ಆಕ್ಟೋಪಸ್ ಜತೆ ಸರಸ, ಪಾ‹ಣಕ್ಕೆ ಬಂತು ಕಂಟಕ
Team Udayavani, Aug 9, 2019, 1:33 PM IST
ವಾಷಿಂಗ್ಟನ್ನ ಜ್ಯಾಮಿ ಬಿಸೆಗ್ಲಿಯ ಎಂಬ ಮಹಿಳೆ, ಇತ್ತೀಚೆಗೆ ಒಂದು ಆಕ್ಟೋಪಸ್ ಅನ್ನು ತಮ್ಮ ಮುಖದ ಮೇಲೆ ಬಿಟ್ಟುಕೊಂಡು ಫೋಟೋ ತೆಗೆಸಿಕೊಳ್ಳಲು ಹೋಗಿ ಅದರಿಂದ ಕಚ್ಚಿಸಿಕೊಂಡು ಸಂಕಷ್ಟಕ್ಕೀಡಾಗಿದ್ದಾರೆ.
ವಿಭಿನ್ನ ಫೋಟೋ ತೆಗೆಸಿಕೊಳ್ಳುವ ತವಕದಲ್ಲಿ ಆಕ್ಟೋಪಸ್ ಅನ್ನು ಮುಖದ ಮೇಲೆ ಇಟ್ಟುಕೊಂಡು ನಿಂತಿದ್ದಾಗ ಅದು ಆಕೆಯ ಗಲ್ಲವನ್ನು ಎರಡು ಬಾರಿ ಕಚ್ಚಿದ್ದು, ಅದರ ವಿಷದಿಂದಾಗಿ ಆಕೆಯ ಮುಖ, ಕಣ್ಣುಗಳು, ಕುತ್ತಿಗೆ ಊದಿಕೊಂಡಿವೆ. ಮುಖದ ಎಡಭಾಗಕ್ಕೆ ಪಾರ್ಶ್ವವಾಯು ಬಡಿದಂತಾಗಿದೆ. ಗಂಟಲು ಊದಿರುವುದರಿಂದ ದ್ರವರೂಪದ ಆಹಾರ ಮಾತ್ರ ಸೇವಿಸಬೇಕಿದ್ದು, ಬಾವು ಇಳಿಯಲು ತಿಂಗಳುಗಳೇ ಹಿಡಿಯುತ್ತದೆ ಎಂದು ವೈದ್ಯರು ಹೇಳಿದ್ದಾರೆ. ಅವರೀಗ, ತಿಂಗಳುಗಟ್ಟಲೆ ಔಷಧಿ ಸೇವನೆ, ಚಿಕಿತ್ಸೆ ಪಡೆಯಬೇಕಿದೆ.