ಅಡಗಿಸಿಟ್ಟ ಮೈಕ್ರೋಫೋನ್‌ಗಳನ್ನು ನಿಷ್ಕ್ರಿಯಗೊಳಿಸುವ ಬ್ರಾಸ್ಲೆಟ್‌

ಕದ್ದಾಲಿಕೆ ತಡೆಗೆ ಹೊಸ ತಂತ್ರಜ್ಞಾನ

Team Udayavani, Feb 18, 2020, 8:05 AM IST

ಹೊಸದಿಲ್ಲಿ: ನಿಗದಿತ ಜಾಗದಲ್ಲಿ ಅಡಗಿಸಿಟ್ಟ ಮೈಕ್ರೋಫೋನ್‌ಗಳ ಸಹಾಯ ದಿಂದ ಬೇರೆ ಯಾರೋ, ನಮ್ಮ ಮಾತುಗಳನ್ನು ಕದ್ದು ಕೇಳದಂತೆ ಮಾಡುವ, ಷಡ್ಯಂತ್ರಗಳನ್ನು ನಿಷ್ಕ್ರಿಯಗೊಳಿಸುವ ಹೊಸ ತಂತ್ರಜ್ಞಾನ ವೊಂದನ್ನು ಷಿಕಾಗೋ ವಿಶ್ವವಿದ್ಯಾಲಯದ ತಜ್ಞರು ಸಂಶೋಧಿಸಿದ್ದಾರೆ.

24 ಟ್ರಾನ್ಸ್‌ಡ್ನೂಸರ್ಸ್‌ಗಳಿರುವ ಕೈ ಕಡಗದ ಆಕಾರದ ಬ್ರಾಸ್ಲೆಟ್‌ ಅನ್ನು ಈ ಸಂಶೋಧಕರು ತಯಾರಿಸಿದ್ದು, ಇದರಿಂದ ಹೊರಬರುವ ಅಲ್ಟ್ರಾಸಾನಿಕ್‌ ತರಂಗಗಳು ಹತ್ತಿರದಲ್ಲಿ ಕಾಣುವ, ಕಾಣದಿರುವ ಯಾವುದೇ ರೀತಿಯ ಮೈಕ್ರೋಫೋನ್‌ಗಳು, ಸ್ಮಾರ್ಟ್‌ ವಾಚ್‌ಗಳು, ಮೊಬೈಲ್‌ಗ‌ಳು, ಲ್ಯಾಪ್‌ಟಾಪ್‌ಗ್ಳನ್ನು ಹಾಗೂ ಸ್ಮಾರ್ಟ್‌ ಸ್ಪೀಕರ್‌ಗಳನ್ನು ನಿಷ್ಕ್ರಿಯಗೊಳಿಸಲಿದೆ.

ಬ್ರಾಸ್ಲೆಟ್‌ನಿಂದ ಬರುವ ಅಲ್ಟ್ರಾಸಾನಿಕ್‌ ತರಂಗಗಳು ತಮ್ಮನ್ನು ಸೋಕಿದ ಕೂಡಲೇ ಮೈಕ್ರೋಫೋನ್‌ಗಳು, ಸ್ಮಾರ್ಟ್‌ ಪರಿಕರಗಳಲ್ಲಿ ಒಂದು ರೀತಿಯ ವಿಚಿತ್ರ ಧ್ವನಿಯು ಉತ್ಪತ್ತಿಯಾಗಿ ಅವು ತಾತ್ಕಾಲಿಕವಾಗಿ ನಿಷ್ಕ್ರಿಯಗೊಂಡಿರುವುದನ್ನು ಸೂಚಿಸುತ್ತವೆ.

ಅಷ್ಟೇ ಅಲ್ಲ, ಪೇಪರ್‌, ಬಟ್ಟೆ, ಶೀಟುಗಳು… ಹೀಗೆ ಯಾವುದೇ ಭೌತಿಕ ವಸ್ತುಗಳ ಮರೆಯಲ್ಲಿ ಅಡಗಿಸಿದ್ದ ಮೈಕ್ರೋಫೋನ್‌, ಸ್ಮಾರ್ಟ್‌ ಸಾಮಗ್ರಿಗಳನ್ನು ಈ ಬ್ರಾಸ್ಲೆಟ್‌ ಮೂಲಕ ಕೆಲಸ ಮಾಡದಂತೆ ತಡೆಯಬಹುದಾಗಿದೆ. ಅಂದ ಹಾಗೆ, ‘ಇದು ಕೇವಲ ಪ್ರಯೋಗಾತ್ಮಕ ವಾಗಿ ತಯಾರಿಸಲಾದ ಬ್ಲಾಸ್ಲೆಟ್‌ ಆಗಿದ್ದು, ಇದನ್ನು ಪರಿಕರವಾಗಿ ಮಾರುಕಟ್ಟೆಗೆ ಬಿಡುಗಡೆ ಮಾಡುವುದಿಲ್ಲ’ ಎಂದು ತಜ್ಞರು ಸ್ಪಷ್ಟಪಡಿಸಿದ್ದಾರೆ.

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ