ಇಂಥ ಅಪಘಾತವಾದರೂ ಚಾಲಕನಿಗೇನೂ ಆಗಲಿಲ್ಲ

Team Udayavani, Jul 12, 2019, 12:38 PM IST

ಕೆಲವೊಮ್ಮೆ ಅಪಘಾತಗಳು ಸಂಭವಿಸಿದಾಗ ಆಶ್ವರ್ಯಕರ ರೀತಿಯಲ್ಲಿ ಪ್ರಯಾಣಿಕರು ಅಥವಾ ಚಾಲಕ ಪಾರಾಗುವ ಘಟನೆಗಳನ್ನು ನಾವು ಕೇಳಿರುತ್ತೇವೆ ಮತ್ತು ನೋಡಿರುತ್ತೇವೆ. ಆರಿಝೋನಾದಲ್ಲಿ ಇಂಥದ್ದೇ ಘಟನೆ ಬುಧವಾರ ನಡೆದಿದೆ.

39 ವರ್ಷದ ವ್ಯಕ್ತಿಯನ್ನು ಕ್ರಿಮಿನಲ್‌ ಹಾನಿ ಮಾಡಿದ್ದ ಪ್ರಕಣದಲ್ಲಿ ಪೊಲೀಸರು ಬಂಧಿಸಿದ್ದರು. ಆತ ಅವರ ವಶದಿಂದ ತಪ್ಪಿಸಿಕೊಂಡು ವೇಗವಾಗಿ ಕಾರನ್ನು ಚಲಾಯಿಸಿಕೊಂಡು ಬರುವ ವೇಳೆ ಕ್ಯಾಕ್ಟಸ್‌ ಮರಕ್ಕೆ ರಭಸದಿಂದ ಗುದ್ದಿದ್ದಾನೆ. ಮರದ ಕೊಂಬೆ ತುಂಡಾಗಿ ನಾಟಕೀಯ ರೀತಿಯಲ್ಲಿ ಕಾರಿನ ಮುಂಭಾಗದ ಗಾಜಿನಿಂದ ತೂರಿ ಒಳಹೊಕ್ಕಿದೆ. ಇಷ್ಟಾದರೂ ವ್ಯಕ್ತಿಗೆ ಏನೂ ಆಗಿಲ್ಲ. ಆತ ಆರಾಮವಾಗಿ ಕಾರಿನಿಂದ ಹೊರ ಬಂದು ಮತ್ತೆ ಪೊಲೀಸರ ಅತಿಥಿಯಾಗಿದ್ದಾನೆ.