3500ರ ಬದಲಿಗೆ ಎಟಿಎಂ ಕೊಟ್ಟಿದ್ದು 70 ಸಾವಿರ!
Team Udayavani, Jan 21, 2017, 6:36 AM IST
ಎಟಿಎಂ ಯಂತ್ರದೊಳಗೆ ಕಾರ್ಡ್ ಹಾಕಿ ಮೊತ್ತ ಟೈಪಿಸಿದ್ದು 3500 ರೂಪಾಯಿ. ಆದರೆ, ಎಟಿಎಂ ಈತನ ಕೈಗೆ ತಲುಪಿಸಿದ್ದು ಭರ್ಜರಿ 70,000 ರೂಪಾಯಿ!
ಇದು ರಾಜಸ್ಥಾನದ ಟೋಂಕ್ ಪಟ್ಟಣದ ಜಿತೇಶ್ ದಿವಾಕರ್ ಎಂಬಾತನಿಗೆ ಒಲಿದ ಅದೃಷ್ಟ! ಬ್ಯಾಂಕ್ ಆಫ್ ಬರೋಡಾ ಎಟಿಎಂ ಯಂತ್ರದಲ್ಲಿ ಈ ಪ್ರಸಂಗ ನಡೆದಿದೆ. ಜಿತೇಶ್ ದಿವಾಕರ್ ಕೂಡಲೇ ಬ್ಯಾಂಕ್ ಸಿಬ್ಬಂದಿಗೆ ತಿಳಿಸಿದಾಗ, ಎಟಿಎಂ ಯಂತ್ರವನ್ನು ತಾತ್ಕಾಲಿಕವಾಗಿ ಬಂದ್ ಮಾಡಲಾಯಿತು. ತಮಾಷೆಯೆಂದರೆ, ದಿವಾಕರ್ ಖಾತೆಯಲ್ಲಿ ಅಷ್ಟೊಂದು ಹಣವೇ ಇರಲಿಲ್ಲ! ಇವರಿಗೂ ಮುನ್ನ 10 ವ್ಯಕ್ತಿಗಳಿಗೆ ಹೆಚ್ಚುವರಿ ಹಣ ಸಿಕ್ಕಿದೆ. ಅವರೆಲ್ಲ ಸಿಕ್ಕಿದ್ದೇ ಸೀರುಂಡೆ ಎಂದು ದುಡ್ಡು ಇಟ್ಟುಕೊಂಡು ಎಸ್ಕೇಪ್ ಆಗಿದ್ದಾರೆ ಎಂಬ ಶಂಕೆಯೂ ಬ್ಯಾಂಕ್ ಸಿಬ್ಬಂದಿಯಿಂದ ವ್ಯಕ್ತವಾಗಿದೆ.