ಚಾಲಕನಿಲ್ಲದಾಗ ಚಲಿಸಿದ ಜೀಪ್ :ಮಹಿಳೆ, ಮಗುವಿಗೆ ಗಂಭೀರ ಗಾಯ
Team Udayavani, Feb 10, 2019, 1:12 PM IST
ಉಪ್ಪಿನಂಗಡಿ: ಇಲ್ಲಿ ಚಾಲಕನೊಬ್ಬ ಇಳಿದು ಹೋದಾಗ ಬಾಲಕನೊಬ್ಬ ಕೀ ತಿರುಗಿಸಿದಾಗ ಜೀಪೊಂದು ಚಲಿಸಿದ ಪರಿಣಾಮ ತಾಯಿ ಮತ್ತು ಮಗು ಗಂಭೀರವಾಗಿ ಗಾಯಗೊಂಡಿದ್ದು, ಹಲವು ವಾಹನಗಳು ಜಖಂಗೊಂಡಿವೆ.
ಚಾಲಕ ಕೀ ಬಿಟ್ಟು ಹೋಗಿದ್ದ ವೇಳೆ ಜೀಪ್ನಲ್ಲಿದ್ದ ಬಾಲಕ ಹುಡುಗಾಟಕ್ಕೆ ಕೀ ತಿರುಗಿಸಿದಾಗ ಅವಘಡ ಸಂಭವಿಸಿದೆ. ಏಕಾಏಕಿ ಚಲಿಸಿದ ಜೀಪ್ ಮಹಿಳೆ ಮತ್ತು ಮಗುವಿನ ಮೇಲೆ ಹರಿದಿದೆ ಎಂದು ವರದಿಯಾಗಿದೆ.
2 ಕಾರು ಮತ್ತು 4 ಬೈಕ್ಗಳಿಗೆ ಕಾರು ಢಿಕ್ಕಿಯಾಗಿದೆ ಎಂದು ತಿಳಿದು ಬಂದಿದೆ.
ಗಾಯಗೊಂಡಿರುವ ತಾಯಿ ಮಗುವನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು ಇಬ್ಬರೂ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ ಎಂದು ತಿಳಿದು ಬಂದಿದೆ.
ಹೆಚ್ಚಿನ ವಿವರಗಳನ್ನು ನಿರೀಕ್ಷಿಸಲಾಗುತ್ತಿದೆ.