ಮುಂಬಯಿ: ರೋಲ್ಟಾ ಟೆಕ್ನಾಲಜಿ ಪಾರ್ಕಿನಲ್ಲಿ ಬೆಂಕಿ ಅವಘಢ
Team Udayavani, Feb 13, 2020, 4:55 PM IST
ಮುಂಬಯಿ: ಇಲ್ಲಿನ ಪೂರ್ವ ಅಂಧೇರಿಯಲ್ಲಿರುವ ರೋಲ್ಟಾ ಕಂಪೆನಿಯ ಕಛೇರಿ ಕಟ್ಟಡದಲ್ಲಿ ಅಗ್ನಿ ಅವಘಡ ಸಂಭವಿಸಿರುವ ಕುರಿತು ವರದಿಯಾಗಿದೆ. ಸುಮಾರು 12ಕ್ಕೂ ಹೆಚ್ಚಿನ ಅಗ್ನಿಶಾಮಕ ದಳದ ವಾಹನಗಳು ಘಟನಾ ಸ್ಥಳಕ್ಕೆ ಧಾವಿಸಿದ್ದು ಬೆಂಕಿಯನ್ನು ಹತೋಟಿಗೆ ತರುವ ಕೆಲಸದಲ್ಲಿ ನಿರತವಾಗಿವೆ.
ಇಲ್ಲಿ ಕಾಣಿಸಿಕೊಂಡಿರುವ ಬೆಂಕಿ ಲೆವೆಲ್-3 ಸ್ವರೂಪದ್ದಾಗಿದೆ ಎಂದು ತಿಳಿದುಬಂದಿದೆ. ರೋಲ್ಟಾ ಕಂಪೆನಿಯ ಸರ್ವರ್ ಕೋಣೆ ಹಾಗೂ ಎರಡನೇ ಮಹಡಿಯವರೆಗೆ ಬೆಂಕಿ ವ್ಯಾಪಿಸಿದೆ.
ಈ ಅಗ್ನಿ ಅವಘಡಲ್ಲಿ ಕಟ್ಟಡದ ಒಳಗೆ ಸಿಲುಕಿಕೊಂಡಿರಬಹುದಾಗಿರುವವರಿಗಾಗಿ ಹುಡುಕಾಟ ಮುಂದುವರೆದಿದೆ. 11 ಅಗ್ನಿಶಾಮಕ ದಳದ ವಾಹನಗಳು ಮತ್ತು 9 ಜೆಟ್ ಟ್ಯಾಂಕರ್ ಗಳು ಸೇರಿದಂತೆ ಬೆಂಕಿಯನ್ನು ನಿಯಂತ್ರಿಸಲು ಒಟ್ಟಾರೆ 27 ವಾಹನಗಳು ಘಟನಾ ಸ್ಥಳಕ್ಕೆ ಧಾವಿಸಿರುವ ಕುರಿತಾಗಿ ಮಾಹಿತಿ ಲಭಿಸಿದೆ.