ನವದಂಪತಿಯೊಂದಿಗೆ ಸಪ್ತಪದಿ ತುಳಿದ ನಾಯಿ!
Team Udayavani, Feb 26, 2017, 9:12 AM IST
ಸಾಕು ನಾಯಿ ತನ್ನ ಒಡತಿಯನ್ನು ಮದುವೆ ವೇಳೆಯೂ ಬೆಂಬಿಡದೆ ಆಕೆಯೊಂದಿಗೆ ಸೇರಿ ಸಪ್ತಪದಿ ತುಳಿದು ಮದುವೆಯಲ್ಲಿ ಸೇರಿದ್ದ ಅತಿಥಿಗಳನ್ನು ಆಶ್ವರ್ಯಚಕಿತರನ್ನಾಗಿಸಿದೆ! ದೆಹಲಿ ಮೂಲದ ಮನ್ಸಿ ಖನ್ನಾ ಇತ್ತೀಚೆಗಷ್ಟೇ ನಗರದ ಹೋಟೆಲ್ವೊಂದರಲ್ಲಿ ಮದುವೆಯಾಗಿದ್ದಾರೆ. ಈ ಸಮಾರಂಭದಲ್ಲಿ ಆಕೆಯ ಸಾಕು ನಾಯಿ ಸುಲ್ತಾನ್ ಕೂಡ ಖನ್ನಾ ಅವರಂತೆ ಸೀರೆ, ಆಭರಣಗಳನ್ನು ತೊಟ್ಟು ಅತಿಥಿಗಳನ್ನು ಸ್ವಾಗತಿಸಿದೆ.
ವೇದಿಕೆ ಮೇಲೇರಿ ಫೋಟೋಗೆ ಫೋಸ್ ನೀಡಿದೆ. ಕೊನೆಗೆ ಖನ್ನಾ ಸಪ್ತಪದಿ ತುಳಿಯುವಾಗ ಸುಲ್ತಾನ್ ಕೂಡ ಅವರೊಂದಿಗೆ ಸೇರಿ ಏಳು ಹೆಜ್ಜೆ ಹಾಕಿದ್ದಾನೆ. ಈ ದೃಶ್ಯಗಳು ಈಗ ವೈರಲ್ ಆಗಿದ್ದು, 2 ದಿನಕ್ಕೆ 1 ಲಕ್ಷಕ್ಕೂ ಹೆಚ್ಚು ಜನ ವೀಕ್ಷಿಸಿದ್ದಾರೆ