ಸ್ವಾದಿಷ್ಟಕರ ಹಲ್ವ
Team Udayavani, Mar 14, 2020, 4:50 AM IST
ಮಂಗಳೂರು ಸೌತೆಕಾಯಿ ಹಲ್ವ
ಬೇಕಾಗುವ ಸಾಮಗ್ರಿಗಳು
- 1 ಸಿಪ್ಪೆ ತೆಗೆದ ಮಂಗಳೂರು ಸೌತೆಕಾಯಿ
– ಗೋಡಂಬಿ-10
– ಪಿಸ್ತಾ-8
- ಬಾದಾಮಿ -8(1ಕಪ್)
- ಸಕ್ಕರೆ -1ಕಪ್
- ತುಪ್ಪ -12 ಚಮಚ
ಮಾಡುವ ವಿಧಾನ
ಮಂಗಳೂರು ಸೌತೆಕಾಯಿಯನ್ನು ತಿರುಳು ಸಿಗದಂತೆ ತುರಿದಿಟ್ಟುಕೊಳ್ಳಿ. ಬಳಿಕ 5 ಚಮಚ ತುಪ್ಪಕ್ಕೆ ಗೋಡಂಬಿ, ಪಿಸ್ತಾ, ಬಾದಾಮಿಯನ್ನು ಹಾಕಿ ಹುರಿದಿಟ್ಟುಕೊಳ್ಳಿ. ಬಳಿಕ ಅದೇ ಪ್ಯಾನಿಗೆ ತುರಿದ ಸೌತೆಕಾಯಿಯನ್ನು ಹಾಕಿ ಬೇಯಿಸಿಕೊಳ್ಳಿ. 1ಕಪ್ ಸಕ್ಕರೆ ಬೆರೆಸಿ ಸುಮಾರು 5ನಿಮಿಷಗಳ ಕಾಲ ಬೇಯಿಸಿಕೊಳ್ಳಿ. ಬಳಿಕ 7 ಚಮಚ ತುಪ್ಪ ಬೆರೆಸಿ ಹದವಾಗಿ ಬೇಯಿಸಿಕೊಳ್ಳಿ. ಬಳಿಕ ಡ್ರೈ ಫ್ರುಟ್ಸ್ ಮಿಶ್ರಗೊಳಿಸಿ ಸ್ವಾದಿಷ್ಟಕರ ಮಂಗಳೂರು ಸೌತೆಕಾಯಿ ಹಲ್ವ ಸವಿಯಲು ಸಿದ್ಧ.
ಬಿಟ್ರೂಟ್ ಹಲ್ವ
ಬೇಕಾಗುವ ಸಾಮಗ್ರಿ
- ಬಿಟ್ರೂಟ್ -2
- ಹಾಲು -1ಕಪ್
- ಸಕ್ಕರೆ -ಅರ್ಧ ಕಪ್
- ತುಪ್ಪ -15 ಚಮಚ
– ಏಲಕ್ಕಿ -ಒಂದು ಚಿಟಿಕೆ
– ಬಾದಾಮಿ- ದ್ರಾಕ್ಷಿ- ಗೋಡಂಬಿ (10-12)-1ಕಪ್
ಮಾಡುವ ವಿಧಾನ: ಮೊದಲಿಗೆ ಬಿಟ್ರೂಟ್ ಅನ್ನು ಸಣ್ಣಗೆ ತುರಿದಿಟ್ಟುಕೊಳ್ಳಬೇಕು. ಬಳಿಕ ಪ್ಯಾನ್ಗೆ ತುಪ್ಪ ಹಾಕಿ ಗೋಡಂಬಿ ಬಾದಾಮಿಯನ್ನು ಹುರಿದಿಟ್ಟುಕೊಂಡು ಪ್ರತ್ಯೇಕ ಕಪ್ನಲ್ಲಿ ಅದನ್ನು ತೆಗೆದಿಡಿ. ಅದೇ ಪ್ಯಾನ್ಗೆ ತುರಿದಿಟ್ಟ ಬಿಟ್ರೂಟ್ ಅನ್ನು ಹಾಕಿ 5ನಿಮಿಷಗಳ ಕಾಲ ಫ್ರೈ ಮಾಡಿ. ಅನಂತರ 1ಕಪ್ ಹಾಲನ್ನು ಅದರೊಂದಿಗೆ ಮಿಶ್ರಣಗೊಳಿಸಿ ಚಿಟಿಕೆ ಏಲಕ್ಕಿ ಬೆರೆಸಿ 6 ನಿಮಿಷಗಳ ಕಾಲ ಚೆನ್ನಾಗಿ ಬೇಯಿಸಿಕೊಳ್ಳಿ. ಬಳಿಕ ಅದಕ್ಕೆ ಸಕ್ಕರೆ ಬೆರೆಸಿಕೊಳ್ಳಿ. ಹಾಲು ಬಿಟ್ರೂಟ್ನೊಂದಿಗೆ ಬೆರೆಸಿ ಮೆತ್ತಗಾಗುತ್ತಲೇ ಅಡಿಹಿಡಿಯದಂತೆ ಎಚ್ಚರವಹಿಸಿ. ಸುಮಾರು 20 ನಿಮಿಷಗಳ ಫ್ರೈ ಮಾಡಿ. ಹುರಿದಿಟ್ಟ ಗೋಡಂಬಿ-ಬಾದಾಮಿ ಮತ್ತು ದ್ರಾಕ್ಷಿಯನ್ನು ಬೆರೆಸಿದರೆ ರುಚಿಕರ ಬಿಟ್ರೂಟ್ ಹಲ್ವಾ ಸವಿಯಲು ಸಿದ್ಧ.
ರಾಧಿಕಾ ಕುಂದಾಪುರ