Missing Cases ತಾಯಿ-ಮಗು ನಾಪತ್ತೆ: ದೂರು ದಾಖಲು
Team Udayavani, Nov 29, 2023, 11:27 PM IST
ಅಂಕೋಲಾ: ತಾಯಿ ಹಾಗೂ ಮಗಳು ಮನೆಯಿಂದ ನಾಪತ್ತೆಯಾಗಿರುವ ಕುರಿತು ಇಲ್ಲಿನ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಅಂಕೋಲಾದ ಲಕ್ಷ್ಮೇಶ್ವರದ ಗಜಾಲಾ ಸೈಯ್ಯದ್ ಮಹಮ್ಮದ್ ಇಕ್ಬಾಲ ಪಿರಜಾದೆ (43) ಹಾಗೂ ಮಗ ಅರೀಜ್ ಸಯ್ಯದ್ ಮಹಮ್ಮದ್ ಇಕ್ಬಾಲ್ ಪಿರಜಾದೆ (4 ವರ್ಷ 6 ತಿಂಗಳು) ನಾಪತ್ತೆಯಾದವರು.
ಅಂಕೋಲಾದ ಬೊಬ್ರವಾಡದ ಉರ್ದು ಶಾಲೆ ಹಿಂಬದಿಯವರಾದ ಸೈಯ್ಯದ ಪಿರಜಾದೆ ಅವರು ಹಾಲಿ ಲಕ್ಷ್ಮೇಶ್ವರದಲ್ಲಿ ತನ್ನ ಪತ್ನಿ ಗಜಾಲಾ ಹಾಗೂ ಮಗನೊಂದಿಗೆ ಬಾಡಿಗೆ ಮನೆ ಮಾಡಿಕೊಂಡು ವಾಸವಾಗಿದ್ದರು. ನ. 22ರ ಬುಧವಾರ ಬೆಳಿಗ್ಗೆ 10 ರ ಸುಮಾರಿಗೆ ಯಾರಿಗೂ ಹೇಳದೆ ಕೇಳದೆ ತನ್ನ ಪತ್ನಿ ಮಗನನ್ನು ಕರೆದುಕೊಂಡು ನಾಪತ್ತೆಯಾಗಿದ್ದಾಳೆ. ತನ್ನ ಪತ್ನಿ ಹಾಗೂ ಮಗುವನ್ನು ಹುಡುಕಿಕೊಡುವಂತೆ ಮಹಮದ್ ದೂರು ದಾಖಲಿಸಿದ್ದಾರೆ.
ಅವರು ಕಂಡುಬಂದಲ್ಲಿ ಅಥವಾ ಮಾಹಿತಿ ತಿಳಿದಲ್ಲಿ ಅಂಕೋಲಾ ಠಾಣೆಗೆ ತಿಳಿಸುವಂತೆ ಪೊಲೀಸರು ತಿಳಿಸಿದ್ದಾರೆ.