ಕುಂದಾಪುರ ಹೆದ್ದಾರಿಯಲ್ಲಿ ನಿರಂತರ ಟ್ರಾಫಿಕ್‌ ಜಾಂ

Team Udayavani, Jan 20, 2019, 1:00 AM IST

ಕುಂದಾಪುರ: ಇಲ್ಲಿನ ಶಾಸಿŒ ಸರ್ಕಲ್‌ ಬಳಿ, ರಾಷ್ಟಿÅàಯ ಹೆದ್ದಾರಿ 66ರ ಸರ್ವಿಸ್‌ ರಸ್ತೆಗಳಲ್ಲಿ ಕಾಮಗಾರಿ ನಡೆಯುತ್ತಿರುವುದರಿಂದ ಬೆಳಗ್ಗಿನಿಂದ ಸಂಜೆಯವರೆಗೂ ನಿರಂತರ ಟ್ರಾಫಿಕ್‌ ಜಾಂ ಆಗುತ್ತಿದ್ದು, ಇದರಿಂದ ನಿತ್ಯ ವಾಹನ ಸವಾರರು ಸಂಕಷ್ಟ ಅನುಭವಿಸುತ್ತಿದ್ದಾರೆ. 
ಒಂದೆಡೆ ಫ್ಲೆಓವರ್‌ ಕಾಮಗಾರಿ, ಮತ್ತೂಂದೆಡೆ ಬಸೂÅರು ಮೂರು ಜಂಕ್ಷನ್‌ ಬಳಿ ಅಂಡರ್‌ಪಾಸ್‌, ಇದರ ಜತೆಗೆ ಹೆದ್ದಾರಿ ಕಾಮಗಾರಿಯಿಂದಾಗಿ ಈಗ ಕುಂದಾಪುರ ನಗರ ಭಾಗದಲ್ಲಿ ಹೆದ್ದಾರಿ ಸಂಚಾರವನ್ನು ಸಂಪೂರ್ಣ ಸ್ಥಗಿತಗೊಳಿಸಿ, ಸರ್ವಿಸ್‌ ರಸ್ತೆಯಲ್ಲಿ ಮಾತ್ರ ಅನುಕೂಲ ಮಾಡಿಕೊಡಲಾಗಿದೆ. 

ಫ್ಲೆಓವರ್‌ ಕಾಮಗಾರಿಯಿಂದಾಗಿ ಈಗ ಹೆದ್ದಾರಿ ಸಂಚಾರ ಸ್ಥಗಿತಗೊಳಿಸಲಾಗಿದ್ದು, ಫ್ಲೆಓವರ್‌ ಕೆಳಗಿನಿಂದಾಗಿ ಕೇವಲ ಸರ್ವೀಸ್‌ ರಸ್ತೆಯಲ್ಲಿ ಸಂಚಾರಕ್ಕೆ ಅನುವು ಮಾಡಿಕೊಡಲಾಗುತ್ತಿದೆ. ಇದರಿಂದ ನಿರಂತರ ಸಂಚಾರ ದಟ್ಟಣೆಯಿಂದ ಸರ್ವಿಸ್‌ ರಸ್ತೆಯಲ್ಲಿ ಉದ್ದುದ್ದ ವಾಹನಗಳ ಸಾಲು ಇರುತ್ತದೆ. 

ಬೆಳಗ್ಗಿನಿಂದಲೇ ಟ್ರಾಫಿಕ್‌ ಜಾಂ
ಅದರಲ್ಲೂ ಶನಿವಾರ ಇನ್ನಿತರ ವಿಶೇಷ ದಿನಗಳಲ್ಲಿ ವಾಹನಗಳ ದಟ್ಟಣೆ ಮತ್ತಷ್ಟು ಹೆಚ್ಚಿರುವುದರಿಂದ ಬೆಳಗ್ಗಿನಿಂದಲೇ ಟ್ರಾಫಿಕ್‌ ಜಾಂ ಆಗುತ್ತಿದೆ. ತ್ವರಿತಗತಿಯಲ್ಲಿ ಎಲ್ಲ ಕಾಮಗಾರಿಗಳನ್ನು ಮುಗಿಸಿ, ಇಲ್ಲಿ ಸುಗಮ ಸಂಚಾರಕ್ಕೆ ಅನುವು ಮಾಡಿಕೊಡುವಂತಾಗಲಿ ಎನ್ನುವುದು ಇಲ್ಲಿನ ವಾಹನ ಸವಾರರ ಆಗ್ರಹವಾಗಿದೆ.