ಬಂಪರ್‌ ಆಫ‌ರ್‌ ; ನೆಟ್‌ ಫ್ಲಿಕ್ಸ್ ಇನ್ನು ಮುಂದೆ ಅಗ್ಗ

Team Udayavani, Dec 15, 2021, 2:15 PM IST

ನವದೆಹಲಿ: ಪ್ರಸಿದ್ಧ ಒಟಿಟಿ “ನೆಟ್‌ಫ್ಲಿಕ್ಸ್’ ತನ್ನ ಚಂದಾದಾರರಿಗೆ ಬಂಪರ್‌ ಆಫ‌ರ್‌ ನೀಡಿದೆ. ಈಗಿದ್ದ ಎಲ್ಲ ಪ್ಲ್ಯಾನ್‌ಗಳ ಬೆಲೆಯನ್ನು ಭಾರೀ ಪ್ರಮಾಣದಲ್ಲಿ ಇಳಿಸಲಾಗಿದೆ. ಮೊಬೈಲ್‌ನಲ್ಲಿ ತಿಂಗಳಿಗೆ 199 ರೂ. ಕೊಟ್ಟು ನೆಟ್‌ ಫ್ಲಿಕ್ಸ್ ನೋಡುತ್ತಿದ್ದವರಿಗೆ ಇನ್ನು ಮುಂದೆ 149 ರೂ.ಗೆ ಆ ಪ್ಲ್ಯಾನ್‌ ಲಭ್ಯವಾಗಲಿದೆ.

ಹಾಗೆಯೇ 499 ರೂ.ನ ಬೇಸಿಕ್‌ ಪ್ಲ್ಯಾನ್‌ ಬೆಲೆಯನ್ನು 199 ರೂ.ಗೆ, 649 ರೂ.ನ ಸ್ಟಾಂಡರ್ಡ್‌ ಪ್ಲ್ಯಾನ್‌ ಬೆಲೆಯನ್ನು 499 ರೂ.ಗೆ ಹಾಗೂ 799 ರೂ.ನ ಪ್ರೀಮಿಯಂ ಪ್ಲ್ರಾನ್‌ ಅನ್ನು 649ರೂ.ಗೆ ಇಳಿಸಲಾಗಿದೆ. ಈ ಬೆಲೆ ಮಂಗಳವಾರದಿಂದಲೇ ಅನ್ವಯವಾಗಲಿದೆ.

ಖಡಕ್‌ ಟೀ ಆಗದ್ದಕ್ಕೆ ನೆಟ್ಟಿಗರ ಕೋಪ
ಒಂದು ಕಪ್‌ ಚಹಾ ಹೇಗೆ ಸಿದ್ಧ ಮಾಡುವುದು ಎಂದು ಪ್ರಶ್ನೆ ಕೇಳಿದರೆ ಎಲ್ಲರೂ ಅವರದ್ದೇ ಆದ ವಿಧಾನ ಸೂಚಿಸುತ್ತಾರೆ. ಇದೇ ವಿಚಾರ ಈಗ ಜಗತ್ತಿನಾದ್ಯಂತ ಇಂಟರ್‌ನೆಟ್‌ನಲ್ಲಿ ಖಂಡನೆ ಮತ್ತು ನಗೆಯ ಅಲೆಗೆ ಕಾರಣವಾಗಿದೆ.

ಅಮೆರಿಕದ ಸಿಎನ್‌ಎನ್‌ ಸುದ್ದಿ ವಾಹಿನಿಯ ಮುಖ್ಯ ಆರೋಗ್ಯ ವರದಿಗಾರ ಮತ್ತು ನ್ಯೂರೋ ಸರ್ಜನ್‌, ಭಾರತೀಯ ಮೂಲದ ಡಾ. ಸಂಜಯ ಗುಪ್ತಾ ತಮ್ಮ ಮಕ್ಕಳಿಗೆ ಚಹಾ ಹೇಗೆ ಮಾಡುವುದು ಎಂಬ ಬಗ್ಗೆ 3 ನಿಮಿಷ 31 ಸೆಕೆಂಡುಗಳ ವಿಡಿಯೋವನ್ನು ಸಿಎನ್‌ಎನ್‌ ಟ್ವಿಟರ್‌ ಖಾತೆಯಲ್ಲಿ ಅಪ್‌ಲೋಡ್‌ ಮಾಡಲಾಗಿದೆ.

ಆರಂಭದಲ್ಲಿ ಡಾ.ಸಂಜಯ್‌ ಗುಪ್ತಾ ತಮ್ಮ ಹೆತ್ತವರಿಗೆ ತಾವೇ ಚಹಾ ಮಾಡುತ್ತಿದ್ದ ಬಗ್ಗೆ ಮತ್ತು ತಮ್ಮ ತಾಯಿ ಚಹಾ ಸಿದ್ಧಗೊಳಿಸಿ ನೀಡುತ್ತಿದ್ದ ಕಪ್ ಗಳನ್ನೇ ಅಲ್ಲಿ ಬಳಕೆ ಮಾಡಿದ್ದಾಗಿ ಹೇಳಿಕೊಂಡಿದ್ದಾರೆ. ಏಲಕ್ಕಿ, ಶುಂಟಿಯನ್ನು ಜಜ್ಜಿ ಚಹಾ ಮಾಡುವುದು ಹೇಗೆ, ಎಂಬುದನ್ನು ಅವರು ವಿವರಿಸಿದ್ದಾರೆ.