ಕುಂಬಳಕಾಯಿ ಪಾಯಸ

Team Udayavani, Jun 1, 2019, 6:00 AM IST

ಕುಂಬಳಕಾಯಿ ಪಾಯಸ ಮಾಡುವುದು ತುಂಬಾ ಸುಲಭವಾಗಿದ್ದು, ಮೊದಲಿಗೆ ಕುಂಬಳಕಾಯಿನ್ನು ಹೋಳು, ಹೋಳಾಗಿ ಕತ್ತರಿಸಿಕೊಂಡು ಬೀಜ ತೆಗೆದು ಚೆನ್ನಾಗಿ ಅದನ್ನು ಚೆನ್ನಾಗಿ ತೊಳೆಯಬೇಕು. ಅನಂತರ ಅದಕ್ಕೆ ಕಡಲೇಬೇಳೆ ಸೇರಿಸಿಕೊಳ್ಳಬೇಕು. ನಂತರ ಚೆನ್ನಾಗಿ ಬೇಯಿಸಿಕೊಳ್ಳಿ. ನಂತರ ಬಿಸಿ ಆರಿದ ಬಳಿಕ ಕುಂಬಳಕಾಯಿ ಸಿಪ್ಪೆ ಕತ್ತರಿಸಿ, ಪುಡಿ ಪುಡಿ ಮಾಡಿಟ್ಟುಕೊಳ್ಳಿ.

ಬಳಿಕ ಬಿಸಿ ಬಾಣಲೆಗೆ ಎರಡು ಚಮಚ ತುಪ್ಪ, ಕಡಲೇಬೇಳೆ ಹಾಕಿ ಹುರಿಯಿರಿ. ಬೇಯಿಸಿಟ್ಟ ಕುಂಬಳಕಾಯಿ ಹಾಕಿ ಕಲಸಿ. ಬೆಲ್ಲ ಹಾಕಿ ಚೆನ್ನಾಗಿ ಕೈಯಾಡಿಸಿಬೇಕು. ಈ ಖಾದ್ಯಕ್ಕೆ ಹಾಲು ಸೇರಿಸಿ, ಉರಿ ಕೊಟ್ಟು ಕುದಿಸಿಕೊಳ್ಳಿ. ಬೆಲ್ಲ, ಬೇಳೆ ಮತ್ತು ಕುಂಬಳಕಾಯಿ ಎಲ್ಲ ಚೆನ್ನಾಗಿ ಬೆರೆಯುವವರೆಗೆ ಕುದಿಸಿಕೊಳ್ಳಬೇಕು. ಖಾದ್ಯ ಚೆನ್ನಾಗಿ ಕುದಿದ ಬಳಿಕ ಅದನ್ನು ಇನ್ನೊಂದು ಪಾತ್ರೆಯಲ್ಲಿ ಒಂದು ಚಮಚ ತುಪ್ಪ ಬಿಸಿ ಮಾಡಿ, ಅದಕ್ಕೆ ಏಲಕ್ಕಿ, ಲವಂಗ ಪುಡಿ ಮಾಡಿ ಸೇರಿಸಿ. ಅದಕ್ಕೆ ಜಜ್ಜಿದ ಗೋಡಂಬಿ, ಬಾದಾಮಿಯನ್ನು ಹಾಕಿ, ಕೊನೆಗೆ ಒಣದ್ರಾಕ್ಷಿಯನ್ನು ಸೇರಿಸಿ ಹುರಿದು ಪಾಯಸದ ಮೇಲೆ ಹಾಕಿ. ಈಗ ಕುಂಬಳಕಾಯಿ ಪಾಯಸ ಸವಿಯಲು ಸಿದ್ಧ.

•ಶಿವಲೀಲಾ