ಅಳುವ ಕಡಲೊಳು ತೇಲಿ ಬಂದ ಚಿತ್ರ
Team Udayavani, Jun 29, 2018, 6:00 AM IST
ಈ ಹಿಂದೆ “ದೋಸ್ತಿ’ ಎಂಬ ಸಿನಿಮಾ ಮಾಡಿದ್ದ ಆನಂದ್ ಈಗ ‘*121#’ಸಿನಿಮಾ ಮಾಡಿದ್ದಾರೆ. ಸಿನಿಮಾಕ್ಕಾಗಿ ಅವರು ಪಟ್ಟ ಕಷ್ಟ, ಈಗ ಸಿನಿಮಾ ಬಿಡುಗಡೆಯ ಹಂತಕ್ಕೆ ಬಂದಿರುವ ಖುಷಿ ಎಲ್ಲವನ್ನು ನೆನೆದು ಆನಂದ್ ಭಾವುಕರಾದರು. ಚಿತ್ರದ ಬಗ್ಗೆ ಹೇಳುವ ಆನಂದ್, “ತುಂಬಾ ಶ್ರದ್ಧೆಯಿಂದ ಸಿನಿಮಾ ಮಾಡಿದ್ದೇನೆ. ರೆಗ್ಯುಲರ್ ಶೈಲಿ ಬಿಟ್ಟು ಹೊಸದನ್ನು ನೀಡಲು ಪ್ರಯತ್ನಿಸಿದ್ದು, ಮುಖ್ಯವಾಗಿ ತಾಂತ್ರಿಕ ಅಂಶಗಳಿಗೆ ಹೆಚ್ಚಿನ ಒತ್ತು ನೀಡಲಾಗಿದೆ. ಇವತ್ತು ಕಥೆಯ ಜೊತೆಗೆ ಟೆಕ್ನಿಕಲಿ ಕೂಡಾ ಸಿನಿಮಾ ಅಪ್ಡೇಟ್ ಇರಬೇಕೆಂಬ ಕಾರಣಕ್ಕೆ ಸೀಮಿತ ಬಜೆಟ್ನಲ್ಲಿ ಏನೆಲ್ಲಾ ಮಾಡಲು ಸಾಧ್ಯವಿದೆಯೋ ಅವೆಲ್ಲವನ್ನು ಮಾಡಿದ್ದೇನೆ. ನಿರ್ದೇಶಕನಾಗಿ ತಕ್ಕಮಟ್ಟಿಗೆ ನಾನು ತೃಪ್ತಿಯಾಗಿದ್ದೇನೆ’ ಎಂದು ಹೇಳಿಕೊಂಡರು ಆನಂದ್.
ಅಂದಹಾಗೆ, ಸಿಕ್ಕಾಪಟ್ಟೆ ಹಾಲಿವುಡ್ ಸಿನಿಮಾಗಳನ್ನು ನೋಡುವ ಆನಂದ್ ಅವರು, ಅದೇ ಶೈಲಿಯಲ್ಲಿ ಈ ಸಿನಿಮಾವನ್ನು ಕಟ್ಟಿಕೊಡಲು ಪ್ರಯತ್ನಿಸಿದ್ದಾರಂತೆ. ತಮ್ಮ ತಂಡ ಹಾಲಿವುಡ್ ರೇಂಜ್ನ ಸಿನಿಮಾ, ಆ ತರಹದ ಸೌಂಡಿಂಗ್ ಇದೆ ಎಂದು ಹೇಳುತ್ತಿರುವುದು ಕೂಡಾ ಆನಂದ್ ಅವರಿಗೆ ಖುಷಿಕೊಟ್ಟಿದೆ. ತಮಗೆ ಗೊತ್ತಿಲ್ಲದೇ ನಡೆದಂತಹ ತಪ್ಪಿನಿಂದ ಯುವ ತಂಡ ಹೇಗೆ ಹೊರಬರುತ್ತದೆ ಎಂಬ ಅಂಶದೊಂದಿಗೆ ಸಿನಿಮಾ ಸಾಗುತ್ತದೆಯಂತೆ. ಈ ಚಿತ್ರವನ್ನು ಕಿರಣ್ ಕುಮಾರ್ ಹಾಗೂ ಅಜೇಯ್ ಕುಮಾರ್ ನಿರ್ಮಿಸಿದ್ದು, ಸಿನಿಮಾ ಬಿಡುಗಡೆಯಾಗುತ್ತಿರುವ ಖುಷಿ ಹಂಚಿಕೊಂಡರು.
ಚಿತ್ರದಲ್ಲಿ ವಿನಯ್ ಚಂದ್ರ ನಾಯಕರಾಗಿ ನಟಿಸಿದ್ದು, ಈ ಸಿನಿಮಾವಾಗುವಲ್ಲಿ ಅವರ ತಾಯಿಯ ಪಾತ್ರ ಕೂಡಾ ಪ್ರಮುಖವಾಗಿದೆಯಂತೆ. ಉಳಿದಂತೆ ಚಿತ್ರದಲ್ಲಿ ನಾಯಕಿಯಾಗಿ ವಿದ್ಯಾ ನಟಿಸಿದ್ದು, ಸಿಕ್ಕಾಪಟ್ಟೆ ಸವಾಲಿನ ಪಾತ್ರ ಸಿಕ್ಕಿದೆ ಎಂದು ಖುಷಿಯಾದರು. ಚಿತ್ರಕ್ಕೆ ರಾಘವೇಂದ್ರ ಹಾಗೂ ಆಕಾಶ್ ಸಂಗೀತವಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Yadgir BJP ಬೃಹತ್ ರೋಡ್ ಶೋ; ದೇಶದ ರಕ್ಷಣೆಗಾಗಿ ಮತ್ತೆ ಬೆಂಬಲಿಸಿ: ನಡ್ಡಾ
Vote; ಕರ್ನಾಟಕ ಮೊದಲ ಹಂತ: ಶೇಕಡಾವಾರು ಮತದಾನದ ವಿವರ
Chamarajanagar; ಮತದಾನ ಮಾಡಬೇಕೋ ಬೇಡವೋ ಎಂದು EVM ಗಳೇ ಧ್ವಂಸ !
EVM ಕುರಿತು ಸುಪ್ರೀಂ ತೀರ್ಪು ಪ್ರತಿಪಕ್ಷಗಳಿಗೆ ಕಪಾಳ ಮೋಕ್ಷ: ಪ್ರಧಾನಿ ಮೋದಿ
Baramulla ಗುಂಡಿನ ಚಕಮಕಿಯಲ್ಲಿ ಉಗ್ರರಿಬ್ಬರ ಹತ್ಯೆ; ಇಬ್ಬರು ಸೇನಾ ಸಿಬಂದಿಗೆ ಗಾಯ