ರಿವಾಲ್

ಆರು ವರ್ಷಗಳ ಬಳಿಕ ಪುತ್ತೂರು ಮಹಾಲಿಂಗೇಶ್ವರ ಮತ್ತು ವೆಂಕಟರಮಣ ದೇವರ ಮುಖಾಮುಖಿ..!

ಅಪರೂಪದ ಕ್ಷಣಕ್ಕೆ ಸಾಕ್ಷಿಯಾದ ಪುತ್ತೂರು: ಮಹಾಲಿಂಗೇಶ್ವರ ಮತ್ತು ವೆಂಕಟರಮಣ ದೇವರ ಮುಖಾಮುಖಿ.!

sathish jagadish shettar

ಜಗದೀಶ್ ಶೆಟ್ಟರ್ ಗೆ ಮಾತನಾಡುವುದು ಬಿಟ್ಟರೆ ಬೇರೆ ಏನೂ ಗೊತ್ತಿಲ್ಲ: ಸತೀಶ್ ಜಾರಕಿಹೊಳಿ

fdfgd

breaking news : CBSE 10th ಪರೀಕ್ಷೆ ರದ್ದು, 12th ಪರೀಕ್ಷೆ ಮುಂದೂಡಿಕೆ

ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಗೆ ಕೋವಿಡ್ ಪಾಸಿಟಿವ್

ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಗೆ ಕೋವಿಡ್ ಪಾಸಿಟಿವ್








ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ಲಾಕ್‌ಡೌನ್‌ನಲ್ಲಿ ಲಂಡನ್‌ ಲೈಫ್

ಲಾಕ್‌ಡೌನ್‌ನಲ್ಲಿ ಲಂಡನ್‌ ಲೈಫ್

ಭ್ರಷ್ಟಾಚಾರದ ವಿರುದ್ಧ ಸಮರ ಅಸಹಾಯಕ ಹೆಣ್ಣಿನ ಚಿತ್ರ ಸಾರ ಆ್ಯಕ್ಟ್ 1978

ಭ್ರಷ್ಟಾಚಾರದ ವಿರುದ್ಧ ಸಮರ ಅಸಹಾಯಕ ಹೆಣ್ಣಿನ ಚಿತ್ರ ಸಾರ ಆ್ಯಕ್ಟ್ 1978

ಹಂಬಲ ಫ‌ಲಿಸಿತು

ಹಂಬಲ ಫ‌ಲಿಸಿತು

ಲಾಕ್‌ಡೌನ್‌ನಲ್ಲಿ ಅರಳಿದ ಡಾರ್ಬಿ ಯುಕೆ ಕನ್ನಡ ಪ್ರತಿಭೆಗಳು

ಲಾಕ್‌ಡೌನ್‌ನಲ್ಲಿ ಅರಳಿದ ಡಾರ್ಬಿ ಯುಕೆ ಕನ್ನಡ ಪ್ರತಿಭೆಗಳು

ಆಹಾರ ಕದ್ದುಸಿಕ್ಕಿ ಬಿದ್ದ ಚಿಂಟು

ಆಹಾರ ಕದ್ದುಸಿಕ್ಕಿ ಬಿದ್ದ ಚಿಂಟು

MUST WATCH

udayavani youtube

ಮಸ್ಕಿಯಲ್ಲಿ ಪ್ರತಾಪ್‌ ಗೌಡ ಪರ ಖ್ಯಾತ SINGER MANGLI

udayavani youtube

ಹೊಸ ಕೈಗಾರಿಕಾ ನೀತಿ 2020-2025, ಬಗ್ಗೆ ಮಾಹಿತಿ ಇಲ್ಲಿದೆ!

udayavani youtube

ಕುರಿಗಾಹಿಯ ಲವ್ ಸ್ಟೋರಿ ಕೊಲೆಯಲ್ಲಿ ಕೊನೆ| CRIME FILE | Udayavani

udayavani youtube

News bulletin 13- 04-2021 | UDAYAVANI

udayavani youtube

ಮಂಗಳೂರಿನಲ್ಲಿ ಇಳಿಯಬೇಕಿದ್ದ ವಿಮಾನ ಕೊಚ್ಚಿಯಲ್ಲಿ ಲ್ಯಾಂಡ್: ಪರದಾಡಿದ ಪ್ರಯಾಣಿಕರು

ಹೊಸ ಸೇರ್ಪಡೆ

Untitled-4

ಬಿಜೆಪಿ ಬಲವರ್ಧನೆಗೆ ಎಲ್ಲರೂ ಶ್ರಮಿಸಿ

ಲಾಕ್‌ಡೌನ್‌ನಲ್ಲಿ ಲಂಡನ್‌ ಲೈಫ್

ಲಾಕ್‌ಡೌನ್‌ನಲ್ಲಿ ಲಂಡನ್‌ ಲೈಫ್

60 ವರ್ಷ ದೇಶ ಆಳಿ ಅಧೋಗತಿಗೆ ತಂದ ಕಾಂಗ್ರೆಸ್‌

60 ವರ್ಷ ದೇಶ ಆಳಿ ಅಧೋಗತಿಗೆ ತಂದ ಕಾಂಗ್ರೆಸ್‌

ಬನಹಟ್ಟಿ; ಮಿನಿ ಕಂಟೈನ್ಮೆಂಟ್‌ ಝೋನ್‌

ಬನಹಟ್ಟಿ; ಮಿನಿ ಕಂಟೈನ್ಮೆಂಟ್‌ ಝೋನ್‌

ವರ್ಗಾವಣೆ-ವಜಾ ನಿರ್ಧಾರ ಕೈಬಿಡಿ

ವರ್ಗಾವಣೆ-ವಜಾ ನಿರ್ಧಾರ ಕೈಬಿಡಿ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.