ಇನ್ಮುಂದೆ ವಿದ್ಯುತ್ ಬಿಲ್ ಕಳ್ಳಾಟಕ್ಕೆ ಕಡಿವಾಣ; ಇ-ಬೆಳಕು ಯೋಜನೆ ಜಾರಿಗೆ
50 ಲಕ್ಷ ಸಂಪರ್ಕಗಳಿಗೆ ಕತ್ತರಿ
Team Udayavani, Jan 6, 2022, 12:41 PM IST
ಬೆಂಗಳೂರು: ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಸ್ವತ್ತುಗಳಲ್ಲಿ ವಿದ್ಯುತ್ ಬಳಕೆ ಜವಾಬ್ದಾರಿ ಹಾಗೂ ಬಿಲ್ ಕಳ್ಳಾಟ ತಪ್ಪಿಸುವುದಕ್ಕಾಗಿ “ಇ-ಬೆಳಕು’’ ಎಂಬ ಯೋಜನೆ ರೂಪಿಸಲು ಗ್ರಾಮೀಣಾಭಿವೃದ್ಧಿ ಹಾಗೂ ಪಂಚಾಯಿತ್ ರಾಜ್ ಇಲಾಖೆ ನಿರ್ಧರಿಸಿದ್ದು, ಬಳಕೆಯಲ್ಲಿ ಇಲ್ಲದ ಆದರೆ ಬಿಲ್ ಸೃಷ್ಟಿಯಾಗುತ್ತಲೇ ಇರುವ 50 ಲಕ್ಷ ಸಂಪರ್ಕಗಳಿಗೆ ಕತ್ತರಿ ಹಾಕಲು ಮುಂದಾಗಿದೆ.
ಇದಕ್ಕಾಗಿ ಆನ್ಲೈನ್ ಆಧರಿತ ಸಂಪರ್ಕ ದೃಢೀಕರಣ ವ್ಯವಸ್ಥೆಗೆ ಇಲಾಖೆ ಮುಂದಾಗಿದೆ.ನಿಷ್ಕ್ರಿಯಗೊಂಡ, ಆರ್.ಆರ್.ನಂಬರ್ ಇಲ್ಲದ ಪಂಚಾಯಿತಿ ಸ್ವತ್ತಿಗೆ ಇನ್ನು ಮುಂದೆ ಸಂಪರ್ಕ ಇರುವುದಿಲ್ಲ. ಇಲಾಖೆಯ “ಇ-ಬೆಳಕು’’ ಪೋರ್ಟಲ್ನಲ್ಲಿ ನೋಂದಾಯಿತ ಸ್ವತ್ತುಗಳು ಮಾತ್ರ ಬೆಳಕು ಕಾಣಲಿವೆ.
ರಾಜ್ಯದ 5962 ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ಬೀದಿ ದೀಪ, ಕೊಳವೆ ಬಾವಿಗಳು, ಕುಡಿಯುವ ನೀರಿನ ಘಟಕಗಳು ಸೇರಿದಂತೆ 1.50 ಲಕ್ಷ ಸಂಪರ್ಕ ಕಲ್ಪಿಸಲಾಗಿದೆ. ಈ ಪೈಕಿ 50 ಲಕ್ಷ ಸಂಪರ್ಕಗಳು ಬಳಕೆಯಲ್ಲಿ ಇಲ್ಲ. ಆದರೆ ಬಿಲ್ ಪಾವತಿ ಮಾತ್ರ ಮುಂದುವರಿದಿದೆ. ಇದಕ್ಕಾಗಿ ಇಲಾಖೆ ವಾರ್ಷಿಕ 1000 ಕೋಟಿ ರೂ. ನಷ್ಟವಾಗುತ್ತಿದೆ. 2015ರಲ್ಲಿ ಈ ಮೊತ್ತ 5000 ಕೋಟಿ ರೂ. ತಲುಪಿದ್ದು, ಅಂದಿನ ಸರಕಾರ 1000 ಕೋಟಿ ರೂ. ಮನ್ನಾ ಮಾಡಿತ್ತು. ಒಟ್ಟಾರೆಯಾಗಿ 4000 ಕೋಟಿ ರೂ. ವಿದ್ಯುತ್ ಬಾಕಿ ಗ್ರಾಮ ಪಂಚಾಯಿತಿಯ ಸ್ವತ್ತುಗಳಿಂದ ಸರಕಾರಕ್ಕೆ ಸಂದಾಯ ಮಾಡಬೇಕಿದೆ. ಹೀಗಾಗಿ ಅನಗತ್ಯ ಸಂಪರ್ಕಗಳನ್ನು ಕಿತ್ತು ಹಾಕಿ ಇ-ಬೆಳಕು ಪೋರ್ಟಲ್ ಮೂಲಕ ವಿದ್ಯುತ್ ಪೂರೈಕೆ ವ್ಯವಸ್ಥೆಗೆ ಸರಕಾರ ನಿರ್ಧರಿಸಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
2nd PUC ಪರೀಕ್ಷೆ-2 ಫಲಿತಾಂಶ ಪ್ರಕಟ; ಶೇ. 35.25 ವಿದ್ಯಾರ್ಥಿಗಳು ಉತ್ತೀರ್ಣ
ಕಾಂಗ್ರೆಸ್ ಸರ್ಕಾರ ಶಿಕ್ಷಣ ಕ್ಷೇತ್ರವನ್ನು ಹಾಳು ಮಾಡುತ್ತಿದೆ:ವಿ.ಪ. ಸದಸ್ಯ ಎಸ್.ವಿ. ಸಂಕನೂರ
Politics: ರಾಜ್ಯ ಸರ್ಕಾರ ಎಲ್ಲ ರಂಗಗಳಲ್ಲಿ ವಿಫಲ; ವರ್ಷದ ಸಾಧನೆ ಶೂನ್ಯ; ಬೊಮ್ಮಾಯಿ ಟೀಕೆ
ಪಂಚಮಸಾಲಿ ಮೀಸಲಾತಿ ಹೋರಾಟದಲ್ಲಿ ಸರ್ಕಾರದ ಪರ ಮೃದು ಧೋರಣೆ ಇಲ್ಲ: ಮೃತ್ಯುಂಜಯ ಸ್ವಾಮೀಜಿ
Hasan: ಲೈಂಗಿಕ ದೌರ್ಜನ್ಯ ಪ್ರಕರಣ; 20 ದಿನಗಳ ನಂತರ ತವರಿಗೆ ಆಗಮಿಸಿದ ಎಚ್.ಡಿ.ರೇವಣ್ಣ