ಬಾಯಾರಿಕೆಗೆ ಕಾರಣ ಹಲವು…

Team Udayavani, Apr 16, 2019, 6:00 AM IST

ನೀರಿಲ್ಲದೆ ಬದುಕುವುದು ಅಸಾಧ್ಯ. ಆರೋಗ್ಯವಂತ ದೇಹಕ್ಕೆ ಪ್ರತಿ ದಿನ 3 ಲೀಟರ್‌ ನೀರು ಅಗತ್ಯ. ಸಾಕಷ್ಟು ಪ್ರಮಾಣದಲ್ಲಿ ಶುದ್ಧ ನೀರು ಕುಡಿಯುವುದು ದೇಹಾರೋಗ್ಯಕ್ಕೆ ಉತ್ತಮ. ಕೆಲವೊಮ್ಮೆ ಎಷ್ಟು ನೀರು ಕುಡಿದರೂ ಮತ್ತೆ ಮತ್ತೆ ಬಾಯಾರಿಕೆ ಅನುಭವ ವಾಗುತ್ತಿರುತ್ತದೆ. ಇದು ಕೆಲವು ಕಾಯಿಲೆಗಳ ಸೂಚನೆಯೂ ಹೌದು.

1 ಅತಿಯಾದ ಉಪ್ಪು ಬಳಕೆ
ಆಹಾರದಲ್ಲಿ ಹೆಚ್ಚು ಉಪ್ಪು ಬಳಸಿದ್ದರೆ ಪದೇ ಪದೆ ಬಾಯಾರಿಕೆಯ ಅನುಭವವಾಗುತ್ತದೆ. ಯಾಕೆಂದರೆ ಉಪ್ಪು ಜೀವಕೋಶಗಳ ನೀರಿನ ಅಂಶವನ್ನು ಹೊರ ಹಾಕುತ್ತದೆ. ಪರಿಣಾಮ ಬಾಯಾರಿಕೆಯ ಅನುಭವವಾಗುತ್ತದೆ. ಪ್ರತಿ ದಿನ 5 ಗ್ರಾಂಗಿಂತ ಜಾಸ್ತಿ ಉಪ್ಪು ಬಳಸಲೇಬೇಡಿ. ಇದರಿಂದ ಬಿಪಿ ಮಾತ್ರವಲ್ಲ ಕಡಿಮೆ ನೀರು ಕುಡಿದರೆ ನಿರ್ಜಲೀಕರಣ ಎದುರಾಗುವ ಆಪಾಯವೂ ಇದೆ.

2 ವ್ಯಾಯಾಮ
ಬೆಳಗ್ಗಿನ ಜಾವ ಜಾಗಿಂಗ್‌, ವ್ಯಾಯಾಮ ಮಾಡುತ್ತೀರಿ ಎಂದಾದರೆ ನಿಮ್ಮ ದೇಹ ಹೆಚ್ಚಿನ ನೀರು ಬೇಡುತ್ತದೆ. ಇದರಿಂದ ದೇಹದಲ್ಲಿನ ನೀರಿನ ಅಂಶ ಬೆವರಿನ ರೂಪದಲ್ಲಿ ಹೊರ ಹೋಗುತ್ತದೆ.

3 ಬಿಸಿಲಿಗೆ ನಿಂತಿದ್ದರೆ
ಬಿಸಿಲಿಗೆ ಮೈ ಒಡ್ಡಿ ನಿಂತಿದ್ದರೆ ಬಾಯಾರಿಕೆ ಹೆಚ್ಚು. ಇದರಿಂದ ನಿರ್ಜಲೀಕರಣ ಕಾಡಬಹುದು.

4 ಮಧುಮೇಹದ ಲಕ್ಷಣ
ಅತಿಯಾದ ಬಾಯಾರಿಕೆ ಮಧುಮೇಹದ ಲಕ್ಷಣಗಳಲ್ಲಿ ಒಂದು. ಹೀಗಾಗಿ ರಕ್ತ ಪರೀಕ್ಷೆ ಮಾಡಿಸಿಕೊಳ್ಳಿ.

5 ಒಣ ಬಾಯಿ ಸಾಧ್ಯತೆ
ಒಣ ಬಾಯಿ ಕೂಡ ಅತಿಯಾದ ಬಾಯಾರಿಕೆ ಕಾರಣವಾಗಿರುತ್ತದೆ. ಲವಣ ಗ್ರಂಥಿಗಳು ಲಾಲಾರಸ ಉತ್ಪತ್ತಿ ಮಾಡದೇ ಇದ್ದಾಗ ಸಾಕಷ್ಟು ನೀರು ಕುಡಿಯಬೇಕು ಎಂದೆನಿಸಲು ಶುರುವಾಗುತ್ತದೆ.

6 ಔಷಧ ಬಳಸುವ ಪರಿಣಾಮ
ಕೆಲವು ಔಷಧಗಳು ಬಾಯಿಯ ಮೇಲೆ ಪರಿಣಾಮ ಬೀರಿ ಒಣಗಿಸುವ ಗುಣ ಹೊಂದಿವೆ. ಈ ಬಗ್ಗೆ ವೈದ್ಯರೊಂದಿಗೆ ಚರ್ಚಿಸಿ ಸೂಕ್ತ ಪರಿಹಾರ ಕಂಡುಕೊಳ್ಳಿ.

-   ರಮೇಶ್‌ ಬಳ್ಳಮೂಲೆ


ಈ ವಿಭಾಗದಿಂದ ಇನ್ನಷ್ಟು

  • ಪ್ರತಿದಿನ ಒಂದಷ್ಟು ವಾಲ್ನಟ್ಸೇವಿಸು ವುದರಿಂದ ಹೃದಯ ಸಂಬಂಧಿಸಿ ಕಾಯಿಲೆ ಗಳಿಂದ ದೂರವಿರಬಹುದು ಎಂಬುದು ಸಂಶೋಧನೆಯಿಂದ ತಿಳಿದುಬಂದಿದೆ. ಅಮೆರಿಕನ್‌ ಹಾರ್ಟ್‌...

  • ಮನುಷ್ಯನಿಗೆ ವಯಸ್ಸು ಸರಿದಂತೆ ಆರೋಗ್ಯದಲ್ಲಿ ಏರುಪೇರಾಗುವುದು ಸಹಜ. ಕಣ್ಣಿನ ದೃಷ್ಟಿ ಮಂದವಾಗುವುದು, ತಲೆನೋವು ಬರುವುದು ಮೊದಲಾದ ಸಮಸ್ಯೆಗಳ ಉಂಟಾಗುತ್ತದೆ....

  • ತೂಕ ಇಳಿಸುವುದು ಎಂದಾಕ್ಷಣ ನೆನಪಾಗುವುದು ಕಟ್ಟುನಿಟ್ಟಾದ ಡಯೆಟ್ ಮತ್ತು ನಿಯಮಿತ ವರ್ಕ್‌ ಔಟ್. ಆರೋಗ್ಯಕರ, ಸಂತೋಷಕರ ಜೀವನಕ್ಕೆ ಡಯೆಟ್ ಮತ್ತು ವ್ಯಾಯಾಮ ಪ್ರಮುಖ...

  • ಫಿಟ್‌ನೆಸ್‌ಗಾಗಿ ಯೋಗ, ವ್ಯಾಯಾಮ, ಜಿಮ್‌ ವರ್ಕ್‌ಔಟ್‌ಗೆ ಎಲ್ಲರೂ ಮೊರೆಹೋಗುತ್ತಾರೆ. ಆದರೆ ಮೊದಲ ಬಾರಿಗೆ ಈ ಪ್ರಯತ್ನ ನಡೆ ಸುವವರಿಗೆ ಹೇಗೆ ಅನುಸರಿಸಬೇಕು, ಅದಕ್ಕೆ...

  • ಜಂಕ್‌ ಫ‌ುಡ್‌ ಅಂದಾಕ್ಷಣ ಮಕ್ಕಳು ಬಿಡಿ, ದೊಡ್ಡವರ ಬಾಯಲ್ಲಿಯೂ ನೀರೂರುತ್ತೆ. ರಸ್ತೆ ಬದಿ ಹೋಗುವಾಗೆಲ್ಲ ಪಾನಿಪುರಿ, ಮಸಾಲ ಪುರಿ ಸೇರಿದಂತೆ ಇನ್ನಿತರ ತರಹೇವಾರಿ...

ಹೊಸ ಸೇರ್ಪಡೆ