ದೇಶಿ ಉತ್ಪನ್ನಕ್ಕೆ ಒತ್ತು; ಚೀನಾದ ಕಲರ್ ಟಿವಿ ಆಮದಿಗೆ ನಿರ್ಬಂಧ ವಿಧಿಸಿದ ಭಾರತ

Team Udayavani, Jul 31, 2020, 5:33 PM IST

ನವದೆಹಲಿ: ಚೀನಾದ ಜನಪ್ರಿಯ ಮೊಬೈಲ್ ಆ್ಯಪ್ಲಿಕೇಷನ್ಸ್ ಗಳಿಗೆ ನಿಷೇಧ ಹೇರಿದ ನಂತರ ಇದೀಗ ಭಾರತ ಸರ್ಕಾರ ಚೀನಾದ ಕಲರ್ ಟಿವಿ ಆಮದು ಮೇಲೆ ನಿರ್ಬಂಧ ವಿಧಿಸಿದೆ. ಇದರ ಮುಖ್ಯ ಗುರಿ ದೇಶಿ ಉತ್ಪನ್ನಗಳಿಗೆ ಹೆಚ್ಚಿನ ಆದ್ಯತೆ ನೀಡುವುದಾಗಿದೆ. ಇದರಿಂದಾಗಿ ಪ್ರಧಾನಿ ನರೇಂದ್ರ ಮೋದಿ ಅವರ ವೋಕಲ್ ಫಾರ್ ಲೋಕಲ್ ಕರೆಗೆ ಒತ್ತು ನೀಡಿದಂತಾಗಲಿದೆ ಎಂದು ವರದಿ ತಿಳಿಸಿದೆ.

ವಿದೇಶಿ ವ್ಯಾಪಾರ ಪ್ರಧಾನ ನಿರ್ದೇಶನಾಲಯ(ಡಿಜಿಎಫ್ ಟಿ) ಈ ನಿರ್ಬಂಧವನ್ನು ಗುರುವಾರ ಘೋಷಿಸಿದೆ. ಪ್ರಕಟಣೆ ಹೊರಡಿಸಿರುವ ಡಿಜಿಎಫ್ ಟಿ ಪ್ರಕಾರ, ಕಲರ್ ಟೆಲಿವಿಷನ್ ಸೆಟ್ಸ್ ಆಮದು ನೀತಿಯಲ್ಲಿ ತಿದ್ದುಪಡಿ ಮಾಡಲಾಗಿದ್ದು ಅದು ಫ್ರೀ ಟು ರಿಸ್ಟ್ರಿಕ್ಟ್ ಟೆಡ್ (ಕೆಲವೊಂದು ಟಿವಿ ಆಮದು ಮಾಡಿಕೊಳ್ಳಬೇಕಾದರೆ ಸರಕಾರದ ಅನುಮತಿ ಅಗತ್ಯ) ಎಂದು ವಿವರಿಸಿದೆ.

ಆಮದು ಮಾಡಿಕೊಳ್ಳುವ ಕಲರ್ ಟಿವಿ ನಿರ್ಬಂಧದ ತಿದ್ದುಪಡಿಯಿಂದ 36ಸೆಂ.ಮೀಟರ್ ನಿಂದ 105 ಸೆಂ.ಮೀ ತನಕದ ಟಿವಿ ಸೆಟ್ಸ್ ಗಳ ಮೇಲೆ ನಿರ್ಬಂಧ ವಿಧಿಸಿರುವುದಾಗಿ ತಿಳಿಸಿದೆ.