ಭಾರತದ ಗಡಿಯಲ್ಲಿ ವಾಯು ರಕ್ಷಣೆ ಬಲಪಡಿಸುತ್ತಿದೆ ಚೀನ

Team Udayavani, Feb 21, 2018, 10:22 AM IST

ಬೀಜಿಂಗ್‌: ಡೋಕ್ಲಾಂನಲ್ಲಿ ಕಾಲು ಕೆರೆದುಕೊಂಡು ಬಂದಿದ್ದ ಚೀನ ಈಗ ಮತ್ತೆ ಕ್ಯಾತೆ ಶುರುವಿಟ್ಟುಕೊಂಡಿದೆ. ವಾಸ್ತವಿಕ ಗಡಿ ನಿಯಂತ್ರಣ ರೇಖೆ(ಎಲ್‌ಎಸಿ) ಗುಂಟ ಭದ್ರತೆಯನ್ನು ನೋಡಿಕೊಳ್ಳುವ ತನ್ನ ವೆಸ್ಟರ್ನ್ ಥಿಯೇ ಟರ್‌ ಕಮಾಂಡ್‌ನ‌ ವಾಯುರಕ್ಷಣಾ ವ್ಯವಸ್ಥೆಯನ್ನು ಮೇಲ್ದ ರ್ಜೆಗೇರಿಸುವ ಮೂಲಕ, ಭಾರತದಿಂದ ಆಗುವ ಅಪಾಯವನ್ನು ಎದುರಿಸಲು ಸಜ್ಜಾಗುತ್ತಿ ದ್ದೇವೆ ಎಂದು ಚೀನ ಹೇಳಿದೆ. ಚೀನದ ಸೇನಾ ತಜ್ಞರೇ ನೀಡಿರುವ ಈ ಹೇಳಿಕೆಯನ್ನು ಅಲ್ಲಿನ ಅಧಿಕೃತ ಮಾಧ್ಯಮವೇ ವರದಿ ಮಾಡಿದೆ.

ಜೆ-10 ಯುದ್ಧವಿಮಾನ ಮತ್ತು ಜೆ-11 ಸಿಂಗಲ್‌ ಸೀಟರ್‌ ಯುದ್ಧ ವಿಮಾನ ಹಾರಾಡುವ ಚಿತ್ರವನ್ನೂ ಬಿಡುಗಡೆ ಮಾಡಲಾಗಿದೆ. ಈ ಯುದ್ಧವಿಮಾನಗಳು ವಾಯುಪಡೆಯ ಪಿಎಲ್‌ಎ ವೆಸ್ಟರ್ನ್ ಥಿಯೇಟರ್‌ ಕಮಾಂಡ್‌ಗೆ ಸೇರಿದ್ದು ಎಂದೂ ಚೀನ ಸೇನೆ ತಿಳಿಸಿದೆ. ಈ ಕಮಾಂಡ್‌ಗೆ ಹೆಚ್ಚಿನ ಬಲ ಒದಗಿಸುವುದು ತುರ್ತು ಅಗತ್ಯವಾಗಿದೆ. ಭಾರತದ ಬಳಿಯಿರುವ ಮೂರನೇ ತಲೆಮಾರಿನ ಯುದ್ಧ ವಿಮಾನಗಳನ್ನು ಪರಿಗಣಿಸಿ, ನಾವು 3.5 ತಲೆಮಾರಿನ 

ಜೆಟ್‌ಗಳನ್ನು ನಿಯೋಜಿಸುತ್ತಿದ್ದೇವೆ ಎಂದಿದೆ ಚೀನ.ಉಗ್ರರೊಂದಿಗೆ ಸ್ನೇಹ: ಇನ್ನೊಂದೆಡೆ, ಪಾಕಿಸ್ಥಾನದ ಬಲೂಚಿಸ್ಥಾನ ಪ್ರಾಂತ್ಯ ದಲ್ಲಿರುವ ಬಲೂಚ್‌ ಉಗ್ರರ ಜತೆಗೆ ಚೀನ ಮಾತುಕತೆ ನಡೆಸುತ್ತಿರುವ ವಿಚಾರವೂ ಬೆಳಕಿಗೆ ಬಂದಿದೆ. ತನ್ನ 60 ಶತಕೋಟಿ ಡಾಲರ್‌ ವೆಚ್ಚದ ಚೀನ-ಪಾಕಿಸ್ಥಾನ ಆರ್ಥಿಕ ಕಾರಿಡಾರ್‌ ಯೋಜನೆಗೆ ರಕ್ಷಣೆ ಒದಗಿಸುವ ನಿಟ್ಟಿನಲ್ಲಿ ಈ ಮಾತುಕತೆ ನಡೆದಿದೆ ಎನ್ನಲಾಗಿದೆ. ಬಲೂಚ್‌ ಪ್ರಾಂತ್ಯದಲ್ಲಿ ಚೀನ ಪ್ರಾಬಲ್ಯ ಹೆಚ್ಚಿದರೆ ಭಾರತಕ್ಕೆ ಅಪಾಯವಾಗುವ ಸಾಧ್ಯತೆಯಿದೆ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.