ಭರ್ಜರಿ ಬೇಡಿಕೆ: ಚಿನ್ನದ ದರ 377 ರೂ. ಏರಿಕೆ

Team Udayavani, May 15, 2019, 6:00 AM IST

ಹೊಸದಿಲ್ಲಿ: ದೇಶೀಯ ಮಾರುಕಟ್ಟೆಯಲ್ಲಿ ಚಿನ್ನದ ಬೇಡಿಕೆ ಹೆಚ್ಚಳವಾದ ಪರಿಣಾಮ, ಹಳದಿ ಲೋಹದ ದರವೂ ಏರಿಕೆಯಾಗಿದೆ. ದಿಲ್ಲಿ ಚಿನಿವಾರ ಪೇಟೆಯಲ್ಲಿ ಮಂಗಳವಾರ ಚಿನ್ನದ ದರ ಗ್ರಾಂಗೆ 377 ರೂ. ಏರಿಕೆಯಾಗಿದ್ದು, 10 ಗ್ರಾಂಗೆ 33,395 ರೂ.ಗೆ ತಲುಪಿದೆ. ಸ್ಥಳೀಯ ಬೇಡಿಕೆಯ ಜತೆಗೆ, ಅಮೆರಿಕ- ಚೀನ ವ್ಯಾಪಾರ ಸಮರ ಕೂಡ ಚಿನ್ನದ ಖರೀದಿ ಹೆಚ್ಚಳಕ್ಕೆ ಕಾರಣ ಎಂದು ವಿಶ್ಲೇಷಕರು ಹೇಳಿದ್ದಾರೆ. ಬೆಳ್ಳಿಯ ಬೆಲೆಯೂ ಒಂದೇ ದಿನ 300 ರೂ. ಏರಿಕೆ ಕಂಡಿದ್ದು, ಕೆಜಿಗೆ 38,300 ಆಗಿದೆ.

ಸೆನ್ಸೆಕ್ಸ್‌ ಅಲ್ಪ ಚೇತರಿಕೆ: ಸತತ 9 ದಿನಗಳ ಕಾಲ ಕುಸಿತ ದಾಖಲಿಸುತ್ತಾ ಬಂದಿದ್ದ ಷೇರುಪೇಟೆ ಮಂಗಳವಾರ ಚೇತರಿಕೆ ಕಂಡಿದೆ. ಹಣಕಾಸು ಹಾಗೂ ಇಂಧನ ಷೇರುಗಳ ಖರೀದಿಗೆ ಹೂಡಿಕೆದಾರರು ಆಸಕ್ತಿ ವಹಿಸಿದ ಕಾರಣ, ಸೆನ್ಸೆಕ್ಸ್‌ 228 ಅಂಕ ಏರಿಕೆ ದಾಖಲಿಸಿದೆ.