CONNECT WITH US  

ಹಾಲಿನಲ್ಲಿನ ಸತ್ವ ಕೀಮೊಥೆರಪಿಯ ನೋವು ತಡೆಯಬಲ್ಲದು !

ಕೀಮೊಥೆರಪಿ ಚಿಕಿತ್ಸಾ ಕ್ರಮದಿಂದ ಉಂಟಾಗುವ ನರಗಳ ನೋವನ್ನು ಕಡಿಮೆ ಮಾಡುವಲ್ಲಿ ಹಾಲಿನಲ್ಲಿ ಕಂಡುಬರುವ ವಿಟಮಿನ್‌ ಎ ಸಹಕಾರಿಯಾಗಬಲ್ಲದು. ಈ ಬಗ್ಗೆ ವಿದೇಶಿ ವಿಶ್ವವಿದ್ಯಾಲಯದ ಪರಿಣಿತರು ಅಧ್ಯಯನ ನಡೆಸಿದ್ದು, ಸಾಮಾನ್ಯವಾಗಿ ಸ್ತನದ ಮತ್ತು ಅಂಡಾಶಯದ ಕ್ಯಾನ್ಸರ್‌ನ ಚಿಕಿತ್ಸೆಯಲ್ಲಿ ಬಳಸುವ ಪ್ಯಾಕ್ಲಿಟಾಕ್ಸೆಲ್‌ ಎಂಬ ಒಂದು ಕೀಮೊಥೆರಪಿಗೆ ಒಳಗಾದ, ಹೆಣ್ಣು ಇಲಿಗಳಲ್ಲಿನ ನಿಕೋಟಿನಾಮೈಡ್‌ ರಿಬೋಸೈಡ್‌ (ಎನ್‌.ಆರ್‌.) (ವಿಟಮಿನ್‌ ಬಿ 3 ಯ ಒಂದು ರೂಪ) ಪರಿಣಾಮದ ಬಗ್ಗೆ ಪರೀಕ್ಷೆ ನಡೆಸಿದರು. 

ಕೀಮೋಥೆರಪಿಗಳಿಂದ ಕ್ಯಾನ್ಸರ್‌ ಗುಣವಾಗುವ ಪ್ರಮಾಣದಲ್ಲಿ ವೃದ್ಧಿಯಾದರೂ ಕೆಲವು ಪಾರ್ಶ್ವ ಪರಿಣಾಮಗಳಿಗೆ (ಸೈಡ್‌ ಇಫೆಕ್ಟ್ಸ್) ಕಾರಣವೂ ಆಗಬಲ್ಲವು. ಅತಿಯಾದ ನೋವಿಗೂ ಕಾರಣವಾಗುತ್ತದೆ. ಕ್ಯಾನ್ಸರ್‌ ಪೀಡಿತರ ಜೀವನದ ಗುಣಮಟ್ಟಕ್ಕೆ ತೀವ್ರ ಹಾನಿ ಮಾಡಬಲ್ಲದು ಎಂದು ಅಧ್ಯಯನ ಕೈಗೊಂಡ  ಅಮೆರಿಕದ ಲೊವ ವಿಶ್ವವಿದ್ಯಾಲಯದ ಮಾರ್ಟಾ ಹ್ಯಾಮಿಟಿ ಫ‌ಸ್ಟ್‌ ಆಥರ್‌, ಅಮೆರಿಕದ ಲೋವಾ ವಿಶ್ವವಿದ್ಯಾನಿಲಯದ ಮಾರ್ಟಾ ಹ್ಯಾಮಿಟಿ ಹೇಳುತ್ತಾರೆ.

'ನಮ್ಮ ಸಂಶೋಧನೆಯು, ಕ್ಯಾನ್ಸರ್‌ ರೋಗಿಗಳಲ್ಲಿ ಸಿಐಪಿಎನ್‌ (ಕಿಮೋಥೆರಪಿ-ಇಂಡ್ನೂಸ್ಡ್ ಪೆರಿಫೆರಲ್‌ ನ್ಯೂರೋಪತಿ -ನರ್ವ್‌ ಡ್ಯಾಮೇಜ್‌ ಆ್ಯಂಡ್‌ ಪೇನ್‌)ನ್ನು ತಡೆಗಟ್ಟಲು ಅಥವಾ ತಗ್ಗಿಸಲು ಎನ್‌.ಆರ್‌. (ನಿಕೋಟಿನಾಮೈಡ್‌ ರಿಬೋಸೈಡ್‌)ನ್ನು  ಸಮರ್ಥವಾಗಿ ಬಳಸಬಹುದು. ಆ ಮೂಲಕ, ಅವರ ಆರೋಗ್ಯ ಸುಧಾರಿಸಬಲ್ಲದು ಎಂಬ ಅಂಶಕ್ಕೆ ಪುಷ್ಟಿ ನೀಡುತ್ತದೆ' ಎಂದಿದ್ದಾರೆ ಮಾರ್ಟಿನಾ. ನೋವಿನ ಕುರಿತಾದ ಅಧ್ಯಯನದ ಅಂಶಗಳ ಪ್ರಕಟಣೆಗೆಂದೇ ಇರುವ ಪೇನ್‌ ಎಂಬ ಪತ್ರಿಕೆಯೊಂದರಲ್ಲಿ ಈ ಅಧ್ಯಯನ ಪ್ರಕಟವಾಗಿತ್ತು. ಕೀಮೋಥೆರಪಿ ಚಿಕಿತ್ಸೆ ಪಡೆದುಕೊಳ್ಳುತ್ತಿರುವ ಕ್ಯಾನ್ಸರ್‌ ರೋಗಿಗಳಿಗೆ ಈ ನ್ಯೂಟ್ರಿಷನಲ್‌ ಸಪ್ಲಿಮೆಂಟ್‌ ನರಗಳ ನೋವನ್ನು ಕಡಿಮೆ ಮಾಡಬಲ್ಲದೇ ಎಂಬ ಕುರಿತ ಅಧ್ಯಯನಕ್ಕೆ ನಾಂದಿ ಹಾಡಿದೆ.

ಇಂದು ಹೆಚ್ಚು ಓದಿದ್ದು

Trending videos

Back to Top