ವಿಮಾನ ಹತ್ತಲೆಂದು ಅದರ ಹಿಂದೆ ಓಡಿದ ಮಹಿಳೆ
Team Udayavani, Nov 22, 2018, 4:28 AM IST
ನಿಗದಿತ ಸಮಯಕ್ಕೆ ರೈಲು ಅಥವಾ ಬಸ್ ನಿಲ್ದಾಣಕ್ಕೆ ತಲುಪದೇ, ಕೆಲವೇ ಸೆಕೆಂಡುಗಳಲ್ಲಿ ರೈಲು, ಬಸ್ ಮಿಸ್ ಮಾಡಿಕೊಂಡು ಅದರ ಹಿಂದೆ ಓಡಿ ಹತ್ತುವ ಅಥವಾ ವಿಫಲ ಪ್ರಯತ್ನ ಮಾಡುವವರನ್ನು ನಾವು ನೋಡುತ್ತಲೇ ಇರುತ್ತೇವೆ. ಅಂಥ ಪ್ರಯತ್ನವನ್ನು ವಿಮಾನ ಯಾತ್ರಿಗಳು ಮಾಡುವುದನ್ನು ಎಲ್ಲಿಯಾದರೂ ಕಂಡಿದ್ದೀರಾ? ಇಂಡೋನೇಷ್ಯಾದ ಬಾಲಿಯಲ್ಲಿ ಸ್ವಲ್ಪವೇ ತಡವಾಗಿ ನಿಲ್ದಾಣದ ಟಾರ್ಮ್ಯಾಕ್ ತಲುಪಿದ ಮಹಿಳೆಯೊಬ್ಬರು, ವಿಮಾನದ ಹಿಂದೆ ಓಡುತ್ತಾ ಹೋಗಿದ್ದಾರೆ.
ಮಹಿಳೆ ಬೋರ್ಡಿಂಗ್ ಗೇಟ್ ದಾಟಿ ಹೊರ ಓಡುವಾಗಲೇ ಅವರನ್ನು ತಡೆಯುವ ಪ್ರಯತ್ನಗಳು ನಡೆದವು. ವಿಮಾನ ಆಗಷ್ಟೇ ಹೊರಟಿತ್ತು. ಆದರೂ, ಮಹಿಳೆ ವಿಮಾನದ ಕಡೆ ಕೈಬೀಸುತ್ತಾ ಅದರ ಹಿಂದೆ ಓಡಿದ್ದಾರೆ. ವಿಮಾನದ ಸಿಬಂದಿ ಅವರ ಹಿಂದೆ ಓಡಿ ಅವರನ್ನು ತಡೆದಿದ್ದಾರೆ. ಆಗ ಆ ಮಹಿಳೆ ಕೆಳಗೆ ಬಿದ್ದಿದ್ದಾರೆ. ಏಕಾಏಕಿ ರನ್ವೇಯಲ್ಲಿ ಮಾನವರು ಓಡಾಡುವುದು ಅಪಾಯಕಾರಿ. ಮಹಿಳೆ ಮತ್ತೂಂದು ವಿಮಾನಕ್ಕೆ ಕಾಯುವಷ್ಟು ತಾಳ್ಮೆ ತೋರಬಹುದಿತ್ತು ಎಂದು ವಿಮಾನ ಸಿಬಂದಿ ಹೇಳಿದ್ದಾರೆ. ಈ ವೀಡಿಯೋ ಈಗ ಜಾಲತಾಣಗಳಲ್ಲಿ ವೈರಲ್ ಆಗಿದೆ.