ಸೆನ್ಸೇಶನ್ ಸೃಷ್ಟಿಸಿದ ಇಶಾದಿರಿಸು
Team Udayavani, Feb 21, 2020, 5:44 AM IST
ಕಾಲಕ್ಕೆ ತಕ್ಕಂತೆ ಶೈಲಿಯನ್ನು ಬದಲಾಯಿಸಿಕೊಂಡರೆ ಅದಕ್ಕೆ ಟ್ರೆಂಡ್ ಎನ್ನುವರು.ಆಗಲೇ ನಮ್ಮನ್ನು ಫ್ಯಾಷನ್ ಪ್ರಿಯರೆಂದು ಕರೆಯುವುದು. ಇಲ್ಲದಿದ್ದರೆ ಹಳೇ ಜಮಾನಾದವರು ಎನ್ನುವುದುಂಟು. ಟ್ರೆಂಡ್ ಅನ್ನುವುದು ನಿಂತ ನೀರಲ್ಲ, ಸದಾ ಹರಿಯುವ ನದಿಯಂತೆ. ನದಿಯಂತೆಯೇ ಸದಾ ಟ್ರೆಂಡ್ಗೆ ಒಪ್ಪುವಂತೆ ದಿರಿಸುಗಳನ್ನು ವಿನ್ಯಾಸ ಮಾಡಿಸಿ ಧರಿಸಿ ಕಂಗೊಳಿಸುವುದು ಸೆಲೆ ಬ್ರಿಟಿಗಳ ಹವ್ಯಾಸ.
ಇತ್ತೀಚೆಗಷ್ಟೇ ಉದ್ಯಮಿ ಅನಿಲ್ ಅಂಬಾನಿ ಮಗಳು ಇಶಾ ಅಂಬಾನಿ ಕಂಗೊಳಿಸಿದ್ದು ಬಹಳ ಸುದ್ದಿಯಾಯಿತು. ಯಾಕೆಂದರೆ ಖಾಸಗಿ ಕಾರ್ಯಕ್ರಮದಲ್ಲಿ ಆಕೆ ಧರಿಸಿದ ಹೊಸ ವಿನ್ಯಾಸದ ದಿರಿಸು.
ಸದಾ ತಮ್ಮದೇ ವಿಭಿನ್ನ ಶೈಲಿಯ ವಸ್ತ್ರ ವಿನ್ಯಾ ಸದ ಮೂಲಕ ಅಭಿಮಾನಿಗಳನ್ನು ಸೆಳೆಯುವ ಇಶಾ ಅಂಬಾನಿ ಮತ್ತೇ ಹೊಸ ನೋಟದಲ್ಲಿ ಕಾಣಿಸಿಕೊಂಡಿದ್ದಾರೆ. ಮಾರ್ಡನ್ ಕಮ್ ಎಥಿ°ಕ್ ವೇರ್ ಆಗಿರುವ ಈ ಲೆಹೆಂಗಾದ ವಿಶೇಷ ಇಲ್ಲಿದೆ.
ವಿಂಟೇಜ್ ಮಿಂಟ್
ಸುಂದರವಾದ ವಿಂಟೇಜ್ ಮಿಂಟ್ ಬಣ್ಣದ ಲೆಹೆಂಗಾದ ಮೇಲೆ ಚಿಕಂಕರಿ ಕಸೂತಿ ಯನ್ನು ಮಾಡಿದ್ದು, ಲೈಟಿಂಗ್ ಬೆಳಕಿನಲ್ಲಿ ಈ ವಸ್ತ್ರ ಮಿಣ ಮಿಣ ಎಂದು ಹೊಳೆದು ಅದ್ದೂರಿತನ ತುಂಬುತ್ತದೆ. ಈ ಲೆಹೆಂಗಕ್ಕೆ ರೋಜಿ ಬಣ್ಣದ ಬ್ಲೌಸನ್ನು ಹೊಂದಾಣಿಕೆ ಮಾಡಿದ್ದು, ವೆಲ್ವೆಟ್ ಬಟ್ಟೆಯ ಮೆರುಗು ಲೆಹೆಂಗಾದ ಅಂದವನ್ನು ಮತ್ತಷ್ಟು ಹೆಚ್ಚಿಸಿದೆ.ಜಡೋìಜಿ ಕಸೂತಿಯೊಂದಿಗೆ, ಆಕರ್ಷಕ ಎಂಪೀಟರ್ ಪ್ಯಾನ್ ಕಾಲಾರ್ ವಿನ್ಯಾಸ ಇದ್ದು, ಇದರ ಮಾದರಿ ಆಕರ್ಷಕವಾಗಿದೆ. ಈ ಲೆಹಂಗಕ್ಕೆ ಮಿಂಟ್ ಬಣ್ಣದ ದುಪ್ಪಟ್ಟಕ್ಕೆ ಚಿಕಂಕರಿ ಕಸೂತಿ ಮಾಡಿದ್ದಾರೆ.
ಆಕರ್ಷಕ ನೋಟ
ಅಮಿ ಪಟೀಲ್ ವಿನ್ಯಾಸಗೊಳಿಸಿದ ವಿಟೇಂಜ್ ಮಾದರಿಯ ಆಭರಣಗಳನ್ನು ಧರಿಸಿದ್ದು ಇನ್ನಷ್ಟು ಸೊಗಸು ತುಂಬಿತು. ಪಚ್ಚೆ ಮತ್ತು ವಜ್ರದ ಕಿವಿಯೋಲೆ, ನೆಕ್ಲೇಸ್ ಮತ್ತು ನೆತ್ತಿ ಬೊಟ್ಟು ಹಾಕಿಕೊಂಡಿದ್ದಾರೆ. ಇದರ ಹೊರತಾಗಿ ಬೇರೆ ಸ್ಟೈಲ್ ಫಾಲೋ ಮಾಡುವುದಾದರೆ ಇದರ ಬ್ಲೌಸ್ಗೆ ಕಾಲರ್ ಇರುವುದರಿಂದ ಸರಳ ಮಾದರಿಯ ಆಭರಣಗಳು ಸೂಕ್ತ. ಹರಳುಗಳ ಅಥವಾ ಮುತ್ತುಗಳ ನೆಕ್ಲೇಸ್, ಕೈಬಳೆ, ಕಿವಿಯೋಲೆ ಧರಿಸಿ, ಫ್ರೀ ಹೇರ್ ಅಥವಾ ಪೋಣಿ ಹಾಕಿದ್ದರೆ ಚೆಂದವಾಗಿ ಕಾಣುತ್ತದೆ.
ಈ ದಿರಿಸಿನ ವಿನ್ಯಾಸ ಹೆಸರಾಂತ ವಸ್ತ್ರ ವಿನ್ಯಾಸಕಾರ ಸವ್ಯಸಾಚಿ. ಈಗಾಗಲೇ ಈ ಲೆಹಂಗ ಮತ್ತು ರವಿಕೆ ಬಾಲಿವುಡ್ನಲ್ಲೂ ಸದ್ದು ಮಾಡತೊಡಗಿದೆ.