ಕೋರಿದ್ದು ಮಾಹಿತಿ, ಸಿಕ್ಕಿದ್ದು ಕಾಂಡೋಮ್!

Team Udayavani, Jan 16, 2019, 6:19 AM IST

ಮಾಹಿತಿ ಹಕ್ಕು ಕಾಯ್ದೆಯಡಿ ಇಲ್ಲಿನ ಗ್ರಾಮ ಪಂಚಾಯ್ತಿಯೊಂದಕ್ಕೆ ಸಲ್ಲಿಸಿದ್ದ ಇಬ್ಬರು ಯುವಕರಿಗೆ ಉತ್ತರದ ರೂಪದಲ್ಲಿ ಸಿಕ್ಕಿದ್ದೇನು ಗೊತ್ತಾ? ಕಾಂಡೋಮ್‌! ಹೌದು. ಅಕ್ಷರಶಃ ನಿಜ. ರಾಜಸ್ಥಾನದ ಹನುಮಾನ್‌ಗಢ ಜಿಲ್ಲೆಯ ಭಾಂದ್ರಾ ತಾಲೂಕಿನ ಚಾನಿ ಬಾಡಿ ಎಂಬ ಹಳ್ಳಿಯ ಗ್ರಾಮ ಪಂಚಾಯ್ತಿಯೇ ಈ ಕೆಲಸ ಮಾಡಿರುವುದು! ಗ್ರಾಮದ ವಿಕಾಸ್‌ ಚೌಧರಿ ಹಾಗೂ ಮನೋಹರ್‌ ಲಾಲ್‌ ಎಂಬುವರು 2001ರಿಂದೀಚೆಗೆ ಗ್ರಾಮದಲ್ಲಾಗಿರುವ ಅಭಿವೃದ್ಧಿ ಕಾರ್ಯಗಳ ಪಟ್ಟಿ ನೀಡುವಂತೆ ಕೋರಿ ಮಾಹಿತಿ ಹಕ್ಕು ಕಾಯ್ದೆಯ ಅನ್ವಯ ಅರ್ಜಿ ಸಲ್ಲಿಸಿದ್ದರು. ಇವರ
ಅರ್ಜಿಯನ್ನು ಸಂಬಂಧಪಟ್ಟವರು ತಪ್ಪಾಗಿ ಓದಿಕೊಂಡಿರಬೇಕು. “ಗ್ರಾಮಾಭಿವೃದ್ಧಿ’ ಎಂಬ ಪದವನ್ನು “ಸಂತಾನಾಭಿವೃದ್ಧಿ’ ಎಂದುಕೊಂಡರೋ ಏನೋ! ಗೊತ್ತಿಲ್ಲ. ಅಂತೂ ಅರ್ಜಿ ಸಲ್ಲಿಸಿದವರ ಮನೆಗಳಿಗೆ ಎರಡು ಲಕೋಟೆಗಳಲ್ಲಿ ಪ್ರತ್ಯೇಕವಾಗಿ ಕಾಂಡೋಮ್‌ಗಳನ್ನು ಕಳಿಸಿದ್ದಾರೆ. ಆದರೆ, ಇದು ಈಗ ವಿವಾದಕ್ಕೆ ಕಾರಣವಾಗಿದೆ. ಈ ಬಗ್ಗೆ ಜಿಲ್ಲಾ ಪಂಚಾಯ್ತಿಗೂ ದೂರು ನೀಡಲಾಗಿದ್ದು, ಮೇಲಧಿಕಾರಿಗಳು ತನಿಖೆಯ ಭರವಸೆ ನೀಡಿದ್ದಾರೆ.