ಮಿಲಾಗ್ರಿಸ್‌ ಬಳಿ ಅಪಾಯಕಾರಿ ಮ್ಯಾನ್‌ಹೋಲ್‌

Team Udayavani, Feb 26, 2021, 5:45 AM IST

ಮಹಾನಗರ: ನಗರದ ಹಲವಾರು ಕಡೆ ಗಳಲ್ಲಿ ಮ್ಯಾನ್‌ಹೋಲ್‌ ಅವಾಂತರದಿಂದ ಅವಘಡ ಉಂಟಾಗುವ ಸಾಧ್ಯ ತೆ ಇದ್ದು, ಅದಕ್ಕೂ ಮುನ್ನ ಸ್ಥಳೀಯಾಡಳಿತ ಎಚ್ಚೆತ್ತುಕೊಳ್ಳಬೇಕಿದೆ.

ನಗರದ ಮಿಲಾಗ್ರಿಸ್‌ ಕ್ರಾಸ್‌ ರಸ್ತೆಯಲ್ಲಿ ಮ್ಯಾನ್‌ಹೋಲ್‌ಗೆ ಅಳವಡಿಸಲಾದ ಮುಚ್ಚಳ ತುಂಡಾಗಿದ್ದು, ವಾಹನಗಳು ಅಪಘಾತ ಉಂಟಾಗುವ ಸಾಧ್ಯತೆ ಇದೆ. ಹಂಪನಕಟ್ಟೆ ಭಾಗದಲ್ಲಿ ಕೆಲ ತಿಂಗಳಿನಿಂದ ವಿವಿಧ ಕಾಮಗಾರಿಗಳು ಸಾಗುತ್ತಿದ್ದು, ಮಿಲಾಗ್ರಿಸ್‌ ಕ್ರಾಸ್‌ ರಸ್ತೆಗೆ ಸಂಪೂರ್ಣ ಕಾಂಕ್ರೀಟ್‌ ಕಾಮಗಾರಿ ಮಾಡಲಾಗಿತ್ತು.

ಈ ವೇಳೆ ಮ್ಯಾನ್‌ಹೋಲ್‌ಗೆ ಹಾನಿ ಉಂಟಾಗಿ ಅದರ ಮುಚ್ಚಳ ತುಂಡಾಗಿದೆ. ಸ್ಥಳೀಯ ಮನಪಾ ಸದಸ್ಯ ವಿನಯರಾಜ್‌ ಅವರು ಈ ಬಗ್ಗೆ ಪ್ರತಿಕ್ರಿಯಿಸಿ, “ಸ್ಮಾರ್ಟ್‌ಸಿಟಿ ಕಾಮಗಾರಿ ವೇಳೆ ಮ್ಯಾನ್‌ಹೋಲ್‌ ರಸ್ತೆಯ ಮೇಲ್ಭಾಗ ಬಂದಿದ್ದು, ಅದರಲ್ಲಿ ವಾಹನಗಳು ಸಂಚರಿಸಿ ಮುಚ್ಚಳ ಒಡೆದಿದೆ. ಈ ಕುರಿತು ಸಂಬಂಧಪಟ್ಟ ಇಲಾಖೆಗೆ ಮಾಹಿತಿ ನೀಡಲಾಗಿದೆ’ ಎನ್ನುತ್ತಾರೆ.