ಗೊಬ್ಬರ ವ್ಯರ್ಥ ಮಾಡದ ಯಂತ್ರ

Team Udayavani, Jul 15, 2019, 5:28 AM IST

ಬೆಳೆ ಚೆನ್ನಾಗಿ ಬರಲು ರೈತರು ಯೂರಿಯಾ ಬಳಸುತ್ತಾರೆ. ಆದರೆ ಬಹಳಷ್ಟು ಸಲ ಅಗತ್ಯಕ್ಕಿಂತ ಹೆಚ್ಚಿನ ಪ್ರಮಾಣವೇ ಖರ್ಚಾಗುವುದುಂಟು. ಇದರಿಂದ ಜೇಬಿಗೂ ಹೊರೆಯಲ್ಲದೆ ಬೆಳೆಗೂ ಸಮಸ್ಯೆಯನ್ನು ತಂದೊಡ್ಡಬಲ್ಲುದು. ಈ ತೊಡಕನ್ನು ನಿವಾರಿಸಲು “ಡಿಸ್ಟಿಂಕ್ಟ್ ಹೊರೈಝಾನ್ಸ್‌’ ಎಂಬ ಸಂಸ್ಥೆ ಅಭಿವೃದ್ಧಿ ಪಡಿಸಿದ ಯಂತ್ರವಿದು. ಶೇ. 40ರಷ್ಟು ಯೂರಿಯಾ ಬಳಕೆಯನ್ನು ಇದು ಉಳಿಸಬಲ್ಲುದೆಂದು, ಜೊತೆಗೆ ಇಳುವರಿಯೂ ಹೆಚ್ಚುವುದು ಎಂದು ಸಂಸ್ಥೆ ಹೇಳಿಕೊಂಡಿದೆ. ಈ ಯಂತ್ರ ಯೂರಿಯಾ ಡೀಪ್‌ ಪ್ಲೇಸ್‌ಮೆಂಟ್‌ ಎಂಬ ತಂತ್ರಜ್ಞಾನವನ್ನು ಬಳಸಿ ಕಾರ್ಯನಿರ್ವಹಿಸುತ್ತದೆ. ಇದರಿಂದಾಗಿ ಗೊಬ್ಬರ ನೇರವಾಗಿ ಬೇರುಗಳಿಗೆ ಪೂರೈಕೆಯಾಗುವುದು. ಈ ಯಂತ್ರ ಸುಮಾರು ಒಂದೂವರೆ ಲಕ್ಷ ಬೆಲೆ ಬಾಳುವುದು. ಹೀಗಾಗಿ ಸದ್ಯಕ್ಕೆ ಇದನ್ನು ರೈತರಿಗೆ ಬಾಡಿಗೆ ನೀಡಲಾಗುತ್ತಿದೆ.